Süni qiymət qaldıranlar Prezidentin ərzaq təhlükəsizliyi barədə son bəyanatına zidd mövqe tutdular

Tarix: 21.08.2015 / 03:34
Bölmə: İqtisadiyyat

Qulu İbrahimov: "Ərzaq istehsalında idxal amilinə son qoyulmalıdır"

"Belə olacağı təqdirdə dünya bazarında baş verən kataklizmlərin ölkənin daxilindəki ərzaq qiymətlərinə təsiri olmayacaq"

Son bir neçə gündə paytaxt marketlərində qiymətlər artmağa başlayıb. Bu artım daha çox gündəlik tələbat mallarında, xüsusən də ərzağın qiymətində özünü göstərir. "Azərsun Holding" də məhsullarının qiymətini qaldırıb.

Holdinqin İctimaiyyətlə əlaqələr departamentinin rəhbəri Afiq Səfərov bildirib ki, məhsulların qiymətinin 25-30 faiz qaldırılması haqda deyilənlər reallığı əks etdirmir: "Yəni baş verənlər dünya bazarında olan trendlərlə əlaqədardır. Dünyada xammalın qiymətində artım və azalmalar olur. Bununla bağlı biz də qiymət tənzimləmələri həyata keçirmişik. Qiymət təkcə artırılmayıb, trendə uyğun olaraq bəzisində endirilib. Qiymət dəyişmələri 10 faizə qədərdir. Elə məhsul var 3, 5, elə məhsul da var məcbur qalıb 10 faiz artırmışıq. Çində yuanın devalvasiyasından sonra dünyada da artımlar, azalmalar var. Yəni qiymət artımını sırf Azərbaycanla bağlamaq doğru olmazdı. Dünyada iqtisadi böhran yaşanır. Rusiyada rublun başına gələnləri görürsünüz. Bu böyük prosesdir. Bundan, mən deyərdim, ən az etkilənən də (təsirlənən də) Azərbaycandır. Dövlət qiymətlərin tənzimlənməsində sahibkarlıq subyektlərinə kifayət qədər yardım etməyə çalışır, əlavə kreditlər və s. ayırır. Bununla da böhranın Azərbaycan vətəndaşı tərəfindən daha az hiss olunmasına öz töhfələrini verir".

Göründüyü kimi, Azərbaycan bazarının əsas ərzaq təminatçılarından olan şirkətin özü də qiymət artımının olduğunu təsdiqləyir.

Qeyd edək ki, bir müddət əvvəl Prezident Azərbaycanın ərzaq təhlükəsizliyinin tam təmin olunmasının vacibliyini qeyd edib. Bu istiqamətdə tədbirlər planının həyata keçirilməsinə dair xüsusi tapşırıqlar verib. Ancaq təəssüf ki, bəzi iri şirkətlər bu istiqamətdə iş görmək əvəzinə qiymət artımına gedir.

İqtisadçı Qulu İbrahimov qəzetimizə açıqlamasında bildirdi ki, son vaxtlar dünya bazarında baş verən böhrandan bütün ölkələr əziyyət çəkir: "Bilirsiniz ki, bir neçə ay əvvəl Azərbaycan hökuməti də məcburi devalvasiya tədbirinə əl atdı. Buna baxmayaraq, ərzaq məhsullarının qiymətində ciddi artım müşahidə olunmadı. Bu, dövlətin müdaxiləsi hesabına mümkün oldu. Ancaq sərbəst tənzimlənən biznes münasibətlərində bir qədər başqa tədbirlərə də əl atılmalıdır. İnzibati müdaxilə ilə hər şeyi həll etmək olmur. Hər ölkənin qarşısında duran vacib məsələlərdən biri ərzaq təhlükəsizliyinin təmin olunmasıdır. Prezident də bir neçə dəfə bunun zəruriliyini vurğulayıb. Azərbaycan öz ərzaq təhlükəsizliyinin tam təmin olunması üçün bütün resurslara malikdir.

Sadəcə, ərzaq təminatını həyata keçirən iri şirkətlər xammalın ölkə daxilində istehsal olunmasına səy göstərməlidir. Bir sözlə, ərzaq istehsalında idxal amilinə son qoyulmalıdır. Belə olacağı təqdirdə dünya bazarında baş verən kataklizmlərin ölkənin daxilindəki ərzaq qiymətlərinə təsiri olmayacaq".

Məhəmmədəli QƏRİBLİ

DİGƏR XƏBƏRLƏR

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...