İçməli su qablaşdıranların Prezidentin qəti tələbindən xəbərləri varmı?

Tarix: 19.01.2016 / 01:54
Bölmə: İqtisadiyyat

Nicat Hacızadə: "Bəzi sahibkarlar vəziyyətdən istifadə edib yerli məhsulların qiymətini süni şəkildə qaldırır"

"Qablaşdırılan bütün sular Azərbaycanda istehsal olunur, lakin istehsal zamanı lazım olan xammal hansısa xarici ölkədən gətirilir"

Dekabrın 21-də manatın ikinci devalvasiyasından sonra Azərbaycanda satışda olan məhsulların qiyməti yüksəlib. Qiymət artımı əsasən xaricdən idxal olunan mallarda müşahidə olunsa da, yerli mallarda da qiymət artımı baş verir. Xaricdən idxal olunan məhsulların qiymətinin yüksəlməsi başadüşüləndir.

Amma Azərbaycan istehsalı olan malların qiymətinin süni şəkildə artırılması düzgün deyil.

Xatırladaq ki, Prezident İlham Əliyev yanvarın 10-da Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında manatın məzənnəsinin dəyişməsindən sonra bəzi işbazların qiymətləri süni şəkildə qaldırması məsələsinə toxunub. O bildirib ki, Azərbaycanda istehsal olunan malların qiymət artımı ümumiyyətcə mümkün deyil, olmamalıdır: "Süni bahalaşmaya son qoyulmalıdır və bununla bağlı çox ciddi cəza tədbirləri görülməlidir".

Qeyd edək ki, süni qiymət artımı yerli sularda da müşahidə olunur. Azərbaycanın təbii sərvəti olan mineral suların qiymətində 20-25 faizlik artım var.

Aznevs.az-ın araşdırmasına görə, "Gədəbəy Mineral Suları" şirkəti tərəfindən qablaşdırılan "Slavyanka" sularının qiyməti 20 faiz qaldırılıb. Hazırda evlərə çatdırılan 19 litrlik su 3 manat 80 qəpik, ofis və şirkətlərə aparılan 19 litrlik su isə 3 manat 60 qəpik olub. Su balonunda olan "pompa" (nasos) isə Türkiyədən gətirildiyi üçün 5 manatdır.

Xatırladaq ki, "Slavyanka" sularının mənbəyi Gədəbəyin Slavyanka kəndində yerləşən "Novlu" bulağıdır. "Gədəbəy Mineral Suları" fabriki isə 2010-cu ildə Gədəbəy rayonunun Zəhmət kəndində istifadəyə verilib.

"Damla LTD" MMC-dən isə 19 litrlik suyun qiyməti nə az, nə çox, düz 1 manat artırılıb. 19 litrlik su əvvəl 3 manata satılsa da, hazırda 4 manata satılır. Şirkət nümayəndəsi qiymət artımını su balonlarının Türkiyədən alınması ilə izah edir.

Ümumiyyətlə, bu sulardan alan müştərilər birmənalı olaraq bir ədəd balon və "pompa" almalıdır. Əsas artım da bunlardadır. Məsələn, əvvəl 19 litrlik "Damla" suyu 10 manat idisə, hazırda bu suların qiyməti 15 manatdır. "Pompa"ların qiyməti isə əvvəl 3 və 5 manat idi. Lakin suyun qiymətinin artırılmasından sonra "pompa"lar 5 və 7 manata satılır.

"Sirab" mineral suyunun da qiymətində artım var. Belə ki, əvvəl 3 manat 55 qəpiyə satılan 19 litrlik su hazırda 4 manat 26 qəpiyə satılır.

"Qafqaz Aqua"nın 19 litrlik suyu isə hazırda 3 manatdır. Su balonla birlikdə verildiyi zaman 10 manata başa gəlir.

"Kristal Ltd" şirkətinin istehsal etdiyi 19 litrlik "İpək su" 3 manat 50 qəpikdir. Balonla birlikdə isə su 10 manatdır. Balonun "pompa"sı isə 15 manatdır.

İqtisadçı-ekspert Nicat Hacızadə "Bakı-Xəbər"ə açıqlamasında qeyd etdi ki, yerli istehsal mallarının bir hissəsinin qiymətinin qalxması labüddür: "Bəzi sahibkarlar vəziyyətdən istifadə edib yerli məhsulların qiymətini süni şəkildə qaldırır. Xammal sənayesinin zəif inkişaf etməsi müəyyən qiymət artımına səbəb olur".

İqtisadçının sözlərinə görə, qablaşdırılan bütün sular Azərbaycanda istehsal olunur. Lakin istehsal zamanı lazım olan xammal hansısa xarici ölkədən gətirilir. Ola bilsin ki, həmin qiymət artımı da o xammalla bağlıdır. Amma yenə də bu dərəcədə qiymət artımı olmamalıdır. Həmsöhbətimizin fikrincə, qiymət artımının qarşısını almaq üçün xammal sənayesini inkişaf etdirmək lazımdır.

Günel CƏLİLOVA

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...