Şərurlu İsfəndiyar məhkəmələrdə "savadsız adamam" ifadəsini tez-tez səbəbsiz işlətmir, onun hədəfi var...
Səməd Vəkilov: "Savadsızlıq, yaxud qanunu bilməmək heç bir halda şəxsi nə cinayət, nə də mülki məsuliyyətdən azad etmir"
Bir müddət əvvəl İsfəndiyar Axundov “PROQRESS 2016” MTK-nın həbsdə olan rəhbəri Emil Səməndərovu mətbuatda "dələduz" adlandırmışdi. Buna görə də Emil Səməndərov İsfəndiyar Axundov barəsində Cinayət Məcəlləsinin 147.2-ci (böhtan) və 148-ci (təhqir) maddələri üzrə xüsusi ittiham qaydasında şikayət edib. O, İsfəndiyar Axundovun qeyd olunan maddələrlə cəzalandırılmasını istəyib.
Səməndərov Emil Tofiq oğlu isə Cinayət Məcəlləsinin 178.4 (xüsusilə külli miqdarda dələduzluq), 308.2 (ağır nəticələrə səbəb olan vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.
Cinayət Məcəlləsinin müvafiq maddəsinə görə, haqqında məhkəmə hökmü olmayan şəxsi cinayətkar və ya dələduz adlandırmaq olmaz. Hətta şəxs bu maddələrlə ittiham olunsa da, məhkəmənin hökmü qüvvəyə minənə qədər onun adına bu ifadələri şamil etmək hüquqi məsuliyyət yaradır. Emil Səməndərov da bu fürsətdən yararlanaraq İsfəndiyar Axundovun dərc edilmiş müsahibəsini əsas gətirərək ona qarşı xüsusi ittaham qaydasında məhkəmə iddiası qaldırıb.
Bu səbəbdən də İsfəndiyar Axundov tez-tez məhkəmələrdə və mediada deyir ki, mən savadsızam, bilməmişəm ki, Emil Səməndərovu "dələduz" adlandırmaq hüquqi məsuliyyət yaradir və buna görə məni ittiham edə bilərlər. Amma şərurli İsfəndiyara sual edən yoxdur ki, sənin savadın yoxdursa, bu qədər əmlakı, var-dövləti neçə toplamısan, bunlar hardandır.
Növbəti məhkəmədə təqsirləndirilən şəxs İsfəndiyar Axundov ifadə verib.
O, baxılan iş üzrə özünü təqsirli bilmədiyini deyib: “Məqsədim zərərçəkmişlərin şikayətlərini həll etmək olub. Məsələlər həll olunmalıdır ki, Səməndərov Emili buraxsınlar. Mənim günahım yoxdur. Mən şəhid ailələrinə yardım edirəm. Savadım olmadığı üçün qarşı tərəfin vəkilinin suallarını cavablaya bilmirəm”.
Baki-xeber.com-a açıqlamasında “Müvəkkil” Hüquq Mərkəzinin sədri Səməd Vəkilov bildirdi ki, savadsızlıq, yaxud qanunu bilməmək heç bir halda şəxsi nə cinayət, nə də mülki məsuliyyətdən azad etmir: "Azərbaycan Respublikası Konstitusiyaşının 72-ci maddəsinin 3-cü bəndinə əsasən, qanunu bilməmək vətəndaşı heç bir halda məsuliyyətdən azad etmir".
Dəniz NƏSİRLİ
