Valyuta bazarının tənzimlənməsi sahəsində Prezidentin yeni çağırışlarına dair ekspert müzakirələri başladı

Tarix: 20.01.2016 / 02:33
Bölmə: İqtisadiyyat

Rövşən Ağayev: "Prezident yanında müşavirədən yayılan xəbərlər göstərir ki, hökumət iqtisadiyyatın pul defisiti problemini..."

"Bu, valyuta bazarına təzyiqi azalda, əhalinin əlindəki sərbəst vəsaitlər hesabına pul təklifini artıra bilər"

"Valyuta bazarının tənzimlənməsi ilə bağlı müvafiq göstərişlər verilib və təkliflər hazırlanır. Burada qanunvericilikdə də dəyişikliklər edilməlidir və Milli Məclis növbədənkənar toplantı keçirəcək.

Çünki bu addımlar atılmasa, bizim iqtisadi islahatlarımızın uğurlu icrası ləngiyə bilər". Bu fikirləri yanvarın 18-də Prezident İlham Əliyev iqtisadi və sosial məsələlərin həlli ilə bağlı müşavirədə bildirib. Dövlət başçısı deyib ki, bu sahədə də inkişaf etmiş ölkələrin təcrübəsi, beynəlxalq praktika Azərbaycanda tətbiq edilməlidir: "Əfsuslar olsun ki, bəzi hallarda biz müəyyən səbəblərə görə bu praktikanı tətbiq edə bilməmişik. Vaxt gəlib çatıb ki, dünyanın inkişaf etmiş ölkələrinin təcrübəsi tam tətbiq edilsin".

Prezident qeyd edib ki, 2008-2009-cu illərin dünya iqtisadi böhranı zamanı inkişaf etmiş ölkələr tərəfindən atılmış addımlar təhlil edilir və biz də daxili iqtisadi vəziyyəti nəzərə alaraq düşünülmüş addımlar atmalıyıq. Əlbəttə, nəzərə alsaq ki, bizim valyuta gəlirlərimiz böyük dərəcədə azalır, valyuta bazarının tənzimlənməsi bu istiqamətdə önəmli tədbirlərdən biridir.

Dövlət başçısı vurğulayıb ki, bank sektorunun tənzimlənməsi məsələləri də öz həllini tapacaq: "Təkliflərə baxılır. Problemli bankların sağlamlaşdırılması prosesi getməlidir, bank konsolidasiyası aparılmalıdır və əmanətlərin sığortalanması məsələsi də öz həllini tapmalıdır".

Bütövlükdə, valyuta bazarının tənzimlənməsi ilə bağlı addımlar nədən ibarət ola bilər? Bu nə deməkdir?

Sözügedən məsələni şərh edən iqtisadçı-ekspert Rövşən Ağayevin fikrincə, taktiki addımlar manatın sabitləşdirilməsinə paralel olaraq iqtisadiyyatı pul defisitindən azad etməkdir: "Prezident yanında müşavirədən yayılan xəbərlər göstərir ki, hökumət iqtisadiyyatın pul defisiti problemini həll etmək üçün bir sıra addımlar atmaq niyyətindədir. Özəlləşdirmə, bank sektorunun sağlamlaşdırılması ilə bağlı mesajlar da bunu göstərir. Əslində uzunmüddətli dövrdə həyata keçiriləcək strateji addımlar hamıya aydındır. Qısamüddətli taktiki addımlar manatın sabitləşdirilməsinə paralel olaraq iqtisadiyyatı pul defisitindən azad etməkdir. Bu istiqamətdə təcili taktiki addımlar hansılar ola bilər? Birincisi, hökumət büdcə kəsirini xarici borclanma ilə deyil, daxili borclanma vasitəsilə örtməlidir. Bu, qısamüddətli istiqrazların həcminin artırılmasını və birbaşa əhaliyə satılmasını nəzərdə tutur. 3,6 və 12 aylıq istiqrazların illik 4-6 faizlə satışı əhali üçün cəlbedici ola bilər. Bu, valyuta bazarına təzyiqi də azalda, əhalinin əlindəki sərbəst vəsaitlər hesabına pul təklifini artıra bilər. İkincisi, böyük korporativləşmə proqramı elan edilməlidir. Satış və ixrac bazarları olan şirkətləri öz səhmlərinin müəyyən hissəsinin xarici investorlara satılmasına həvəsləndirmək lazımdır. Bu həm ölkəyə valyuta axınının təmin edilməsi, həm də xarici sərmayənin ölkəyə marağının artırılması baxımından nəticə verə bilər.

Üçüncüsü, Neft Fondunun vəsaitlərinin banklar vasitəsilə iqtisadiyyata inyeksiya edilməsi ilə bağlı təkliflər var. Hökumət Neft Fondunun vəsaitlərini banklara yalnız o şərtlə yerləşdirməlidir ki, həmin bankların səhmlərində iştirak etsin. Yəni bu vəsaitlər dövlətin payı qismində iqtisadiyyata buraxılsın.

Böhrandan sonrakı dövrdə dövlət öz payını strateji investora satmaqla Neft Fondunun aktivlərini də geri qaytara bilər. Dördüncüsü, hökumət kredit sığortası fondu yaratmalıdır. Bu fond sabit məzənnə əsasında kreditləri sığortalamaqla bankların risqini azalda bilər".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...