11/12/2019 12:09
728 x 90

Naxçıvanın enerji təhlükəsizliyi güvənli həddə - elektrik ixracatçısına necə çevrildi…

Elşad Məmmədov: “Enerjinin ixrac olunması ölkəyə valyuta daxilolmalarının daha yüksələn dinamika üzrə reallaşdırılması baxımından önəmlidir”

img

“Naxçıvan Muxtar Respublikası Azərbaycanın əsas hissəsindən coğrafi baxımdan ayrılıb və belə olan halda enerji təminatı xüsusi əhəmiyyət kəsb edir. Bu, əslində, təhlükəsizlik məsələsidir və heç bir daxili enerji resursu olmayan Naxçıvan hazırda elektrik enerjisini ixrac edir. Bir neçə il bundan əvvəl bunu təsəvvür etmək belə mümkün deyildi, bu gün reallıqdır. Şadam ki, bərpa olunan enerjinin ümumi enerji balansındakı payı getdikcə artır və Ordubad Su Elektrik Stansiyasının istifadəyə verilməsi nəticəsində, prinsip etibarilə, Naxçıvan Muxtar Respublikası öz enerji təminatını 100 faiz bərpa olunan enerji hesabına qarşılayacaqdır”.

Bunu Prezident İlham Əliyev Naxçıvan Muxtar Respublikası Ali Məclisinin Sədri Vasif Talıbovu qəbul edərkən deyib.

Blokadada olan Naxçıvan özünü işıqla təmin etməklə yanaşı, elektrik ixrac edir. Naxçıvanın elektriki ixrac etməsi nə qədər əhəmiyyətlidir?

  • “…daxili bazarın təminatı ilə bağlı problemin həll olunması deməkdir”

Azərbaycan Dövlət İqtisad Universitetinin (UNEC) professoru Elşad Məmmədov “Bakı-Xəbər”ə açıqlamasında qeyd etdi ki, Azərbaycanda həyata keçirilən islahalatların mühum komponentlərindən biri daxili bazarın təmin olunmasıdır. Enerji təchizatı baxımından qeyd olunan sferada ciddi islahatların aparılması zəruridir: “Azərbaycanın elektrik enerjisi ixracatçısına çevrilməsi ölkənin xarici ticarərinə müsbət təsir göstərməkdədir. Bu elə bir sahədir ki, həm makroiqtisadi göstəricilərin sabitləşməsinə nail ola bilərik, həmçinin, bu məsələ ölkənin milli təhlükəsizliyi baxımından prioritet sayılır. O cümlədən, Naxçıvan Muxtar Respublikasının  enerji ixracatçısına çevrilməsi daxili bazarın təminatı ilə bağlı problemin həll olunması  deməkdir. Eyni zamanda, enerjinin ixrac olunması ölkəyə valyuta daxilolmalarının daha yüksələn dinamika üzrə reallaşdırılması baxımından önəmlidir”.

Həmsöhbətimiz hesab edir ki, enerji istehsalına yatırılan investisiyalar müsbət nəticələrini büruzə verməkdədir. Gələcəkdə elektrik enerjisi ixracının daha da artması gözlənir.

Günel CƏLİLOVA

Son xəbərlər