02/06/2020 08:34
728 x 90

Azərbaycanda hərbi çağırış müddətinin uzadılması da virusla mübarizəyə öz töhfəsini verəcək

İbrahim Rüstəmli: “Çağırış müddətinin uzadılması orduda koronavirusun yayılmasının qarşısının alınmasında son dərəcə mühüm rol oynayacaq”

img

Azərbaycanda koronavirus infeksiyasının yayılmasının qarşısının alınması tədbirləri çərçivəsində hərbi xidmətə çağırış müddəti mayın 31-dək uzadılıb.

Belə ki, “Azərbaycan Respublikasının vətəndaşlarının 2020-ci il aprelin 1-dən 30-dək müddətli həqiqi hərbi xidmətə çağırışı müddətinin uzadılması haqqında” qanun layihəsi Milli Məclisin bu gün keçirilən plenar iclasında müzakirəyə çıxarılıb.

Sənəddə hərbi çağırış müddətinin mayın 31-dək uzadılması təklif olunub. Qanun layihəsi müzakirələrdən sonra səsverməyə çıxarılaraq qəbul edilib. 

Bütövlükdə, sözügedən qərarın ölkədə koronavirusla mübarizədə əhəmiyyətini ekspertlər necə dəyərləndirirlər? Bu addım ordumuzun koronavirusdan qorunmasında necə rol oynayacaq?

  • “Belə bir zəruri addımın atılmasına ehtiyac var idi”

Məsələyə münasibət bildirən ehtiyatda olan polkovnik-leytenant, hərbi ekspert İbrahim Rüstəmlinin fikrincə, belə bir qərarın qəbul olunması müsbət əhəmiyyət kəsb edir: “Hərbi xidmətə çağırış müddətinin uzadılması izolyasiya xarakteri daşıyır. Ordunun əvvəlki heyəti xidmətdə qalır və müəyyən müddətdən sonra onlar tərxis olunacaqlar. Bunu etməkdə məqsəd odur ki, orduda koronavirus yayılmasın. Ona görə də belə bir qərarın verilməsi karantin üçün çox əhəmiyyətli bir məsələdir. Nəzərə almaq lazımdır ki, orduda ümumi kazarmalar, yeməkxanalar var. Ordu insanların kütləvi şəkildə bir yerdə olduğu bir qurumdur. Ona görə də çağırış müddətinin uzadılması orduda koronavirusun yayılmasının qarşısının alınmasında son dərəcə mühüm rol oynayacaq. Hesab edirəm ki, belə bir zəruri addımın atılmasına ehtiyac var idi. O üzdən, bu çox əhəmiyyətli bir tədbirdir. Hərbi ekspert olaraq belə bir qərarın verilməsini alqışlayıram. Çünki adicə infeksion xəstəliklər yayılanda belə, bu, ciddi fəsadlara səbəb olur. Nəzərə almaq lazımdır ki, əsgərlər bir-birilə sıx təmasda olurlar. Ona görə də belə qabaqlayıcı addımların atılması mühüm əhəmiyyət kəsb edir. Bu, Azərbaycan Ordusunun həyatında çox şeyi dəyişməyəcək. Çünki ordumuzun komplektasiyası ilə bağlı heç bir problem yoxdur. Çünki bu kimi məsələlər Azərbaycanda həqiqətən də yüksək səviyyədə həyata keçirilir”.

Vidadi ORDAHALLI

Son xəbərlər