Prezident I Qarabağ müharibəsi əlillərinə birdəfəlik ödəniş edilməsi barədə fərman imzalayıb. Prezident fərmanı ilə Birinci Qarabağ müharibəsi qazilərinə birdəfəlik ödəniş veriləcək. Belə ki, onlara I dərəcə əlilliyə görə 8 800 manat, II dərəcə əlilliyə görə 6 600 manat veriləcək. Məlumatlara görə, Qarabağ əlillərinə verilən birdəfəlik ödəmə 20 min nəfərə 50 milyon manat təşkil edəcək.
Azərbaycan dövləti bütün sosial qruplara mənsub olan şəxslərin sosial müdafiəsinin təmin olunmasg sahəsində geniömiqyaslg işlər görür. Birinci Qarabar müharibəsi qazilərinə də hər zaman dövlət tərəfindən diqqət və qayrg göstərilir, indiyə qədər onlar avtomobillə, mənzillə təmin ediliblər. Qazilərimizə birdəfəlik ödəmənin verilməsi isə onlara növbəti dövlət qayrgsgngn təzahürüdür. Azərbaycanda həm Birinci, həm də Gkinci Qarabar müharibəsi qazilərinə, müharibə iötirakzglargna xüsusi diqqət göstərildiyi halda, təcavüzkar Ermənistanda müharibə iötirakzglargna münasibət çox aöarg səviyyədədir. Azərbaycan öz qazilərini bütün dövrlərdə sosial qayrg, birdəfəlik ödənişlə əhatə edir, Ermənistan isə Azərbaycan ordusuna qarög döyüşənləri həbs edib türməyə atgr.
Rey Kərimoğlu: “Prezidentin belə bir fərman imzalamasını mən də, digər qazilər də uzun illər idi ki, gözləyirdik”
Birinci Qarabağ qazisi (əlili), qazilər.az saytının baş redaktoru Rey Kərimoğlu “Bakı-Xəbər”ə bildirdi ki, Prezidentin I Qarabağ müharibəsi əlillərinə birdəfəlik ödəniş edilməsi barədə imzaladığı fərmanı müsbət qarşılayır. R.Kərimoğlunun sözlərinə görə, Prezidentin bu fərmanı Birinci Qarabağ müharibəsi qazilərinin sosial müdafiəsində mühüm rol oynayacaq. “Biz Prezidentin bu fərmanını çox yüksək qiymətləndiririk. Bu, qazilərimizin sosial müdafiəsində müstəsna rol oynayan bir sənəddir”.
R.Kərimoğlunun bildirdiyinə görə, ölkə başçısı ad günü ərəfəsində ənənəvi olaraq ya şəhid ailələri, ya qazilərlə, ya da başqa kateqoriyalardan olan şəxslərlə, onların sosial rifahının yüksəldilməsi ilə bağlı sərəncam, fərman imzalayır. “Qarabağ Qazilər Birliyi üzvləri adından 60 illik yubileyi ilə bağlı cənab Prezientə təbrik məktubu ünvanlanıb. Bütün bunlar hamısı o təbrikdə əks olunub. Sözün açığı, Prezidentin belə bir fərman imzalamasını mən də, digər qazilər də uzun illər idi ki, gözləyirdik. Nəhayət ki, Prezident belə bir fərman imzaladı və bizi çox sevindirdi. Prezidentə təşəkkür və minnətdarlığımızı bildiririk. Qazilərə birdəfəlik sosial ödənişlərin edilməsi də dövlətin dayanıqlı sosial siyasətinin əsas tərkib hissəsidir. Qazilərə, şəhid ailələrinə, müharibə iştirakçılarına dövlət qayğısının göstərilməsi dövlətin bir nömrəli prioritetlərindəndir”.
Tərlan Eyvazov: “Qazilərimizin sosial vəziyyətlərinin yaxşılaşdırılmasında mühüm rollardan birini oynayacaq”
Tanınmış hərbi ekspert Tərlan Eyvazovun fikrincə də, bu fərman qazilərin sosial müdafiəsində xüsusi rol oynayacaq. T.Eyvazov qeyd etdi ki, Azərbaycan dövləti hər zaman öz qazilərinin qeydinə qalır, onları yüksək dəyərləndirir. T.Eyvazov deyir ki, Ermənistan hər zaman humanizmdən uzaq olub və o ölkənin sosial siyasəti barədə danışmağa dəyməz: “Bu fərman Birinci Qarabağ müharibəsi qazilərinin sosial müdafiəsi istiqamətində imzalanan mühüm sənəddir. Qazilərimizin sosial vəziyyətinin yaxşılaşdırılmasında mühüm rollardan birini oynayacaq. Ermənistana gəlincə, bu ölkədə hər şey göz qabağındadır. Bu məsələdə Ermənistanı heç cür Azərbaycanla müqayisə etmək olmaz və Ermənistanın sosial siyasətindən danışmağa belə dəyməz”.
T.Eyvazovun sözlərinə görə, Prezidentin fərmanına əsasən həyata keçiriləcək ödəmələrin 30 illik əlilliyi olan, lakin sonradan ləğv edilən Qarabağ qazilərinə də şamil edilməsi çox yaxşı olardı: “30 ildən sonra əlilliyi ləğv olunan və pensiyası kəsilən Qarabağ qazilərinə də bu fərmanın şamil edilməsi çox yaxşı olardı. Çox istərdik ki, onlar da nəzərə alınsınlar, unudulmasınlar və onlara da birdəfəlik edənişlər verilsin. Belə olsa çox yaxşı olar”.
İradə SARIYEVA
