Vergilər Nazirliyi sahibkarlarla işbirliyinin yeni mərhələsinə başlayır

Tarix: 19.01.2016 / 02:14
Bölmə: İqtisadiyyat

Samir Əliyev: "Vergidən daxilolmaları artırmaq istəyiriksə, vergitutma maksimum dərəcədə sadələşdirilməlidir"

"Daha çox işçi cəlb edən şirkətin vergi güzəşti çox olmalıdır"

Yanvarın 18-də Bakıda keçirilən 5-ci illik vergi konfransında sahibkarlıq subyeklərinə yeni vergi güzəştlərinin edilməsi ilə bağlı təkliflər səslənib. Təklifləri "KPMG Azərbaycan" şirkətinin təmsilçisi Müşfiq Əliyev səsləndirib.

O, vergi hesablarında yığılmış artıq vəsaitlərin vergi ödəyicilərinin bank hesabına qayıtması üçün imkan yaradılmasını, idxal zamanı əlavə dəyər vergisinin dövlət büdcəsinə ödənilməsi üçün müəyyən vaxt verilməsini, yeni investisiya layihələri zamanı vergi yükünün əvvəlcədən müəyyən edilməsini və nəhayət, müəyyən sahələr üzrə zərərlilik müddətinin 5 ildən çox olmasını təklif edib. Onun sözlərinə görə, bəzən sahibkarların satışa başlaması və gəlir əldə etməsi 5 ildən sonra mümkün olur. Zərər məhdudiyyəti isə investisiya layihələri üçün mənfi haldır.

Bütövlükdə, ölkədə sahibkarlığın və iqtisadiyyatın qeyri-neft sektorunun geniş inkişafı, dövlət büdcəsi üçün yeni gəlir mənbələrinin aşkarlanması və yaradılması mövcud vergi siyasətini yumşaltmağı tələb edir. Düzdür, Azərbaycanda mərhələlərlə bu siyasət aparılmaqdadır. Ancaq biznes şəraiti hələ tam olaraq əlverişli və cəlbedici xarakter daşımırsa, inhisarçılıq və gizli iqtisadiyyat qalırsa, deməli, bəzi vergi növləri üzrə dərəcələr yüksək səviyyədədir. Adətən vergilərin yumşaldılması dedikdə iqtisadiyyatın bəzi sektorlarında və bir çox sosial sferalarda stimullaşdırıcı məqsədlə tətbiq edilən güzəştlər misal gətirilir. Halbuki, bunlar ayrı-ayrı məsələlərdir. O baxımdan iqtisadi qanunlar nöqteyi-nəzərindən güzəştlər əslində zərərlidir.

Ümumən ölkədə sahibkarlığın inkişafı üçün konkret hansı vergi güzəştlərinə ehtiyac var?

Sözügedən məsələni dəyərləndirən iqtisadçı-ekspert Samir Əliyevin fikrincə, vergilərin artırılması kiçik və orta sahibkarlığın inkişafına əngəl yarada bilər: "Kiçik və orta sahibkarlığın inkişafı üçün vergi güzəştləri tətbiq edilməlidir. İndiki dövrdə neft gəlirlərinin azalması səbəbindən büdcənin mütləq neftdən kənar sahədən daha çox pul götürməsi üçün ilk nəzərlər vergiyə yönəlir. Belə bir fikir yaranır ki, vergi artırılmalıdır. Heç olmasa neftin ucuzlaşması səbəbindən gəlirlərin azalmasına görə baş verən itkilər kompensasiya olunsun. Ancaq mən düşünürəm ki, bu düzgün addım deyil. Biz bu il və qarşıdakı illərdə büdcəni doldurmaq üçün vergiləri artırsaq, bu, sahibkarları daha da boğacaq. Yəni vergidən yayınma halları daha da artacaq. Vergidən daxilolmaları artırmaq istəyiriksə, mütləq vergitutma maksimum dərəcədə sadələşdirilməlidir. Lazım olsa, vergilər yumşaldılmalı və vergi güzəştləri tətbiq edilməlidir. Xüsusilə yeni yaranan müəssisələr və xarici şirkətlər ilkin dövrdə vergidən azad olunmalı və ya müəyyən güzəştlər olmalıdır. Həm yerli, həm də xarici şirkətlərə elə şərait yaradılmalıdır ki, onlar gəlib burada müəssisə açsınlar, yeni iş yerləri yaratsınlar. Vergi dərəcəsi ilə işçilərin sayında mütənasiblik olmalıdır. Daha çox işçi cəlb edən şirkətin vergi güzəşti çox olmalıdır".

Vidadi ORDAHALLI

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...