07/02/2023 12:15
728 x 90

KTMT-nin boykotundan sonra NATO-da qapalı danışıq - Paşinyan nə düzəldir...

Emin Həsənli: “Qərb belə vasitələrlə Paşinyanın hakimiyyətini uzatmaq istəyir”

img

Ermənistanın xarici işlər naziri Ararat Mirzoyanın NATO baş katibi Yens Stoltenberqlə görüşü nəzərdə tutulur.  Bu barədə hərbi alyansın mətbuat xidməti məlumat yayıb.

Bildirilib ki, görüş Mirzoyanın Belçikaya səfəri çərçivəsində baş tutacaq.

Tərəflərin təşkilatın Belçikanın paytaxtı Brüsseldəki mənzil-qərargahında qabalı  görüşəcəkləri bildirilir.

Çox maraqlıdır ki, son vaxtlar Ermənistan üzvü olduğu  KTMT-yə qarşı əsl demarş nümayiş etdirir. Belə bir vəziyyətdə NATO-da qapalı danışıq həyata keçirməklə Paşinyan nəyi hədəfləyir?

Hərbi-siyasi ekspert Emin Həsənli “Bakı-Xəbər”ə bildirdi ki, Ermənistan heç bir zaman müstəqil siyasət yeritməyib: “Ya Rusiyadan, ya da  diaspordan asılıdır. Paşinyanı da Amerikanın, Qərbin bəzi fondlarının hakimiyyətə gətirdiyi bəllidir. Ancaq o da zaman-zaman iki-üç stulda oturmağa cəhd edib. Həm Rusiya, həm də Amerika ilə münasibətləri qorumağa cəhd edib. Amma heç bir nəticə əldə etməyib. Ümumiyyətlə, Ermənistandan hər bir zaman Qərb də, Rusiya da vasitəçi kimi istifadə edir. Onlar buna meyilli olublar həmişə. Tarixin müəyyən dönəmlərində Osmanlının, müəyyən dönəmlərində Rusiyanın, Qərb diasporunun əlində alət olublar və SSRİ dağılan ərəfədə də müxtəlif belə gedişlər həyata keçiriblər. Ancaq NATO da son dönəmlər gücünü artırır. Zaman var idi, NATO gündəmdən çıxmışdı, SSRİ dağılmışdı. Ona görə də NATO-nun gündəmə gəlməsi Rusiya-Ukrayna müharibəsindən sonra oldu. NATO artıq həlledici güclərdən biri sayılır. Ukraynaya dəstək verməklə özünü bir növ bərpa etdi. Adətən Avropa Birliyi, iqtisadi birliklər daha çox gündəmdə idi. Rusiya-Ukrayna müharisinin başlaması ilə NATO gündəmə gəldi. Bu görüşü mən protokol bir görüş hesab edirəm. Ermənistanın hərbi gücü, güclü ordusu yoxdur. İkinci Qarabağ müharibəsindən sonra da böyük məğlubiyyətə uğrayıb. Ancaq strateji bir yerdədir. Həm Türkiyə ilə, həm İranla həmsərhəd olduğu üçün Qərbin, NATO-nun marağında ola bilər. Ancaq hansısa bir güclü əməkdaşlıqdan söhbət gedə bilməz. Ermənistanı Qərb, NATO, Rusiya vasitə kimi istifadə edirlər. Qərb belə vasitələrlə Paşinyanın hakimiyyətini uzatmaq istəyir. Ermənistan daxili üçün onun bir gücünü göstərməyə çalışır. Amma bilirsiz ki, hərbi və siyasi baxımından NATO ilə Ermənistanın heç bir əməkdaşlığı ola bilməz. Ermənistanda Rusiyanın hərbi bazaları var. Ermənistan ordusunu bütünlükdə Rusiya idarə edib. Rusiya hərbi təhsil sistemini qurub. 90 faiz silahlar Rusiya silahlarıdır. Hərbi, siyasi, elmi baxımından məntiqli görünmür. Amma hərbi-siyasi maraqlar var. Bu maraqlar baxımından belə görüşlər edib Paşinyana  dəstəklərini bildirirlər”.

Qeyd edək ki, hazırda  Rusiyanın Ukraynada üzləşdiyi çətinlikləri və hərbi qələbə əldə edə bilməməsini görərək Paşinyan və onun ikiüzlü komandası NATO-ya və Qərb ölkələrinə meyl edir.

Rusiya daha güclü olanda  Paşinyan NATO-nun toplantısında iştiraka yox deyirdi. İndi isə Rusiyanın zəiflədiyini görən Paşinyan batmaqda olan gəmini tez tərk edən siçovullara bənzəyir. Budur Paşinyanın saxtakar komandasının həqiqi mahiyyəti.

Heç şübhəsiz ki, Ermənistanın daim ikili oyun oynadığını Qərbdə də, Rusiyada da yaxşı bilirlər. Bu bir daha Ermənistan siyasi rəhbərliyinin yalançı, saxtakar və ikiüzlü olduğunu göstərir. Qərb dövlətləri, eləcə də Rusiya Ermənistana münasibətdə bu amilləri nəzərə almalıdır.

Məhəmmədəli QƏRİBLİ

Peşə etikası

Son xəbərlər