Qışın şaxtalı günlərinin Lerikin Dzdipok kəndi üçün ağır sınaqları...

img

Qış gələni dağlar diyarı Lerik rayonunun əksər kəndlərində evləri isitmək çətin problemə dönübdür. Uzun illər deyilsə də, kəndlərə “mavi qaz” çəkilməyib, yanacaq odun baha olduğuna  görə hər kəsin onu almağa maddi imkanı çatmır. Soyuq evlərdə insanlar acınacaqlı  halda  günləri sayırlar. Çoxunun da bu qışdan salamat çıxmağına gümanı yoxdur. Rayonun ucqar dağ kəndi olan Dzdipok sakini İsfəndiyar Əşrəfov vəziyyəti  belə izah edir: - Əvvəllər vəziyyət yaxşı idi. Belə ki, yaxın meşələrdən təbii şəkildə qocalan, yıxılan, çürüməyə doğru gedən ağacların hesabına qışın şaxtasından sağ çıxmaqdan ötrü odun tədarükünü görərdik. Necə kəndə qaz çəkmək vədi verildi meşələr üzümüzə bağlandı. İndi il-ilə calansa da Lerikin dağ kəndlərin qaz arzusu  həyat keçmir. Meşədən gətirilən odun məsələsi də dönüb bir sıra işbazların haram “biznes” yerinə. Yanacaq oduna elə bir qiymət deyirlər ki, heç ona yaxın düşmək olmur. Bax, belə... Dinamik inkişaf edən, günbəgün çiçəklənən Azərbaycana məxsus Lerik rayonunun dağ kəndlərində hazırda yaşamaq çox çətindir. Amma sovet vaxtı belə deyildi. İnsan kimi yaşaya bilirdik. Özəlləşmə adı altında hər şey camaatın əlindən alındı...

Qışın şaxtasında ciddi çətinlik çəkən rayonun dağ kəndindən bir də Hamaratdır. Yanacaq qıtlığı üzündən günün əksər hissəsində otaqlar soyuq olur. Hamaratlıların soyuq otaqlarda büzüşüb oturmaqdan başqa əllərindən heç nə gəlmir. Kənd sakini Allahverdi Allahverdiyev bildirir ki, başdan-başa problemlərin işində yaşayırıq. Hər şeyə birtəhər dözürük. Amma bizim dağlar qışda saxtalı keçdiyinə görə burada ocağı isitməmək ölüm deməkdir. On ildir kəndimizə qaz çəkiləcəyini deyirlər. Bu yalan vədə görə meşəçilər də odunun qiymətini birə-on qaldırıblar.  Belə vəziyyətdə qışdan salamat çıxmağa adamım inanmağı gəlmir.

Bəli, Lerikdə belə acınacaqlı durumda olan kəndlərin sayı çoxdur. Haçansa bu kənlərə qaz çəkiləcək, onu demək çətindir. Əgər kənd sakinlərə əvvəlki kimi meşəyə getməyə icazə verilsə, özlərinə çıxış yolu tapa bilərlər. Onsuzda kənd adamlarını yanacaq odun tədarükü bəhanəsi ilə  Lerik meşələri elə meşəçilər tərəfindən talanır...

Zəfər ORUCOĞLU
Azərbaycan Jurnalistlər Birliyinin üzvü

Son xəbərlər