07/02/2023 11:37
728 x 90

İlham Əliyevin arqumentləri ABŞ-ın "Laçın yolu" yanlışlığını düzəldə bilər...

Sahil Kərimli: “İlham Əliyevin bu xatırlaması ABŞ rəsmilərinə həqiqəti dərk etmək üçün yaxşı bir nümunə oldu”

img

ABŞ Dövlət katibi Entoni Blinken Prezident İlham Əliyevə zəng edib. Söhbət zamanı ABŞ dövlət katibi Azərbaycan ərazisində - Laçın dəhlizində yaranmış vəziyyətlə bağlı narahatlığını bildirib. Entoni Blinken ABŞ-ın Ermənistanla Azərbaycan arasında münasibətlərin normallaşdırılmasına sadiqliyini ifadə edib və sülh müqaviləsi üzrə danışıqları dəstəklədiyini bildirib.

Prezident İlham Əliyev Laçın-Xankəndi yolunda hər hansı blokadanın olmadığını qeyd edərək, 2022-ci il 12 dekabr tarixindən etibarən 980-nə yaxın nəqliyyat vasitəsinin bu yoldan keçidinin təmin olunduğunu vurğulayıb, onların 850-dən çoxunun Rusiya sülhməramlılarına, 120-dən artığının isə Beynəlxalq Qızıl Xaç Komitəsinə məxsus olduğunu deyib. Eyni zamanda, Azərbaycan Prezidenti Qarabağda yaşayan 90-a yaxın xəstə və tibbi yardıma ehtiyacı olan şəxsin Beynəlxalq Qızıl Xaç Komitəsinin vasitəsilə Ermənistana aparılmasının təmin edildiyini vurğulayıb. Prezident İlham Əliyev bildirib ki, bütün bunlar Laçın-Xankəndi yolunun Azərbaycan tərəfindən bağlanmadığını göstərir.

Prezident İlham Əliyev Azərbaycanın Qarabağ iqtisadi zonasında yaşayan mülki erməni əhalisinin hüquqlarının və təhlükəsizliyinin Azərbaycan Respublikasının Konstitusiyası və qanunları əsasında təmin olunacağını qeyd edib.

Əliyev Blinkenlə söhbət zamanı faktlarla sübut elədi ki, Azərbaycan Laçın yolunu bağlamayıb. Məlumdur ki, ABŞ-da bəzi dövlət orqanlarının mövqeyi bur az fərqlidir və səhvən hesab edilir ki, Azərbaycan yolu bağlayıb. Əliyevin Blinkenə ifadə etdikləri ABŞ-da fikrin dəyişməsinə necə təsir edə biləcək?

Siyasi şərhçi Sahil Kərimli “Bakı-Xəbər”ə bildirdi ki,  ölkə başçısı bu məsələyə olduqca obyektiv münasibət sərgiləyib: “Azərbaycan Prezidenti İlham Əliyev ABŞ dövlət katibi Entoni Blinkenlə telefon danışığı zamanı Laçın yolundakı vəziyətlə bağlı real vəziyyəti bir daha diqqətə çatdırdı və ölkəmizin qətiyyətli mövqeyini ortaya qoydu. Hesab edirəm ki, Azərbaycanın bu rəsmi mövqeyi ABŞ siyasi dairələrində və ictimai rəyində doğru-düzgün və ədalətli rəyin formalaşmasına səbəb olacaq.

Əslində, Laçın-Xankəndi yolunda nə baş verdiyini, yolun bağlanmadığını, Azərbaycan ictimaiyyətinin ərazidə yalnız dinc etiraz aksiyası keçirdiyini dünyanın əksər siyasi dairələri yaxşı bilir. Beynəlxalq təşkilatlar da həqiqətin nədən ibarət olduğunu yaxşı anlayır. Sadəcə, həmin qüvvələr həmişə olduğu kimi yenə ermənipərəst siyasət yürüdür, haqsız olaraq separatçıların müdafisəinə qalxırlar. Azərbaycan dövləti dəfələrlə bəyan edib ki, Qarabağda yaşayan erməni əsilli vətəndaşlarımızın blokadasından söhbət gedə bilməz. Etirazçılar yolun hər iki istiqamətində dinc şüarlar səsləndirir, ərazilərimizin talanmasına, Qarabağa silah-sursat daşınmasına qarşı çıxırlar. Bu addım Azərbaycanın suveren hüququdur, xalqımızın haqlı mövqeyidir. Necə ola bilər ki, inkişaf etmiş Qərb ölkələri Laçın yolunda baş verən hadisələrin əsl mahiyyətindən xəbərsiz olsunlar? Reallıq ortadadır, burada gizli heç bir şey yoxdur. İlk gündən KİV nümayəndələri ərazidədir, xarici jurnalistlər də Laçın yolunda olublar. Əsl həqiqəti özləri müşahidə ediblər. Amma bütün bunlara baxmayaraq, separatçılar, cinayətkar qruplaşmalar dəstəklənir, müxtəlif saxta və riyakar bəyanatlar qəbul edillir. Əlbəttə ki, bu yaramaz siyasət Azərbaycanı öz yolundan döndərə bilməyəcək. Biz haqqımızı tələb edir, suveren ərazilərimizdə cinayətkar əməllərə son qoyulmasını istəyirik. Əminəm ki, sonunda buna nail olacağıq. Hesab edirəm, İlham Əliyevin bu xatırlatması ABŞ rəsmilərinə həqiqəti dərk etmək üçün yaxşı bir nümunə oldu”.

Məhəmmədəli QƏRİBLİ

Peşə etikası

Son xəbərlər