Struktur islahatlarının yeni pilləsi bəzi nazirlik və komitələrin birləşməsinə aparır

Tarix: 20.01.2016 / 01:49
Bölmə: İqtisadiyyat

Qulu İsmayılov: "Büdcənin üzərinə düşən yük yüngülləşdirilməlidir"

"Cari ildə aparılacaq struktur islahatları yaxın gələcəkdə idarəçilikdə olan paralellərin aradan qaldırılmasını təmin edəcək"

Xəbər verildiyi kimi, Prezident İlham Əliyevin yanında iqtisadi və sosial məsələlərin həlli ilə bağlı yeni müşavirə keçirilib. Dövlət başçısı, keçirilən bütün müşavirələrdə olduğu kimi, son müşavirədə də bir sıra vacib mesajlar verib.

Prezident qeyd edib ki, son 10 ildə Azərbaycan dünyada sürətlə inkişaf edən ölkələrdən biri olub. Dünyanın aparıcı iqtisadi və maliyyə qurumları bunu təsdiq edir. Dövlət başçısı 2016-cı ildə Azərbaycanda iqtisadi inkişafla bağlı heç bir problem olmayacağını vurğulayıb. Bildirib ki, 2015-ci ildən başlayaraq dünyada neftin qiyməti 4 dəfə aşağı düşüb, bu da neft hasil edən ölkələrin, o cümlədən Azərbaycanın gəlirlərinin azalmasına səbəb olub. Bununla belə, Prezident qeyd edib ki, Azərbaycanda yaranmış vəziyyətdən çıxmaq üçün zəruri addımlar atılır. Digər neft ölkələri ilə müqayisədə Azərbaycan ən az itki ilə üzləşib. Prezidentin toxunduğu digər vacib məsələ struktur islahatlarının aparılması ilə bağlı olub. Dövlət başçısı qeyd edib ki, struktur islahatları ilə bağlı artıq müəyyən addımlar atılıb. Prezident bildirib ki, bu tədbirlər daimi olmalı, bir-birini təkrarlayan və lazımsız dövlət qurumları ya birləşdirilməli, ya da ləğv olunmalıdır. Dövlət başçısı valyuta bazarının tənzimlənməsi ilə bağlı müvafiq göstərişlərin də verildiyini və təkliflərin hazırlandığını vurğulayıb. Bildirib ki, bu sahədə qanunvericilik bazasının möhkəmləndirilməsi əhəmiyyətlidir. Prezident manata etimadın bərpası ilə bağlı ciddi tədbirlərin görülməsinin vacibliyini vurğulayıb.

Qeyd edək ki, Prezident bu müşavirədən əvvəl də belə bir islahatın vacibliyinə diqqəti yönəltmişdi. Bir neçə gün əvvəl verilən fərmanlardan bir daha göründü ki, artıq prosesə start verilib.

Məlumdur ki, Prezident İlham Əliyev Azərbaycan Respublikasının Satınalmalar üzrə Dövlət Agentliyinin ləğv edilməsi haqqında fərman imzaladı. Sənədə əsasən, agentliyin vəzifə və funksiyaları, habelə istifadəsində olan dövlət əmlakı İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə verilib.

Bundan başqa, Prezident tərəfindən İqtisadiyyat və Sənaye Nazirliyinin adının dəyişdirilməsi haqqında da sərəncam imzalanıb. Sərəncama əsasən, sözügedən nazirlik İqtisadiyyat Nazirliyi adlandırılıb. Dövlət başçısının imzaladığı digər sərəncamla Azərbaycan Respublikasının Nazirlər Kabineti yanında Dövlət Bayraq Meydanı Kompleksi İdarəsi və Azərbaycan Respublikasının Nazirlər Kabineti yanında Dənizkənarı Bulvar İdarəsi birləşdirilərək onların əsasında Azərbaycan Respublikasının Nazirlər Kabineti yanında Dənizkənarı Bulvar İdarəsi yaradılıb. Bütün bunlar onu göstərir ki, ölkədə struktur islahatları aparılır. Mövcud şəraitə uyğun olmayan bir sıra birlik və idarələr birləşdirilir və yaxud da ləğv edilir. Bu prosesin davamlı olacağını gözləmək olarmı?

İqtisadçı Qulu İsmayılovun sözlərinə görə, bu gün Azərbaycanda bir-birinin fəaliyyətini təkrarlayan, paralel fəaliyyət göstərən və eyni funksiyaları yerinə yetirən strukturlar mövcuddur: "Eyni funksiyaları yerinə yetirən strukturların paralel fəaliyyət göstərməsi nəticə etibarilə idarəçilikdə çevikliyin zəifləməsinə səbəb olur və inkişafın da qarşısında bir maneəyə çevrilir. Odur ki, onların ixtisarı, birləşdirilməsi və bəzən də lüzumsuz olanlarının ləğv edilməsi bütövlükdə idarəçiliyin səmərəliliyinin artırılmasına xidmət etmiş olar. Güman edirəm ki, cari ildə aparılacaq struktur islahatları yaxın gələcəkdə idarəçilikdə olan paralellərin aradan qaldırılmasını təmin edəcək. Real vəziyyət struktur islahatlarının davamlı olmasını diqtə edir. Hazırda keçirilməli olan struktur islahatları dövlət xərclərinin azaldılmasına yönəldilməlidir. Bu fonda struktur islahatları davamlı olmalıdır. Dövlət xərcləri maksimal dərəcədə optimallaşdırılmalıdır. Bu da istər nazirliklərin, dövlət idarələrinin tərkibi, istərsə də sayı ilə bağlı məsələlərdə özünü göstərməli və büdcənin üzərinə düşən yük yüngülləşdirilməlidir".

İqtisadçı-ekspert Vüqar Bayramov isə bildirib ki, struktur islahatlarının aparılması həm mövcud büdcə vəsaitlərinə qənaət edilməsinə, eyni zamanda idarəetmədə çevikliyin artırılmasına xidmət etməlidir. Onun sözlərinə görə, strukturların sayının çox olması birmənalı şəkildə büdcədən bu istiqamətdə vəsaitlərin artmasına gətirib çıxarır, digər tərəfdən isə, bu, çevik qərar verilməsi prosesini yubadır: "Çünki bir-birini təkrarlayan qurumların sayı çox olduqca, təbii ki, həmin qurumların fəaliyyəti bir-birinə mane olur. Prosedurların sayının çox olması qərarvermədə bürokratiyanın yaranmasına gətirib çıxarır. Bu baxımdan eyni sektorda fəaliyyət göstərən qurumların birləşdirilməsi, bir-birini təkrarlayan qurumların ləğv edilməsi olduqca vacibdir. Biz əslində müxtəlif sektorlarda, o cümlədən vergi, enerji, su sektorunda vahid qurumun yaradılmasının tərəfdarıyıq. Vahid qurumun yaradılması bizə imkan verəcək ki, çevik idarəetmə tətbiq olunsun, büdcə vəsaitlərindən qənaətlə istifadə etmək mümkün olsun. Bu baxımdan indiki islahatlar fonunda struktur islahatları olduqca vacibdir. Struktur islahatları, birmənalı şəkildə, Azərbaycanın indiki iqtisadi inkişaf prioritetlərinin müəyyənləşdirilməsinə imkan verəcək. Eyni zamanda qeyri-neft sektorunun inkişafı üçün mövcud baryerlərin aradan qaldırılmasına imkan verəcək".

Məhəmmədəli QƏRİBLİ

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...