30/01/2023 02:01
728 x 90

Tehran erməniləri Paşinyanın həyat yoldaşına niyə aqressivləşiblər?..

İsmayıl Tanrıverdi: “Annanı Allahın şeytan bəndəsi adlandıraraq kilsəyə buraxmayıblar, onun erməni icması ilə görüşünə icazə verməyiblər”

img

Ermənistanın Baş naziri Nikol Paşinyanın həyat yoldaşı Anna Hakopyanın Tehran səfəri qalmaqalsız ötüşməyib. Tehrandakı erməni icmasının qadınları A.Hakopyanla görüşdən imtina edib. Bu barədə erməni mediasında erməni jurnalist Nairi Oxikyan yazıb.

O qeyd edib ki, Anna Hakopyan Tehranda yerli ermənilər tərəfindən “Allahın şeytan bəndəsi” adlandırılıb. O bildirib ki, Tehranda "Nüfuzlu qadın" toplantısında iştirak edən Ermənistanın "nüfuzlu qadını" Anna Hakopyan elə öz millətinin üzvləri tərəfindən alçaldılıb.

Nairi Oxikyan yazır ki, Paşinyanın arvadı Anna Hakopyan Tehranda keçirilən tədbirdə xoşagəlməz hadisə ilə üzləşib. O, erməni icmasının üzvləri ilə görüşmək istərkən onlardan rədd cavabı alıb.

Tehran erməniləri Paşinyanın həyat yoldaşına niyə aqressivləşiblər?

  • “Paşinyanın apardığı siyasət İranda yaşayan ermənilərin xoşuna gəlmir, buna görə də, erməni icması Annaya o cür aqressiv yanaşıb”

Bakı Dövlət Universitetinin Erməni Araşdırmaları və Təlim Mərkəzinin direktoru, ermənişünas İsmayıl Tanrıverdi “Bakı-Xəbər”ə şərhində bildirdi ki, sözügedən məlumatla erməni mediasında tanış olub. İ.Tanrıverdi qeyd etdi ki, A.Hakopyanı erməni icmasının qadın nümayəndələri sözün həqiqi mənasında aqressiv qarşılayıb: “Bir sözlə, İran erməniləri Annanı və qızını satqın adlandıraraq onlarla görüşməkdən imtina ediblər.

Bundan başqa, Tehranın erməni kilsələrində də Anna Hakopyanın ruhanilərlə görüşmək və onların xeyir-duasını almaq imkanı olmayıb. Kilsədən belə cavab gəlib: - Allahın evinin qapıları şeytanın bəndələrinin üzünə bağlıdır. Bunu mən erməni mətbuatında görmüşəm. Bu barədə də xəbəri ilk olaraq erməni mediasından götürüb  mən yaymışam, feysbukda paylaşmışam.

Anna Hakopyanı Tehran erməniləri qəbul etmir. Bunun da səbəbi Paşinyandır. Paşinyanın apardığı siyasət İranda yaşayan ermənilərin xoşuna gəlmir, buna görə də, erməni icması Annaya o cür aqressiv yanaşıb. İran hökuməti Paşiniyanı qəbul etsə də, onun yürütdüyü siyasət o qədər də onların xoşuna gəlmir. 44 günlük müharibədə Ermənistanın məğlubiyyətinin və erməni uşaqlarının kütləvi qırılmasının günahkarının Paşinyan olduğunu deyirlər. Orada Daşnak partiyası hökm sürür. Daşnak Partiyası Ermənsitanda müxalifəti müdafiə edir, bu ölkədə əsas müxalifət daşnaklardır. Hakopyanın bəzi hərəkətləri, açıq-saçıq geyinməsi İranda, o cümlədən də başqa ölkələrdəki erməni icmalarının xoşuna gəlmir. Xaricdə həmişə Paşinyan ailəsinə qarşı aksiyalar təşkil edirlər, Baş nazirin istefa verməsi tələbi ilə çıxış edirlər. Əsas səbəb budur. İrandakı erməni icması Anna Hakopyanı və Paşinyanı görmək istəmir. Deyirlər ki, onun siyasəti doğru siyasət deyil, bu siyasət Ermənistanı uçuruma, məhvə aparır. Onlarda belə bir ideya formalaşıb. Ermənilərdə əsas rəhbərlik kilsə sayılır. Ümumi erməni kilsəsi Paşinyanı o qədər də istəmədiyi üçün İrandakı erməni kilsələri də Annanı qəbul etməyiblər. Annanı Allahın şeytan bəndəsi adlandıraraq kilsəyə buraxmayıblar, onun erməni icması ilə görüşünə icazə verməyiblər. Narazılıq ediblər”-deyə İ.Tanrıverdi qeyd etdi.

İradə SARIYEVA

Peşə etikası

Son xəbərlər