Akif Nağı: “Fransa indi artıq yavaş-yavaş məğlubiyyətini etiraf edir və Azərbaycana yaxınlaşmağa çalışır”
XXI əsrin əvvəllırində Fransanın Afrikada qlobal məğlubiyyıti göz qabağındadır. Bir vaxtlar bu qitədə onlarla müstəmləkəsi olan Fransa bir-bir hamısını itirdi. Son illərdə Mali, Niger, ÇAD, Burkina-Faso və digərləri üsyan və çevriliş edərək Fransanın hərbi bazalarını ölkədən qovdular. Fransanın yerini həmin qitədə Çin, Rusiya və Türkiyə tutmaqdadır. Hazırda yalnız Cibutu dövlətində Fransanın bir hərbi bazası qalır. Fransa neçə əsrlik Afrika hegemonluğunu özünün yanlış müstəmlkəkəçilik siyasəti üzündən itirdi. Xüsusilə də Azərbaycan ona çox xatırlatma etmişdi ki, xalqlara azadlıq verin, yeni təfəkkürlü siyasət aparın, xalqları əzmək yox, onlara rifah vermək lazımdır. Bakı Təşəbbüs Qrupu yarandığı vaxtdan indiyə qədər Yeni Kaledoniya və sair kimi müstəmləkə xalqlarının Fransadan qopmaq səylərini dəstəkləyir...
Makron hər şeyi itirəndən sonra ayıldı. Bu yaxınlarda Keniyada beynəlxalq konfransda çıxış edın prezident Makron Fransanın Afrikada prinsipcə yeni siyasətini elan etdi, dedi ki, biz Afrikada yeni dövr başlatmaq istəyirik, inkişaf və rifah dövrünə gedirik, Afrikanın inkişafına 23 milyard avro ayıracağıq. Beləkiklə, Fransa Afrikada siyasi işğal və istismar kursunu iqtisadi dəstək və humanitar dirçəlişə yardım kursu ilə əvəzləyir. Olsun, pis deyil, ancaq bütün bu kurs dəyişikliyini Azərbaycan kimi ölkələrin güclü təzyiqi altında edir. Fransa özü bunu etiraf etsə də, etməsə də faktdır ki, Fransanın siyasətini Azərbaycan dəyişdirməyə məcbur edir...
Azad Vətən Partiyasının sədri Akif Nağı baki-xeber.com-a bildirdi ki, Fransa Azərbaycanın mövqeyi ilə hesablaşmadı, Azərbaycana təzyiqlər göstərdi, Makron qüvvələri düzgün hesablaya bilmədi. A.Nağının sözlərinə görə, Makron elə bildi ki, təzyiq yolu ilə istədiyinə nail olacaq, regiona daxil olmaq imkanı əldə edəcək. “Amma Azərbaycan da ona əks cavab verdi ki, bizimlə heç kəs güc dilində danışa bilməz, güc dilində danışsa güc dilində, diplomatiya dilində danışsa, diplomatiya dilində cavab verə bilərik. Ona görə Fransa həddindən artıq Azərbaycana qarşı qərəzli mövqe tutdu. Açıq-aşkar Ermənistanı dəstəklədi, qərəzli mövqedə oldu. Onda cavabını Azərbaycan verdi. Azərbaycan göstərdi ki, regionun lider dövləti kimdir. Kimsə regionda münasibət qurmaq, burada ona qarşı xoş münasibət olmasını istəyirsə, Azərbaycanla, Azərbaycanın mövqeyini hesablaşmalıdır. Azərbaycan gücünü döyüş meydanında da Ermənistana və onun arxasında dayananlara göstərdi. Eyni zamanda diplomatiyada da, ağıllı siyasətdə də Azərbaycan özünü göstərdi. Azərbaycan Fransaya qarşı ağıllı siyasət yürütdü. Fransanın əməlləri, müstəmləkəçilik siyasəti ilə bağlı ciddi bir tədqiqat işi apardı. Fransanın köhnə müstəmləkə ərazilərindən gedir ki, Fransa orada işğalçılıq, istismar siyasəti həyata keçirib, xalqların azadlığını pozub, rifah halını ağır vəziyyətə salıb. XX əsrin 80-ci illərindən başlayaraq müstəmləkələrində Fransaya qarşı mübarizə aparılırdı. Çox geniş şəkildə anti-Fransa fəaliyyəti var idi, mübarizəsi gedirdi. Fransanın bir neçə yerdə hələ də müstəmləkələri var, müstəmləkə ölkəsi kimi qalır Fransa. Mayotta, Yeni Koledoniyada müstəmləkəsi var. Korsika Fransadan ayrılma haqqında məsələləri qoyur və 1998-1999-cu illərdə bu geniş vüsət aldı. Həmin dövrdə Jak Şirak hakimiyyətdə idi. Jak Şirak hökuməti üsyançılarla, inqilabçılarla təmasa girdilər və onlardan vaxt aldılar ki, 2013-2014-cü ilə qədər onlara vaxt verilsin, onların ən azından hüquqları genişləndiriləcək və s.O ərafə yaxınlaşanda onların bir neçəsində, saxta seçkilər, rəy sorğusu, referendumlar keçirildi ki, Fransanın tərkibində qalırsınız, yoxsa çıxırsınız. Yəni müstəqilliyin lehinə, əleyhinə. Saxta seçkilərdə Yeni Kaledoniyada, müstəqilliyin əleyhinə az fərqlə səs aldı. Amma orada xalq Fransadan ayrılmaq istəyir. Yəni bunların hamısını Azərbaycan gördü. Onların dəstəyə ehtiyacı olduğunu müşahidə etdi.
Onu da deyək ki, Bakı Təşəbbüs Qrupu yaradıldı. Bunlar müstəmləkəçiliyin qalıqlarının aradan qaldırılması uğrunda mübarizə aparırdı. Bu tədbirlər uğurla oldu, konfranslar keçirildi, onlar da Azərbaycanın dəstəyini dəyərləndirdilər. Azərbaycanın hətta bəzi yerlərdə bayrağını qaldırdılar. Azərbaycanı özlərinin himayədarları kimi baxdılar və dəstək aldıqlarına görə ürəkləndilər. Çünki bizə qədər başqa dövlətlərdən dəstək almamışdılar. Onların vəziyyətinə böyük dövlətlər hamısı sükutla baxırdılar”.
Böyük dövlətlərin Fransanın siyasətinə susqun qaldığını və obyektiv mövqe tutmadıqlarını deyən A.Nağı bildirdi ki, Azərbaycan bu məsələdə obyektiv mövqedə dayandı, onların haqlı tələbini, mövqeyini dəstəklədi və onlar da bu dəstəyə uyğun olaraq hərəkət etdilər. “Fransa da gördü ki, bu ərazilərdə onun qalması artıq mümkün deyil. Ona qarşı hərəkət başladı. Hərbi hissələrini, başqa strukturları oradan çıxartdı. Fransa Afrikada iflasa uğradı. Hesab edirəm ki, Azərbaycan uğurlu bir diplomatiya, siyasət yeritdi, əzilənlərin yanında oldu. Əzilənlərin yanında olduğuna görə onların haqlı mövqeyi qarşısında Fransa geri çəkilmək oldu. Həm də Fransa özü də gördü ki, Azərbaycanın hərəkətləri qarşısında onlar çox zəifdir. Yəni bax, bu amillərin təsiri altında Azərbaycan istədiyinə nail oldu. Fransa indi artıq yavaş-yavaş məğlubiyyətini etiraf edir və Azərbaycana yaxınlaşmağa çalışır...”
Bütün bunlarla yanaşı Makron əvvəlki siyasətində qaldığını deyən A.Nağı vurğualdı ki, bu günlərdə İrəvanda Avropa İqtisadi Birliyinin toplantısında o, yenə də anti-Azərbaycan mövqeyindən çıxış etdi və Azərbaycandan layiqli cavabını aldı.
Bununla belə A.Nağının fikrincə, Fransa tərəf indi yaxşı anlayır ki, ən azından regionla bağlı siyasətdə Azərbaycanla hesablaşmaq lazımdır.
İradə SARIYEVA
