Ermənistanın Rusiya ordusuna Su-30 qırıcılarını göndərməsi, Xankəndidəki erməni separatçıların Donesk və Luqansk separatçılarına humanitar yardım, dəstək aksiyasının keçirməsinin ardınca indi də Rusiya Erməniləri İttifaqı Ukraynadakı separatçı Luqansk və Donesk “xalq respublikaları”na “humanitar yardım” adı altında dəstək verir. Növbəti yardım bu günlərdə göndərilib.
Qeyd olunur ki, martın 31-dən etibarən Rusiya Fövqəladə Hallar Nazirliyinin yük maşınlarının kolonları qaçqınlara, Donetsk və Luqansk “xalq respublikaları”nın zərər çəkmiş əhalisinə, eləcə də azad edilmiş Ukrayna ərazilərində mülki şəxslərə humanitar yüklərin çatdırılmasına başlayıb. Ümumilikdə, təkcə aprelin birinci yarısında 30 mindən çox ailə uzunmüddətli saxlama məhsulu alacaq. Humanitar yüklərin ümumi həcmi 500 tona yaxındır. Rusiya Erməniləri İttifaqı bütün könüllülərə, Krasnodar, Stavropol diyarları, Voronej, Tula vilayətləri və Rusiya Federasiyasının digər vilayətlərindən olan ermənilərə təşəkkür edib.
Bəlli olur ki, Ermənistan bir tərəfdən ATƏT-in Minsk Qrupu həmsədrlərini bölgəyə sülh danışıqlarına daxil etməyə çalışır, ondan sonra məsləhətləşmək üçün NATO-ya müraciət edir. Eyni zamanda NATO və Avropa İttifaqı ilə yaxınlaşmağa can atır. Bu tərəfdən yenə də ikibaşlı oyunu davam etdirir. Yəni Donbas separatçılarına Rusiyada yardım aksiyası təşkil edir. Bütün bunlar onu göstərir ki, bu, Ermənistanın vahid dövlət siyasətinin olmaması, cəmiyyətin dağınıq olması ilə bağlıdır. Bütün bu proseslər idarə olunur.
“Belə baxanda, erməni cəmiyyəti Ukraynaya nifrət edir”
Məsələyə münasibət bildirən AMİP funksioneri Əli Orucovun fikrincə, prinsipcə, ermənilərin belə oyun oynaması təəccüblü deyil: “Ona görə ki, ermənilərdən nə desən gözləmək olar. Çünki onlar çox riyakar məxluqdular. Belə baxanda, erməni cəmiyyəti Ukraynaya nifrət edir. Çox istəyirlər ki, Rusiya orada qalib gəlsin. Rusiyanın qalib gəlməsi Donbas separatçılarının da uğur qazanması deməkdir. Bu da Qarabağdakı separatçıların mənafeyinə uyğundur. Ancaq o biri tərəfdən görürlər ki, başda ABŞ olmaqla, bütün Qərb və digər ölkələr Rusiyanın işğalçı siyasətinə qarşıdır. Ona görə də Qərblə də körpüləri yandırmaq istəmirlər. Qorxurlar ki, birmənalı şəkildə Rusiyanın yanında olsalar , Qərb onlardan üz döndərəcək. Bu isə nəticə etibari ilə Ermənistanın Rusiyanın quberniyasına çevrilməsi deməkdir. Ermənistan bir tərəfdən Rusiyanın Vətən müharibəsində sərgilədiyi mövqedən narazıdır, o biri tərəfdən Donbas separatçılarına dəstək verir. Başqa bir tərəfdən Qarabağ danışıqlarrında Minsk Qrupunu diriltməkdən ötrü dəridən-qabıqdan çıxır. Bütün bunlar bir daha ermənilərin necə riyakar toplum olduqlarını ortaya qoyur”.
Bu baxımdan partiya funksioneri hesab edir ki, heç vaxt ermənilərə etibar etmək olmaz.
Vidadi ORDAHALLI
