"Tarixçi "iqtisadiyyat müəllimi" bilsin ki..."

Tarix: 22.08.2015 / 02:47
Bölmə: İqtisadiyyat

Bu gün Azərbaycan həm iqtisadi, həm də siyasi cəhətdən kifayət qədər möhkəm dayaqlara malikdir. Hakimiyyətlə xalq arasında yaranmış birlik isə Azərbaycanın əsas göstəriciləri sırasında yerini möhkəmlətmiş amillərdən biridir. Tərəddüd etmədən deyə bilərik ki, Azərbaycan hakimiyyəti cəmiyyətin tam dəstəyini qazana bilib və bu üstünlüyünü illərdir qoruyub saxlayır.

Azərbaycanın bügünkü mənzərəsinə həm politoloji, həm də sosioloji aspektlərdən yanaşdıqda görürük ki, tamamilə təbii proses müşahidə olunmaqdadır: Xalqa arxalanan, onun dəstəyinə güvənən və əsasən sosialyönümlü siyasətə üstünlük verən hakimiyyət bunun müqabilində hansı üstünlüklər əldə etməli idisə, bu gün onların hamısına müvəffəq olub. İlham Əliyev hakimiyyətinin dayağı xalqdır və deməli, bu birliyi və xalqla vəhdət üzərində qurulmuş idarəçilik sistemini sarsıtmaq mümkün deyil. Bu gün Azərbaycanın həm ictimai-siyasi, həm də sosial-iqtisadi həyatının ən xırda elementi belə onu deməyə əsas verir ki, ölkəni daha işıqlı perspektivlər gözləyir.

***

Azərbaycanda çirkin siyasi oyunlar yolunu tutan, cəmiyyəti çaşdırmaq məqsədilə min cür yalan uyduran adamlar parlament seçkiləri ərəfəsində bir qədər də fəallaşaraq heç bir arqumentə söykənməyən pafos dolu çıxışlarını artırıblar. İllərdir təkrar olunan uydurmalar bu gün yeni oranjemanda yenidən səsləndirilir. Amma, kimin hansı yalanı danışmasından asılı olmayaraq Azərbaycanı bugünkü inkişaf yolundan uzaqlaşdırmağa heç kəsin gücü çata bilməz. Bunun doğrudan da belə olduğunu Azərbaycan cəmiyyəti son 11 ildə dəfələrlə sübut edə bilib. Cəmiyyət hakimiyyətə qarşı "radikal" mövqedə dayanmış kimi görünməyə çalışanlara da, onların xaricdəki havadarlarına da dəfələrlə göstərib ki, ağı qaradan seçə bilir...

***

Hər şey göz qabağındadır. O qədər yalan danışıblar ki, artıq insanların gözündə müxalifətçi statusunda da qala bilməyiblər. Cəmiyyət artıq başa düşür ki, bu adamlar dövlətə qarşı xəyanət yolunu tutaraq müxtəlif xarici ölkələrin sifarişlərini yerinə yetirirlər. Əlbəttə, hər bir hakimiyyət ölkədə normal konstruktiv müxalifətin olmasını istəyir. Hər bir hakimiyyət çox gözəl bilir ki, normal, konstruktiv müxalifət ölkənin hərtərəfli inkişafına təkan verə biləcək bir qüvvədir. Azərbaycan hakimiyyəti də ölkədə belə bir müxalifətin olmasında maraqlıdır. Lakin təəssüflər olsun ki, görülən işlərə qara yaxmaq, insanları təhqir etmək, yalan danışmaq, ölkəyə qarşı ən yaramaz əməllərə imza atmaq kimi fəaliyyət növlərinə üstünlük verən və özünü "siyasi lider" hesab edənlər Azərbaycanda sağlam müxalifətin yaranmasının qarşısında da qara daşa çevriliblər.

***

Azərbaycan bu gün tək bölgənin deyil, dünyanın ən sabit və təhlükəsiz ölkələrindən birinə çevrilib. Baxın, Yaxın Şərq ölkələri qan içində boğulur. İnsanlar böyük bir fəlakətlə üz üzə qalıblar. Ukraynanın şərqində baş verənləri hamı görür. On minlərlə insan nəinki ev-eşiyini itirib, onlar hətta həyata da ümüdlərini itirmiş vəziyyətdədirlər. Özünə "siyasi lider" statusu vermiş "millət qəhrəmanları", sizə beləmi Azərbaycan lazımdır? Əgər siz siyasi əxlaqsızlıq edib bütün dünyanın etiraf etdiyi Azərbaycan həqiqətlərinin üzərindən qara qələm çəkməyi bacara bilirsinizsə, deməli, hakimiyyətə gəlmək xatirinə Azərbaycanda da belə bir xaosun yaranmasına qol qoymağa məmnuniyyətlə gedərsiniz. Siz bu gün abır və həya yeri qoymadan "Neft Azərbaycana heç nə verməyib" deyirsiniz. Bəs Azərbaycanın bütün dünyada etiraf edilən iqtisadi sıçrayışı nəyin hesabınadır? Tarixdə hansı neft ölkəsi 5 il ərzində Ümumi Daxili Məhsulunun tərkibində qeyri-neft sektorunun payını 50%-dən 70%-ə qədər yüksəltməyə nail ola bilib? Hansı neft ölkəsi 5 il ərzində qeyri-neft sektorundan ixracın həcmini 65%-ə qədər artırmağa nail ola bilib? Hansı neft ölkəsində 11 il ərzində orta aylıq əmək haqqı 5,7 dəfə (570%), pensiyalar 9,2 dəfə (920%) artırılıb? Hansı ölkə belə qısa müddət ərzində öz valyuta ehtiyatlarını 28 dəfəyə qədər (2800%) artıra bilib?.. Bu rəqəmlərin sırası çox genişdir. Əslində bu reallıqlar Azərbaycan dövlətinin qəsdinə duran insanların hamısına məlumdur. Lakin özünü ziyalı hesab edən, yazıçı kimi təqdim olunan bir xanım xalqa "iqtisadiyyat dərsi" verməyə həvəslənərək, "Bu neftin əhalimizə, təhsilimizə, səhiyyəmizə, sənayemizə, idxalımıza, ictimai münasibətlərimizə, mədəni səviyyəmizə, demokratik inkişafımıza heç bir xeyri dəymədi" deyir... Tam əminliklə deyə bilərik ki, belə bir açıqlama ilə çıxış edən adam heç bir halda öz ölkəsini sevə bilməz. Ölkəsini, millətini sevən insanlar obyektivlik hissini itirə bilməzlər. Yalan danışan adamlar vətən, dövlət və bayrağa münasibətdə də qeyri-səmimidirlər. Son on ildən bir qədər artıq vaxt ərzində ölkədə tikilən və əsaslı bərpa olunan minlərlə məktəb, tibb ocağı, mədəniyyət, idman obyektlərini, körpüləri, yolları, su anbarlarını, elektrik stansiyalarını, istehsal və emal müəssisələrini görməmək mümkün deyil axı. Görülən bu qədər nəhəng işlərin qarşılığında necə demək olar ki, xalq neft gəlirlərindən faydalanmayıb? Məgər bütün bunlar xalq üçün qurulub yaradılmayıbmı? Bunları görməmək üçün ən azı kor olmaq lazımdır.

***

Eyni notla tarixçi bir "siyasi lider" cari ilin birinci yarısında keçən ilin eyni dövrü ilə müqayisədə 6% iqtisadi artım deyil, iqtisadiyyatda 28-30% azalma baş verdiyini deyir. Bu qədər savadsızlıq nümayiş etdirmək sadəcə eyibdir. Bu ilin fevral ayında manatın ucuzlaşmasını əlinə bayraq edən bu tarixçı "iqtisadiyyat müəllimi" bilməlidir ki, əvvəla, milli statistikada Azərbaycanda Ümumi Daxili Məhsulun uçotu Azərbaycan manatı ilə aparılır. İkincisi isə keçən ilin müvafiq dövrü ilə müqaisədə ölkədə əsas məhsulların - yanacağın, çörəyin, enerjinin, suyun, kommunal xidmətlərin və əsas ərzaq məhsullarının qiymətlərində, bir sözlə - istehlak səbətinə daxil olan məhsulların qiymətlərində heç bir nəzərəçarpacaq dəyişiklik qeydə alınmayb. Belə olan halda keçən ilin eyni dövrü ilə müqayisədə Ümumi Daxili Məhsulun 28-30% azalmasına dair yalanı cəmiyyətə necə ötürmək olar? Aydındır, həmin bu tarixçi "iqtisadiyyat müəllimi" növbəti dəfə cəmiyyəti aldatmağa çalışıb. Əslində bu biçarənin başqa yolu da qalmayıb. Ahıl yaşında dövlətə qarşı işləmək məcbiriyyətindədir... O ancaq yalan danışmalıdır, gerçəyi gizlətməli və yaxşı nə varsa hamısının üzərinə kölgə salmağa meyllənməlidir. Görəvi belədir! Ancaq belələri anlamır ki, artıq insanlar bu kimi yalanlara qulaq asmağı özlərinə rəva bilmir. Bilsəydilər, arxalarına düşüb "Məhsul" stadionundakı yığıncaqlarına gedərdilər ki, bu yalanları onların dilindən canlı olaraq eşitsinlər. Getmirlər, çünki başqa yolu seçiblər. Bu yolda iqtisadi inkişaf və sosial rifah var. Bu yolda real iş və konkret fəaliyyət proqramları var. Bu yol sınanmış yoldur!

Fikrət Yusifov

İqtisad elmləri

doktoru, professor

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...