Mayamidə yerləşən VID promouterlik şirkəti Lionel Messi və Argentina Futbol Assosiasiyasına (AFA) qarşı futbolçunun çox reklam olunan yoldaşlıq oyununda iştirak etməməsi nəticəsində dəyən ziyana görə çoxmilyonluq iddia qaldırıb.
Bu barədə xarici media məlumat yayıb. İddia ərizəsində deyilir ki, avqust ayında VID Argentina milli komandasının ABŞ-da Venesuela (1-0, 11 oktyabr) və Puerto Riko (6-0, 15 oktyabr) ilə iki nümayiş oyununa eksklüziv hüquqlar üçün AFA-ya 7 milyon dollar ödəyib. Messi müqaviləyə əsasən, sağlam olduğu təqdirdə hər matçda ən azı 30 dəqiqə oynamağa borclu idi. Zədələnməməsinə baxmayaraq, o, Venesuelaya qarşı matçda oynamayıb. İddianın dəqiq məbləği göstərilməyib.
İradə SARIYEVA
