Bank olmayan kredit təşkilatları başlarının çarəsini tapdılar

Tarix: 19.01.2016 / 02:25
Bölmə: İqtisadiyyat

Vüqar Bayramov: "Bank olmayan təşkilatların da konsolidasiyasına ehtiyac var"

"Bu, ölkədə maliyyə sabitliyinin yaranmasına müsbət təsir edə bilər"

Ölkədə yaranmış iqtisadi vəziyyət təkcə əhalini və bankları yox, bank olmayan kredit təşkilatlarını da çətinliklə üzləşdirib. Yayılan məlumatlara görə, bu səbəbdən ölkədəki bəzi bank olmayan kredit təşkilatları birləşəcək.

Bunun üçün artıq danışıqlara başlanıb. Bu yolla gələcək fəaliyyətini tənzimləmək istəyən bu qurumların indi ən əsas problemi xaricdən cəlb etdiyi investisiyalarla bağlıdır.

Çünki bank olmayan təşkilatların əksəriyyətinin vəsaitləri xarici investorlardan gəlir. Manatın məzənnəsində baş verən dəyişikliklərdən sonra isə beynəlxalq maliyyə təşkilatları ölkədəki bank olmayan kredit təşkilatlarına investisiya yatırmağa ehtiyat edirlər. Təklif olunur ki, yaxın günlərdə onlarla əlaqədar dövlət qurumlarının görüşü keçirilsin.

Azərbaycan Mikromaliyyələşmə Assosiasiyasının (AMFA) İdarə Heyətinin sədri Süleyman Kələşovun sözlərinə görə, bizim investorlar konkret olaraq İqtisadiyyat Nazirliyi, Maliyyə Nazirliyi, Kənd Təsərrüfatı Nazirliyi ilə görüşüb ölkədəki vəziyyətə bələd olmaq istəyir. Hazırda ölkədə 48 bank olmayan kredit təşkilatı fəaliyyət göstərir. Onların kredit portfeli ümumilikdə 560 milyon manatdır. Bu təşkilatlar yarandığı gündən, yəni 2001-ci ildən indiyə qədər 400 min adama kredit veriblər ki, bunun da 20 faizi problemli kreditlərdir.

Bütövlükdə, BOKT-lar birləşsə, bu, ölkədə maliyyə sabitliyinin yaranmasında nə kimi rol oynayacaq?

Məsələyə münasibət bildirən iqtisadçı-ekspert Vüqar Bayramovun fikrincə, BOKT-lar buna getsə, bu, maliyyə sabitliyinin yaranmasına müsbət təsir edə bilər: "Azərbaycanda banklarla yanaşı, bank olmayan təşkilatların da konsolidasiyasına ehtiyac var. Ölkə iqtisadiyyatının həcmini nəzərə aldıqda BOKT-ların sayı lazım olandan bir neçə dəfə çoxdur. Bu bəlkə də rəqabət baxımından yaxşıdır, amma bu amil likvidliyə təsir edir, onu azaldır. BOKT-lar müştərilər qarşısında öhdəliklərini yüksək səviyyədə yerinə yetirə bilmir. Bu baxımdan onların sayı azalmalıdır. Digər tərəfdən, zəif bankların güclü banklara birləşməsindənsə, bir neçə zəif bankın birləşərək başqa adla bazarda iştirakını davam etdirməsi daha məqsədəuyğundur. İkinci variantda bank bazarının təmərküzləşməsi zəifləmiş olar. Nəzərə almaq lazımdır ki, Azərbaycandakı kəskin devalvasiyadan sonra bank sektorunda problemlər artıb, vaxtı keçmiş kreditlər çoxalıb. Mərkəzi Bank nisbətən zəif banklara aşağı faizli mərkəzləşdirilmiş kredit resurslarına çıxış vəd etməklə onları birləşməyə sövq edə bilər. Yaxud da birləşərək daha yüksək kapitalla bazara çıxacaq banklara 2 il müddətinə vergidən azad edilməsi təklif oluna bilər, bu məsələ hökumət qarşısında qaldırıla bilər. Son nəticədə bank sektorunun öz funksiyasını yerinə yetirməsi təmin olunar".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...