07/02/2023 11:25
728 x 90

Azərbaycan Qarabağ ermənilərinə rəsmən iki yol təklif etdi - bütün məsuliyyət Vardanyanın boynunda...

Afsəddin Nəbiyev: “İndiki situasiyada iki mümkün variantından birini qəbul etmək məcburiyyətindədirlər”

img

“Qarabağda Azərbaycan bayrağı altında yaşamaq istəyənlər üçün şərait yaradılacaq”. Bunu Prezident İlham Əliyev yerli televiziya kanallarına müsahibəsi zamanı deyib.

Ölkə başçısı Qarabağ ermənilərinə rəsmən iki yol təklif etdi - ya vətəndaşlığı qəbul edin, ya gedin: “Azərbaycan vətəndaşları kimi, onların hüquqları da, onların təhlükəsizliyi də təmin olunacaq. Bu günlərdə baş verən hadisə, - o bir nəfərin oraya qaytarılması, özü də əlidolu qaytarılması, ona iki blok siqaret də verdilər, çünki siqaret xahiş etməyə gəlmişdi, - onu göstərir ki, biz onların nəinki hüquqlarını və təhlükəsizliyini təmin edəcəyik, onlar daha yaxşı yaşayacaqlar. Əlbəttə, bu bizim əlimizdə nədir ki? Heç nə. Əgər vaxtilə bizə qarşı separatçı hərəkat başlamasaydı, bu gün onlar da Azərbaycanın bütün başqa yerlərində olduğu kimi yaşaya bilərdilər. İndi onların yaşadıqları mənzərə göz önündədir. İndi gedib görənlər var hansı şəraitdə yaşayırlar. Ona görə, kim bizim vətəndaş olmaq istəmirsə, yol bağlı deyil, açıqdır. Gedə bilərlər, ya özləri gedə bilərlər, heç kim onlara maneəçilik yaratmayacaq, ya da sülhməramlıların yük maşınlarının tenti altında gedə bilərlər, avtobusla da gedə bilərlər. Yol açıqdır”.

  • “Ermənilər Azərbaycan dövlətinin onlara verdiyi güzəşti bir şans kimi dəyərləndirib qərar qəbul etməlidirlər”

Sözügedən məsələni “Bakı-Xəbər”ə şərh edın AMİP-in sədr müavini Afsəddin Nəbiyev hesab edir ki, Qarabağ erməniləri bu iki yoldan birini seçməlidir: “Qarabağ erməniləri indiki situasiyada yeni yaranmış reallığın iki mümkün variantından birini qəbul etmək məcburiyyətindədirlər. Başqa cür mümkün deyil. Prezident İlham Əliyevin Qarabağ ermənilərinə iki yol təklif etməsi Azərbaycan dövlətinin humanist dəyərlərə  verdiyi yüksək qiymət göstəricisi kimi qiymətləndirmək olar. Dünyada qəbul olunmuş beynəlxalq konvensiyalarda birmənalı olaraq dövlətlərin ərazi bütövlüyü əsas prinsiplərlərdən biridir. Ona görə də Qarabağ erməniləri bunu qalaqlarında sırğa etməlidilər. Bu prizmadan yanaşsaq, Qarabağda yaşayan ermənilər mütləq mənada Azərbaycan Respublikasının Konstitusiyasına əməl etmək məcburiyyətindədirlər. Azərbaycan dövləti ərazisində yaşayan bütün vətəndaşların təhlükəsizliyini təmin etməyi öz öhdəsinə götürür. Baxmayaraq ki, ermənilər Azərbaycan dövlətçiliyinə xəyanət etdilər. Bununla belə, Azərbaycanın ərazi bütövlüyünə qəsd etdilər. Lakin dövlətimiz və onun rəhbəri onlara seçim imkanı verməklə böyük humanistlik nümayiş etdirir. Biz geosiyasi şəraitə nəzər salsaq separatizmə qarşı bir çox dövlətlərin ən qəddar şəkildə mübarizə aparıldığının şahidiyik. Bir daha vurğulayıram ki, Azərbaycan dövləti bölgədə sülhün təmin olunması üçün böyük səbir nümayiş etdirir. Düşünürəm ki, bu səbrin də bir sonu olacaq. Ermənilər Azərbaycan dövlətinin onlara verdiyi güzəşti bir şans kimi dəyərləndirib qərar qəbul etməlidilər. Necə deyərlər, Azərbaycan vətəndaşlığını qəbul etməlidirlər. Əks halda  vaxtilə köçüb gəldikləri yerlərə qayıtmaq üçün yolları açıqdır. Bununla bağlı onlara kimsə mane olmayacaq. Burada bir məqamı da qeyd etmək istərdim ki, ermənilərin bu seçimdən birinin qəbul etmələrinə əngəl yaradan dövlət Rusiyadır. Rusiya Cənubi Qafqazda öz mövcudluğunu qoruyub saxlamaq üçün bütün vasitələrdən istifadə edir. "Sülhməramlı" missiyası nüfuzdan düşən kimi öz emissarını - Ruben Vardanyanı Qarabağa yerləşdirməklə həm münaqişənin uzadılmasını, həm də Vardanyanın əli ilə Rusiyanın təsir dairəsindən çıxmağa can atan Paşinyan hakimiyyətini ələ keçirməyə çalışır. Ancaq bu variantlar baş tutacaqmı? Bax bunu gələcək göstərəcək. Hər halda, bu proseslər Rusiya-Ukrayna müharibəsinin nəticələrindən asılı olacaq. Ona görə də ermənilər Rusiyaya arxayınlaşmaqdansa, daha ağıllı addımlar atsalar bölgəmizdə sülhə töhfə vermiş olarlar”.

Bir sözlə, sədr müavini hesab edir ki, bu, Qarabağ ermənilərinə verilən son şansdır.

Vidadi ORDAHALLI

Peşə etikası

Son xəbərlər