20/11/2019 23:09
728 x 90

Fransada erməni qəzetinin redaksiyasına basqını da türklərin üstünə atmaq istəyirlər

Azər Həsrət: “Bu cür hücumları ermənilər özləri təşkil edir və sonradan bunun türklər tərəfindən edildiyini iddia edirlər”

img

Avropa ölkələrində mövcud olan ermənidilli qəzetlərin zərərli fəaliyyəti haqqında faktlar yetərincədir. Bu nəşrlərin zərərli fəaliyyətləri heç kəs üçün gizlin deyil. 

Fransada nəşr edilən “Nouvellesd'Arménie” qəzetinin redaksiyasına basqın edilməsi barədə məlumatlar yayılıb. Erməni mediasının yazdığına görə, bu barədə media və ictimaiyyəti məlumatlandıran sözügedən qəzetin baş redaktoru Ara Toranyan basqın əsnasında 3 kompyuterin oğurlandığını bildirib. O qeyd edib ki, həmin kompyuterlərdə “gizli məlumatlar” mövcud olub. Lakin o, redaksiyaya məxsus kompyuterdə hansı “məxfi məlumatlar”ın mövcud olması ilə bağlı əlavə açıqlama verməyib.

Qəribədir ki, erməni baş redaktor sözügedən basqına görə dolayısı ilə türkləri ittiham edib. O bu basqını Parisdə türklərə qarşı keçirilən aksiyalarda iştirak etməsi ilə əlaqələndirib.

  • “…erməni redaktor bu işdə türklərin əli olduğunu iddia etməklə özünü gülünc vəziyyətdə qoyur”

Erməni baş redaktorun qəzet redaksiyasına türklərin hücum etdiyini iddia etməsinin heç bir ciddi əsası olmadığını deyən tanınmış media eksperti, Əməkdar jurnalist Azər Həsrət “Bakı-Xəbər”ə bildirdi ki, qəzet redaksiyalarına basqınlar və terror hücumları təşkil etmək ermənilərə məxsus bir ənənədir. O hesab edir ki, bu işdə türklərin günahkar kimi təqdim edilməsi əsassızdır. A.Həsrətin sözlərinə görə, indiyə qədər Avropa ölkələrində ermənidilli qəzetlərin redaksiyalarına hücumlar olubsa, bunun hamısını ermənilər özləri təşkil edib. “Bu gün ermənilər başlarına gələn ən kiçik hadisələrə belə “bunu türklər edib” donu geydirmək istəyirlər. Əslində isə bu cür hücumları ermənilər özləri təşkil edir və sonradan bunun türklər tərəfindən edildiyini iddia edirlər. Ermənilərin özü tərəfindən planlaşdırılan bu cür hücumlar türkləri gözdən salmağa xidmət edir. Ermənilər tarixən xəyanət yolu tutublar və xain davranışlarla fərqləniblər. Ümumiyyətlə, Avropada da yaxşı bilirlər ki, türklər bu cür hadisələr törədən xalq deyil, türk milləti düşmənlə döyüşü üz-üzə, açıq cəbhədə aparmağı sevir. Əgər həmin qəzetin redaksiyasına türklər hücum etmiş olsaydı, onlar bunu gizlətməzdilər, açıq bəyan edərdilər. Hesab edirəm ki, erməni qəzetinin redaksiyasına hücum türklərlə bağlı deyil, erməni redaktor bu işdə türklərin əli olduğunu iddia etməklə özünü gülünc vəziyyətdə qoyur. Ermənilər qondarma soyqırım iddiası ilə çıxış edən bir toplumdur. İndi də özləri tərəfindən qəzet redaksiyasına basqın təşkil edilib və bunu da türklərin ayağına yazmaq istəyirlər. Amma, təbii ki, bu, şər və böhtan, növbəti erməni saxtakarlığıdır”.

A.Həsrət hesab edir ki, ermənilər ilk dəfə deyil türklərə qarşı əsassız iddialar irəli sürürlər. Onun sözlərinə görə, nəticədə isə ermənilər özləri pis vəziyyətdə qalırlar.

İradə SARIYEVA

Son xəbərlər