Erməni tarixçiləri tarixi Azərbaycan şəhəri İrəvanın tarixini saxtalaşdırmaqda davam edirlər. Erməni alimləri iddia edirlər ki, İrəvanın eramızdan əvvəl 782-ci ildə qurulduğu güman edilir və qədimliyinə görə “Əbədi Şəhər” adlanan Romanın özündən də “qədimdir”.
Erməni tədqiqatçıları şəhərin Urartu dövlətinin hökmdarı I Argişti tərəfindən e.ə 782- ci ildə “tikilmiş” “Erebuni qalasının” xarabalıqları yaxınlığında salındığını iddia edirlər. Erməni alimlərinin iddiasına görə, guya belə bir ifadə var ki, İrəvan Romadan 29-30 il böyükdür, “əslində isə İrəvan Romadan 30 il yox, 3 min il böyükdür”.
Ermənilərin başı tarixi saxtalaşdırmağa o qədər qarışıb ki, bu gün dedikləri ilə dünən dediklərini tamamilə alt-üst edirlər, yəni qondarma tarixləri ilə bağlı yazdıqları elə onların özlərini çaşdırır.
“İrəvanın Romadan “qədim” olması iddiası doğrudan da xəstə təfəkkürün məhsuludur”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə şərhində bildirdi ki, illər keçdikcə erməni tarixçiləri tarixi saxtalaşdırma işinə daha güclü şəkildə davam edirlər. "Görünür ki, bu erməni tədqiqatçıları həqiqətən də başıboş, boşboğaz adamlardır. Belə olmasaydı, bu qədər elmdən uzaq, bu qədər cəfəng fikirlər söyləməzdilər. Mən erməni tədqiqatçılarının bu cür davranışlarına məəttəl qalıram. Erməni tədqiqatçıları artıq heç kəsdən utanmırlar. Bu qədər yalan danışmaq, özü də bunu həyasızcasına etmək ancaq ermənilərə xasdır. Universitetlərdə dərs deyirik, bircə dənə tarixi səhv belə dilə gətirməyi özümüzə sığışdırmırıq, tarixi faktlar əsasında öyrədirik. Bunlar isə tarixi yox, saxtakarlığı, uydurmaları öyrədirlər. Müasir erməni alimləri özlərindən əvvəl yazan erməni müəlliflərin də yazdıqlarını təhrif edirlər, onların yazdıqlarının ora-burasını əyib, eybəcər şəklə salıb bu müəlliflərin “əsərləri” əsasında "yeni tarix" yazırlar. Bunlar görün nə qədər qeyri-ciddi adamlardır. Gəlin, onların müraciət etdiyi tarixi mənbələrə, şəhərlərə, ərazilərə, bunların bünövrəsinin qoyulmasına və sonrakı inkişafına baxaq. Əvvəla, hazırda ermənilərin yaşadığı ərazilərin qədim dövrünə, arxeologiyasına nəzər salaq. Ermənilər onların hamısı barədə uydurmalar yazıb. Erməni tarixçilərinin yazdıqlarının hamısı başqa xalqların tarixinə qarşı təcavüzdü. Özünə aid olmayan bir dövlətdən, bir şəhərdən yazır, onun tarixini istədiyi şəkildə saxtalaşdırır. Saxta pul heç kəsə gərək olmadığı kimi, saxta tarix də bir kimsəyə lazım deyil. Erməni tarixi saxtadır".
Ermənilərin XIX əsrə qədər Cənubi Qafqazda yaşamadığını, olmadığını deyən Q. Hacıyev vurğuladı ki, bu baxımdan bu torpaqlarda onların heç bir tarixi yoxdur. "Maraqlıdır ki, tarix boyu qaraçı kimi ora-bura köçən, özünün tarixi torpağı, tarixi vətəni olmayan ermənilər hansı ölkədə yaşayıblarsa oranın tarixini özlərininki sayıblar. Harada qədim bir arxeoloji abidə aşkarlansa erməni tədqiqatçıları dərhal orada "erməni izi" axtarırlar.
Halbuki, bu qədim abidələrin ermənilərə heç bir aidiyyəti yoxdur. Bu öz yerində. Gəlin, indi yerli şəhər tarixini öyrənən bir qrup erməni aliminin fəaliyyətinə baxaq. Onların çoxu özlərindən əvvəlki erməni alimlərini tərifləyirlər. Guya onlar repressiyaya məruz qalmayıb sag qalsaydılar "erməni tarixi" daha "yaxşı yazılardı". Bir vaxtlar iddia etdilər ki, indiki İrəvan şəhərinin adı "Yerevandı", sonra dedilər ki, bu şəhər "Erebuni qalası" üzərində tikilib və onun guya 2800 yaşı var və sair. İrəvanın yaşı min dəfələrlə saxtalaşdırılır. İndi də iddia edirlər ki, İrəvan dünyanın "ən qədim" şəhəridir. Bir zamanlar "ağzibir" olan erməni tarixçiləri indi bir-birinin iç üzünü açır. Müasir erməni tarixçiləri özlərinin yeni cəfəngiyatlarını ermənilərə və başqa xalqlara sırımaq üçün özlərindən əvvəlkilərin yazdıqlarını inkar edirlər. Hətta özlərindən əvvəlki az-çox tanınan erməni arxeoloqların da tədqiqatlarını, fikirlərini inkar edib onlara "düzəlişlər" edirlər. Onlar, hətta "erməni tarixini" dünyaya çıxaran Boris Borisoviç Pyotrovskinin də tədqiqatlarını kölgə altına alırlar. Bir vaxtlar Ter-Avesyanın, Ter-Qriqoryanın, Orbelianin dediklərinin üstündən keçib onların yazdıqlarını bəyənməyib yeni tarix yazan Ayvazyanlar, Karspetyanlar, Arakelyanlar vardı, indi Poqosyan, Petrosyan və başqaları ortaya çıxıb. Görün nəyi sübüt etməyə çalışırlar? Erməni alimlərinin İrəvanın Romadan "qədim" şəhər olduğunu iddia etməsi gülünc bir məsələdir. Bunu hara istinad edib deyirlər, anlamaq olmur. Belə şey yoxdur. Bu qədər yalan, gop danışmaq olmaz. Elmi dərəcəsi olan ermənilərin bu dərəcədə yalan danışmaqları onları biabırçı kökə salır. Guya İrəvan özü Romadan "qədimdir" və Erebunidən də iki dəfə "qədim" olan "erməni şəhəri" "Şenqavitdir". Ermənilər hansısa "Şenqavit şəhərinin" tarixini "sübut" etməyə çalışırlar. Ortada isə gülünc arqumentlərdən ibarət cəfəngiyat var. Guya I Argişti dövründə bu şəhər haqqında mixi yazıları ilə daş üzərində "yazılıb". Bu yalandır. İllər uzunu rəsmi arxiv sənədlərini, xəritələri saxtalaşdırıb, qondarma soyqırım fotoları, "sənədləri" düzəldib, qədim qəbir daşlarının üzərini yonub kimyəvi maddə ilə "qədimləşdirən" ermənilərin e. ə. Kür-Araz mədəniyyətinə, tunc dövrünə aid Qafqazda heç bir dövləti, heç bir qədim şəhəri olmayıb. Bir məqamı da deyim ki, vaxt vardı ermənilər özlərini Roma imperiyasının “dostu” sayırdılar, indi də özlərinin Romadan da “qədim” şəhərə “sahib” olduqlarını iddia edirlər. Bu sadəcə sərsəmləməkdir, qeyri-ciddilikdir. Eşidiblər ki, UNESCO Ermənistana da missiya göndərəcək, ona görə də mümkün qədər daha çox tarixi saxtalaşdırmağa çalışırlar. İrəvanın Romadan “qədim” olması iddiası doğrudan da xəstə təfəkkürün məhsuludur” - deyə Q.Hacıyev qeyd etdi.
İradə SARIYEVA
