Warning: opendir(/home/sites/bakixeber/cache/): failed to open dir: No such file or directory in /opt/php7/lib/php/Cache/Lite.php on line 642
Baki Xeber - News
11/12/2019 13:34
728 x 90

Gürcüstanda və Azərbaycanda etirazçılara polisin münasibətinə Qərbdən aşkar fərqli yanaşma – Bakıda 19 oktyabrda və 2 noyabrda “qaz bombası” atılsaydı...

Azər Həsrət: “Bütün bunlar, təbii ki, ikili standartın bariz nümunələrindən biridir”

img

Məlum olduğu kimi, neçə gündür qonşu Gürcüstanda vəziyyət gərginləşib. Belə ki, ölkənin paytaxtı Tiflisdə, Batumidə mitinqlər, etiraz aksiyaları keçirilməkdədir.

Qeyd edək ki, bir müddət bundan əvvəl Gürcüstan hökuməti, o cümlədən, hakim “Gürcü arzusu” partiyası xalqa proporsional seçki sisteminə keçidlə bağlı vədlər verib. Bu vədlər xalqda, eyni zamanda, müxalifətdə ümidlər doğurub və yüksək qiymətləndirilib. Lakin bu günlərdə partiyadan olan bir qrup deputat bu qanuna səs vermədi və layihə rədd edildi. Nəticədə müxalifətçilər ciddi etirazlara başladılar. Proporsional sistemə keçid 2019-cu ilin iyununda Tiflisin mərkəzində baş tutmuş etirazların iştirakçılarının əsas tələblərindən olub. Yay aylarında 3 aya yaxın mitinqlər davam etdi. Müxalifətin bir tələbi var idi, o dövrün daxili işlər naziri Qaxariyanın vəzifədən getməsini tələb edirdi. Sonda Qaxariya Baş nazir oldu. Bununla da siyasi böhran yeni bir forma almış oldu.

Gürcüstan hakimiyyəti isə növbədənkənar parlament seçkilərinin keçirilməsini düşünmür. Bu səbəbdən Tiflisdə xüsusi təyinatlılar Gürcüstan parlamentinin ətrafını etirazçılardan təmizləyib. Etirazlar dağıdılarkan onlara qarşı güc tətbiq edilib və bu özünü açıq formada göstərib. Etirazçılara qarşı su şırnaqlarından, digər vasitələrdən istifadə olunub. Xüsusi təyinatlılar mitinq iştirakçılarının çadırlarını belə ərazidən yığmağa müvəffəq olublar. Qarşıdurma zamanı bir neçə nəfər xəsarət alıb. Diqqətçəkən məqam ondan ibarətdir ki, hökumətin etirazçılara güc tətbiq etməsinə baxmayaraq, Qərbin buna münasibəti çox yumşaq olub. İstər ABŞ, istərsə də Avropa qurumları etirazların zor gücü ilə dağıdılmasına yumşaq tərzdə yanaşıblar. Ancaq bundan fərqli olaraq, 19 oktyabrda Azərbaycanda radikal müxalifətin keçirmək istədiyi qanunsuz aksiyaların qarşısının alınmasına çox sərt münasibət sərgiləndi. Hansı ki, aksiya keçirmək istəyənlər açıq-aşkar polisi provokasiyaya çəkirdilər. Onların bu təxribatlarından sonra qanuna uyğun olaraq müvafiq addımlar atıldı. Ancaq Qərb buna elə sərt münasibət sərgilədi ki, sanki etirazçılar linç edilib.

O baxımdan, Qərbin bu ikili yanaşmasını ekspertlər necə dəyərləndirirlər?

  • “Ona görə də Gürcüstanda keçirilən aksiyalara yumşaq yanaşırlar, Azərbaycana gəldikdə isə məsələlər şişirdilir”

Məsələyə münasibət bildirən ekspert Azər Həsrətin sözlərinə görə, Qərbin etiraz aksiyalarının dağıdılmasına bu cür ikili münasibət sərgiləməsi Azərbaycanla bağlı qərəzin olmağının göstəricisidir: “Məsələ ondadır ki, Gürcüstan ABŞ-la çox yaxın münasibətdədir. Azərbaycan isə müstəqil dövlətdir və heç kəsin çaldığına oynamır. Gürcüstan, daha dəqiq desək, ABŞ-ın arxasınca sürünür. Rusiya ilə bütün körpüləri yandıraraq Birləşmiş Ştatların, bir növ, forpostuna çevriləcək qədər irəli gedib. Ona görə də ABŞ və Avropa İttifaqı aksiyaların zorla dağıdılmasını görməzdən gəldi. Baş verən hadisələrə yumşaq münasibət sərgilədilər. Ancaq Azərbaycan müstəqil siyasət yeritdiyinə görə adi bir məsələni şişirdirlər və bunun ətrafında şou yaradırlar. Ancaq Gürcüstanda nə baş versə belə, Qərb ona demokratiya donu geyindirir. Mitinqlərə münasibətdə bir daha bunu gördük. Azərbaycanda icazəsiz aksiyalar keçirilməzdən əvvəl Qərb təşkilatları dilə-dişə düşmüşdülər, canfəşanlıq edirdilər. Açıqlamalar verib müxtəlif çağırışlar edirdilər. Sanki onlar özləri gəlib burada aksiya keçirməyə hazırlaşırdılar. Halbuki, heç nə baş verməmişdi. Sonradan da piket, mitinq cəhdi olarkən həmin təşkilatlar hazır bəyanatlarını dərhal ictimailəşdirdilər. Yəni aksiya cəhdinin başa çatmasını belə gözləmədən açıqlamalar verməyə başladılar. Bütün bunlar, təbii ki, ikili standartın bariz nümunələrindən biridir. Ona görə də Gürcüstanda keçirilən aksiyalara yumşaq yanaşırlar, Azərbaycana gəldikdə isə məsələlər şişirdilir. Nəticədə qərəzli olaraq sərt mövqe ortaya qoyurlar. Bütün bu qərəzli yanaşmalar Azərbaycan dövlətinin müstəqil siyasət yeritməsindən imtina etməsinə gətirib çıxarmayacaq”.

Vidadi ORDAHALLI

Son xəbərlər