Rusiya ordusu yenidən Ukraynaya hücum edib. Ukrayna mediasının yazdığına görə, Xarkov şəhərindəki xəstəxanaya endirdiyi aviazərbələr nəticəsində azı 6 nəfər yaralanıb. Bildirilib ki, Rusiya Silahlı Qüvvələri şəhərə üç idarə olunan bomba atıb, onlardan biri tibb müəssisəsinin yaxınlığındakı yardımçı binaya düşüb. Ukrayna Fövqəladə Hallar Dövlət Xidməti isə açıqlama yayıb ki, yüzdən çox xəstənin yerləşdiyi xəstəxananın pəncərələri və qapıları uçub, ən azı altı nəfər qəlpələrdən yaralanıb. "Birmərtəbəli qaraj qismən dağılıb, üçmərtəbəli tibb müəssisəsinə və avtomobillərə ziyan dəyib. İki yanğın hadisəsi baş verib", - Fövqəladə Hallar Dövlət Xidmətinin məlumatında deyilir.
Mətləb
