Kredit verən bankların "zamin proseduru" çox faydasız olmağa başlayır

Tarix: 25.08.2015 / 02:33
Bölmə: İqtisadiyyat

Rəsul Cahangirli: "Kredit götürməklə bağlı şərtlərin çətinləşdirilməsi fonunda zamin durmaq tələbi ləğv edilməlidir"

"Çünki bu bir sıra hallarda problem yaradır"

Vətəndaşlar bankdan kredit götürərkən ona zamin duran şəxslər zaminlikdən imtina etmək hüququna malikdir. Ancaq bu haqda, demək olar ki, nə borc götürənin, nə də ona zamin duran şəxsin məlumatı var.

Son vaxtlar heç də hamı kredit götürən şəxslərə zamin durmağa razı olmur. Buna səbəb öz iş yoldaşına, qohumuna və yaxınlarına zamin duran şəxslərin sonradan problemlərlə üzləşməsidir. Yəni kredit götürən şəxslər öz öhdəliklərini vaxtında yerinə yetirmir və nəticədə zaminlər banklarla üz-üzə gəlir. Buna görə də hazırda özünə zamin tapmaq çox çətindir. Artıq zamin durmuş şəxslər isə zaminlikdən imtina etmək haqqında düşünür.

Bununla belə, zaminlikdən imtina etmək heç də asan məsələ deyil. Çünki zamin dəyişdirilə bilər, amma bankın razılığı olmaq şərtilə. Hər bir banka sağlam zamin lazımdır. Müştəri ilə zamin razılığa gələrsə və bank buna müsbət cavab verərsə, köhnə zaminlə müqavilə ləğv edilə bilər. Bu zaman mütləq yeni zamin olmalıdır.

Bütövlükdə, bankdan pul götürmək üçün kiminsə zamin durması şərti müştərilər tərəfindən birmənalı qarşılanmır. Əksəriyyət bunun əleyhinədir. Məsələ ondadır ki, kredit götürməklə bağlı şərtlər əvvəlki illərlə müqayisədə xeyli çətinləşdirilib.

Onsuz da məsuliyyətli müştəri kredit faizlərini vaxtında ödəyir. Məsuliyyətsiz müştəriyə 5 nəfər də zamin dursa, bu nəyisə dəyişməz. Digər tərəfdən, bəzi hallarda, zamin duran şəxs kredit götürənə problem yaradır. Bütün bunların fonunda kiminsə zamin durmasına nə ehtiyac var?

Məsələyə münasibət bildirən ekspert Rəsul Cahangirlinin sözlərinə görə, əslində indiki şəraitdə kiminsə zamin durmasına ehtiyac yoxdur: "Çünki bu bir sıra hallarda problem yaradır.

Problem ondan ibarətdir ki, banka kredit borcu olan müştəriyə zamin duran şəxs, yeri gəldi-gəlmədi, narahat edilir. Bu da, öz növbəsində, zamin duran şəxsin narahat olmasına gətirib çıxarır. Bəzən vəziyyət o həddə gəlib çatır ki, zamin duranla bankdan pul götürən arasında bu səbəbdən ciddi konflikt yaşanır. Kredit götürməklə bağlı şərtlərin çətinləşdirilməsi fonunda zamin durmaq tələbi ləğv edilməlidir.

Ən azından, zamin duranların sayı bir nəfərə salınmalıdır. Onu da nəzərə almaq lazımdır ki, devalvasiyadan sonra bankların çoxu xarici valyutada olan kredit müqavilələrinin müddətini uzadıb. Ancaq zaminlik müqaviləsində bunu göstərməyiblər. Yəni zaminin razılığını almayıblar. Demək, həmin andan etibarən zaminlik müqaviləsi qüvvəsini itirib. Ümumiyyətlə, bu cür problemlərlə qarşılaşmamaq üçün istər zamin duran şəxslər, istərsə də banklar diqqətli olmalıdır. İnkişaf etmiş ölkələrdə banklar kredit götürənlərlə yanaşı, zamin duran şəxslərin seçimində ehtiyatlıdır. Banklar zaminin kim olduğuna diqqətlə yanaşır. Bank kredit götürənlə yanaşı, zamin duran şəxsi də araşdırır ki, gələcəkdə ödəniş problemi olanda zamin öhdəliyini yerinə yetirə bilsin. Hətta bəzən bank özü zamin cəlb edir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...