17/08/2019 15:25
728 x 90

Prezident kartla alınan maaş və pensiyalar məsələsində cəmiyyəti stimullaşdıran yeni kursa start verdi

Fikrət Yusifov: “Hesab edirəm ki, bu, vətəndaşları vəsaitlərini kart hesablarında saxlamağa stimullaşdıracaq”

img

Dünyada rəqəmsallaşmanın, nağdsız hesablaşmaların geniş yayıldığı bir dövrdə belə bir qərarın verilməsi çox önəmli bir addımdı”

” Kartlarda saxlanılan pensiya və maaşların üzərinə faiz gələcək. Bu yenilik Prezident İlham Əliyev tərəfindən təsdiqlənən “2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı”nda öz əksini tapıb. Proqramda birləşdirilmiş kartların hazırlanması və vahid bankomatların qurulması da nəzərdə tutulub. Blə ki, istehlakçıların rahatlığını və səmərəli ödəniş sistemini təmin etmək üçün birləşdirilmiş kartların hazırlanması və vahid bankomatların qurulması gözlənilir. Proqramın məqsədi vətəndaş, biznes subyektləri və dövlət strukturları arasında nağdsız ödəniş mühitini xeyli genişləndirmək, nağd dövriyyənin həcmini minimuma endirmək və nəticədə bank sektorunun maliyyə resursları bazasını gücləndirməkdir. Əsas məqsədlərdən biri nağdsız ödənişləri təşviq etmək olduğu üçün bank və vergi sistemində islahatlar aparılacaq. Rəqəmsal ödənişlərin tətbiqinin və istifadəsinin genişləndirilməsi iqtisadi dövriyyələri şəffaflaşdırmaqla, nağd pulla bağlı xərclərin, bank və müəssisələrin əməliyyat xərclərinin azalmasına gətirib çıxaracaq. Bu da iqtisadi artıma təkan verəcək. Proqramın tətbiqi istehlakçılar üçün də xeyli səmərə verəcək. Əvvəllər kartların hesabına köçürülən pensiya və maaşları tez nağdlaşdırmaqda maraqlı olan vətəndaşlar bundan sonra həmin vəsaitlərin bir qisminin hesablarında saxlanmasında maraqlı olacaqlar. Çünki qeyd olunduğu kimi, bunun üzərinə faiz gələcək. O baxımdan bunun mühüm stimullaşdırıcı təsiri olacaq. Maraqlıdır, bəs ekspertlər bunun sosial-iqtisadi əhəmiyyətini necə dəyərləndirir?

Sözügedən məsələ ilə bağlı fikirlərini “Bakı-Xəbər”lə bölüşən iqtisad elmləri doktoru Fikrət Yusifovun sözlərinə görə, sözügedən qərar sosial-iqtisadi baxımdan mühüm əhəmiyyət kəsb edir: “Bunun başlıca üstünlüyü ondan ibarətdir ki, nağdsız hesablaşmalar artacaq. Çünki nağd hesablaşmalar dövriyyədə pul kütləsinin artmasına və bu da öz növbəsində inflyasiya risqlərinin yüksəlməsinə təsir göstərir. Dünyada rəqəmsallaşmanın, nağdsız hesablaşmaların geniş yayıldığı bir dövrdə belə bir qərarın verilməsi çox önəmli bir addımdır. Yəni biz elə etməliyik ki, nağdsız hesablaşmalara maraq artsın. Çünki bütün dünya bu yolla gedir. Bu gün böyük ticarət obyektlərində nağdsiz ödənişlər apararkən əlavə dəyər vergisinin bir hissəsinin qaytarılması gündəmdədir. O cümlədən, kartlarda saxlanılan pensiya və maaşların üzərinə faizin gəlməsi ilə bağlı qərar bu istiqamətdə görülən kompleks tədbirlərin tərkib hissəsidir. Ona görə də verilən son qərarı müsbət dəyərləndirirəm. Hesab edirəm ki, bu, vətəndaşları vəsaitlərini kart hesablarında saxlamağa stimullaşdıracaq. Vətəndaş görəndə ki, pulunun üzərinə faiz gəlir, onu kartda saxlamaqda maraqlı olacaq”.

Vidadi ORDAHALLI

Son xəbərlər