Cüdoçu qızlarımız Avropa Kubokunda 4 medal qazanıblar
Azərbaycan cüdoçuları Bosniya və Herseqovinanın paytaxtı Sarayevoda keçirilən böyüklər arasında Avropa Kubokunu 4 medalla başa vurublar. Yarışın sonuncu – ikinci günündə milli komandamızın 3 üzvü fəxri kürsüyə yüksəlib. 48 kq çəki dərəcəsində Könül Əliyeva bütün görüşlərdə qalib gələrək qızıl medal qazanıb. O, finalda polşalı Natalya Stoklosanı məğlub edib. Bu çəkidə digər təmsilçimiz Leyla Əliyeva bürünc medala sahib çıxıb.
52 kq çəkidə tatamiyə çıxan Gültac Məmmədəliyeva da keçirdiyi üç görüşdən qalib ayrılaraq qızıl medala yiyələnib. O, finalda Buketnur Karabulutu (Türkiyə) üstələyib.
Mətləb
