12/07/2020 09:29
728 x 90

Dünya Ərzaq Təşkilatının Azərbaycanda pandemiya dövrü üçün planları – yerli tədarük və idxal…

Rüfət Quliyev: “Pandemiyadan sonra şəhərdəki iş yerlərində yaranmış səngimələr də aqrar sahənin inkişafına özünəməxsus təkan verir və verəcək”

img

BMT-nin Ərzaq və Kənd Təsərrüfatı Təşkilatı (FAO) Azərbaycanda koronavirus pandemiyasının nəticələrinin aradan qaldırılmasına yönəlmiş müxtəlif layihələr həyata keçirməyi planlaşdırır.

Bu barədə  FAO-nun tərəfdaşlıq və koordinasiya ofisinin rəhbəri Melek Çakmak media nümayəndələrinə açıqlamasında deyib. O qeyd edib ki, FAO-nun əsas məqsədi pandemiyadan sonra kənd təsərrüfatı zəncirindəki boşluqları doldurmaq, ərzaq istehsalının dayanıqlılığını təmin etmək və təbii ehtiyatların daha səmərəli idarə olunması üçün mümkün qədər çox ölkəyə dəstək verməkdir.

  • “Pandemiyadan sonra kənd təsərrüfatı sahəsində qeydə alınan boşluqları doldurmaq üçün  ölkə daxilində bu sahənin inkişafına daha çox önəm verilməlidir”

Pandemiya dövrü və karantin rejimi bitəndən sonra Azərbaycanın aqrar sektorunun vəziyyəti ilə bağlı fikir bildirən millət vəkili Rüfət Quliyev qeyd etdi ki, koronavirus pandemiyası ilə əlaqədar olaraq  insanların paytaxtdan bölgələrə axını sürətlənib. Məlumdur ki,  paytaxtda iş yerlərinin bir qismi qapadılıb: “Bölgələrdə ölkə rəhbərinin tapşırığına və göstərişlərinə uyğun olaraq görülən işlər,  aqrar sektorun inkişafı artıq şəhərdən regionlara axına səbəb olub. Bu da təbiidir, çünki artıq insanlarımızın kənddə torpaqdan qazanmaq imkanları genişlənib. Digər tərəfdən, kəndlinin gəlir yerləri var. Bunlar taxılçılıq, pambıqçılıq, heyvandarlıqdır. Bu sahələr xüsusilə dövlət tərəfindən verilən subsidiyalar hesabına getdikcə daha çox inkişaf etməyə başlayıb. Artıq insanlar paytaxtda qərarlaşmır, rayonlarda nəninki mövsümü işlər görürlər, həmçinin torpaq sahələrini icarəyə götürməklə, müəyyən sahibkarlara qoşulmaqla kənd təsərrüfatının inkişafına nail olurlar. Ötən il aqrar sektorda qeydə alınan müsbət nəticələr bunu deməyə əsas verir. Xatırladım ki, ötən il üzümçülük, pambıqçılıq, tərəvəzçilik, baramaçılıq sahəsində yüksək inkişaf müşahidə olundu”.

Həmsöhbətimiz onu da əlavə etdi ki,  pandemiyadan sonra şəhərdəki iş yerlərində yaranmış səngimələr də aqrar sahənin inkişafına özünəməxsus təkan verir və verəcək: “Nəzərə almaq lazımdır ki, kənd təəsrrüfatı elə bir sahədir, ərzaq təhlükəsizliyinin təmin olunması üçün fəaliyyəti bir an belə dayandırıla bilməz. O da bəllidir ki, hazırda aqrar sektorun elə bir dövrüdür ki, ara verilə bilməz. Bu səbəbdən də insanlar kütləvi şəkildə deyil, sosial məsafəyə riayət edilməklə torpaqda çalışması həyata keçirilməlidir”.

Millət vəkilinin sözlərinə görə, pandemiyadan sonra kənd təsərrüfatı sahəsində qeydə alınan boşluqları doldurmaq üçün  ölkə daxilində bu sahənin inkişafına daha çox önəm verilməlidir. Bununla yanaşı, daxildə istehsal olunmayan və ya az istehsal olunam məhsulların idxalına diqqət yetirilməlidir.

Günel CƏLİLOVA

Son xəbərlər