07/08/2020 02:26
728 x 90

Şamaxı görüşləri Azərbaycanda və xaricdə fövqəladə hadisələrə dövlətlərin yanaşmasında fərqləri aydın göstərdi...

Seyid Camal Əzimbəyli: “Bu onu göstərir ki, dövlətimiz sözügedən məsələdə humanist prinsiplərdən çıxış edir”

img

Dekabrın 5-də Prezident İlham Əliyev Şamaxı rayonunda zəlzələ nəticəsində ziyan çəkmiş ailələr üçün yeni inşa edilmiş 44 mənzilli yaşayış binasında yaradılmış şəraitlə tanış olub.

Dövlət başçısı qeyd edib ki, bir neçə il ərzində Azərbaycanda həm daşqın, həm də zəlzələ olub və hər iki halda dövlət bütün xərcləri öz üzərinə götürüb: “Bu da deyə bilərəm ki, nadir bir təcrübədir. Çünki inkişaf etmiş ölkələrdə bu, belə deyil. Orada vətəndaşların evləri sığortalanır və əgər ev hansısa səbəbə görə ziyan çəkibsə, vətəndaş sığorta şirkətinə müraciət edir. Ondan sonra təqribən bir neçə ay ərzində ona vəsait ödəniləcək, ödənilməyəcək, hələ bəlli deyil. Bizdə isə belə deyil. Biz başa düşürük ki, bizim vətəndaşlar buna hələ ki, öyrəşməyiblər. Evlərin bir çoxu sığortalanmayıb. Ona görə nə etməliyik? İmkan verə bilmərik ki, onlar küçədə qalsınlar. Ona görə dövlət bu işi öz üzərinə götürür”.

Prezident onu da qeyd edib ki, fevral ayında zəlzələ baş verəndən sonra müvafiq təlimatlar verildi: “Bütün qüvvələr səfərbər olundu. İkinci dəfə mart ayında gəlmişdim. Artıq birinci evlərin tikintisini də qeyd etdik. Göstəriş verdim ki, maksimum çalışmalıyıq ilin sonuna qədər bütün evlər tikilsin. Şadam ki, buna nail olmuşuq. Bu da, əslində, misli görünməmiş məsələdir. Çünki 10 ay ərzində bütün fərdi evlər tikildi, təmir olundu”.

Dövlət başçısının bu müqayisəsi göstərdi ki, təbii fəlakətlər zamana dövlətlərin problemin aradan qaldırılmasına yanaşması necə olur.

  • “Dünyanın heç bir ölkəsində zəlzələ nəticəsində dağılmış evləri dövlət tikmir”

Məsələyə münasibət bildirən şərqşünas Seyid Camal Əzimbəylinin sözlərinə görə, bu onu göstərir ki, Azərbaycanda bununla bağlı olan təcrübə daha mükəmməldir: “Çünki zəlzələ zamanı Azərbaycan dövləti birbaşa xalqın yanında oldu. Dövlət başçısı bu kimi səfərlər etməklə yerindəcə insanların problemləri ilə tanış oldu və qəti göstərişlər verdi. Bu onu göstərir ki, dövlətimiz sözügedən məsələdə humanist prinsiplərdən çıxış edir. Birinci növbədə hakimiyyət hər zaman xalqın yanındadır. Dünyanın heç bir ölkəsində zəlzələ nəticəsində dağılmış evləri dövlət tikmir. Sığorta şirkətləri bu işləri yerinə yetirirlər. Bu müddət ərzində insanlar bir çox problemlə qarşılaşırlar. Amma onlardan fərqli olaraq, hakimiyyət xalqın hər zaman yanında olur və belə hallarda öz dəstəyini əsirgəmir. Vətəndaşlar müasir, daha yaxşı həyat şəraiti ilə təmin edilirlər. Ölkə başçımız hər zaman deyir ki, biz xalqın xidmətçiləriyik. Bu kimi səfərlər də həqiqətən xalqın xidmətçisi olduğunu əyani göstərir”.

Vidadi ORDAHALLI

Son xəbərlər