Azərbaycanın qabaqcıl rəqəmsal həllər təchizatçısı “Azercell Telekom” avtoparka sahib korporativ strukturlar üçün ölkənin mobil rabitə bazarında ilk dəfə olaraq kompleks şəkilində Əşyaların İnternetinə (IoT) əsaslanan xidmətlər təqdim edən “Biznesim Nəqliyyat” həllini istifadəyə verir.
Müasir zamanda IoT həlləri avtoparkın idarə olunması və iş effektivliyini dəyişməklə şirkətlərə öz vəsaitləri və fəaliyyətləri üzərində daha optimal nəzarət imkanı verir. Real zaman rejimində çalışan “Biznesim Nəqliyyat” həlli əsaslı biznes qərarlarının verilməsinə və nəqliyyat avtoparkının daha səmərəli şəkildə idarə olunmasına şərait yaradır.
“Azercell”in “Biznesim Nəqliyyat” həllinin əsas üstünlükləri:
Hazırda şirkətlərin avtoparkında fəaliyyətin səmərəliliyi, sürücülərin təhlükəsizliyi və mühafizəsi, habelə əməliyyat məsrəflərinin artması kimi məqamlar sual yaradan əsas məsələlərdəndir. Bu səbəbdən avtoparkı olan istənilən biznes üçün diaqnostika, texniki xidmət, məlumatın real vaxt rejimində əldə olunması və marşrutun idarə olunması uğurlu fəaliyyətin əsas meyarlarıdır. Bütün bunları nəzərə aldıqda “Biznesim Nəqliyyat” həlli xüsusi əhəmiyyət daşıyır. Bu həll logistika, enerji, kənd təsərrüfatı, yüngül sənaye sahələri və s. kimi nəqliyyatdan asılı olan sahələrdə fəaliyyət göstərən şirkətlər üçün xüsusilə faydalı olacaq.
“Azercell” Biznes öz abunəçilərinə ən yaxşı müştəri təcrübəsi təqdim etmək üçün öz peşəkar texniki məsləhətçi komandası ilə həllin quraşdırılması, texniki xidmət və müvafiq təlimlərin keçirilməsi, həmçinin sonrakı dövrdə texniki dəstəyin göstərilməsini də öz üzərinə götürür.
“Azercell”in yeni “Biznesim Nəqliyyat” həlli şirkətlərə Azərbaycanda və ölkə sərhədlərindən kənarda onlara məxsus nəqliyyat vasitələrinin marşrutuna, qət olunan yolun müddətinə, yanacaq sərfinə və mövqeyinə real vaxt rejimində nəzarət etmək imkanı verir. Bundan əlavə, həll mühərrikin işi, mexaniki hissələrin vəziyyəti, hətta akkumulyatorun gərginliyi barədə məlumat verir. “Biznesim Nəqliyyat”, həmçinin, sürət həddi, sərt əyləc istifadəsi, və ya qısa zamanda sürət artırma kimi sürücü davranışlarını qeydə alaraq nəqliyyat vasitəsinin ətraf mühitə minimal mənfi təsirlə çalışmasını təmin edir.
“Azercell”in korporativ müştəriləri “Biznesim Nəqliyyat” həllinin köməyilə dəqiq məlumatlara əsaslanaraq bütün nəqliyyat vasitələrinə nəzarətdə yeni səviyyəyə nail olmaqla, sözün əsl mənasında səmərəli, təhlükəsiz, müştəri yönümlü və ətraf mühitə faydalı şirkətə çevrilə bilər.
Daha ətraflı məlumat üçün bu linkə keçid ala bilərsiniz: https://www.azercell.com/az/corporate.html
Korporativ Telefon Mərkəzi -*6050
Daha ətraflı məlumat üçün [email protected] ünvanına müraciət edə bilərsiniz.
