13/11/2019 16:07
728 x 90

Qeyri-neft sənayesində 15, kənd təsərrüfatında 7 faiz artım nəyin hesabına əldə olunub?

Aydın Hüseynov: “...bu nəticənin əldə olunmasında aparılan fundamental islahatlar ciddi rol oynayıb”

img

Azərbaycanda qeyri-neft sənayesinin inkişafına xüsusi diqqət yetirilir. Qeyri-neft sektorunun və aqrar sahənin inkişafı, faydalılığı istiqamətində dövlət tərəfindən böyük işlər görülür. Bunun nəticəsidir ki, ölkəmizdə bu sahələr artıq gəlirli və əlverişli sahələrə çevrilib.

Prezident İlham Əliyevin yanında keçirilən iqtisadi müşavirədə ölkə başçısı qeyri-neft sənayesi və kənd təsərrüfatı sahəsində artım olduğunu qeyd edib: “...Yenə də qeyri-neft sənayesi sahəsində yüksək göstəricilər mövcuddur. Beləliklə, qeyri-neft sənayemiz 15 faizdən çox artıb. Bu onu göstərir ki, son illərdə aparılan islahatlar, xüsusilə qeyri-neft sektorunun inkişafı ilə bağlı atılan addımlar öz bəhrəsini verir. Deyə bilərəm ki, qeyri-neft sənayemizin 15 faizdən çox artması dünya miqyasında rekord göstərici hesab oluna bilər.

Bununla bərabər, bildiyiniz kimi, son illərdə kənd təsərrüfatına böyük investisiyalar qoyulmuşdur. Kənd təsərrüfatının inkişafı prioritet sahə kimi müəyyən edilmişdir. Mən, eyni zamanda, əvvəlki illərdə bir qədər təəccüblənirdim ki, nə üçün bu qədər investisiyaların müqabilində, bu qədər dəstəyin, subsidiyaların, güzəştli şərtlərlə verilmiş kreditlərin olduğu bir zamanda kənd təsərrüfatında artım 2-3 faiz idi. Ancaq hazırda bu sahədə də ciddi irəliləyiş müşahidə olunur. Beləliklə, kənd təsərrüfatı doqquz ayda 7 faizdən çox artmışdır”.

Qeyri-neft sənayemizdə 15, kənd təsərrüfatında 7 faiz artım nəyin hesabına əldə olunub?

  • “Qeyri-neft sənayemizdə 15, kənd təsərrüfatında 7 faiz artımın baş verməsinin digər səbəbi də ölkə başçısının bu sahələrə xüsusi diqqət yetirməsidir”

Bu sahələrdə artımın səbəblərini şərh edən millət vəkili, tanınmış iqtisadçı Aydın Hüseynov “Bakı-Xəbər”ə bildirdi ki, 2016-cı ildə Prezident İlham Əliyevin sərəncamı ilə strateji yol xəritəsi təsdiqlənib: “Strateji yol xəritəsinin ən başlıca məqsədi qeyri-neft sektorunun şaxələndirilməsi və inkişaf etdirilməsi idi. İkincisi, bu nəticənin əldə olunmasında aparılan fundamental islahatlar ciddi rol oynayıb. “Doing Business” hesabatında da Azərbaycan dünyanın ən 20 aparıcı islahatçı ölkəsi sırasına daxil olub. Qeyri-neft sənayemizdə 15, kənd təsərrüfatında 7 faiz artımın baş verməsinin digər səbəbi də ölkə başçısının bu sahələrə xüsusi diqqət yetirməsidir. Xüsusilə də kənd təsərrüfatında stimullaşdırıcı tədbirlərin həyata keçirilməsinin, maliyyə əminamanlığının təmin edilməsinin nəticəsidir ki, qeyri-neft sektorunun sənaye sahəsində, eyni zamanda da kənd təsərrüfatında bu kimi nailiyyətlər əldə olunub”.

İradə SARIYEVA

Son xəbərlər