Milli futbolçumuz Mahir Emreli gələcək planları barədə danışıb. 27 yaşlı hücumçu bu barədə "Bild" nəşrinə açıqlama verib. Forvard II Bundesliqanın XXXIV turunda "Ayntaxt" (Braunşveyq) komandasına qarşı görüşdən sonra danışıb. SİTAT: "Nürnberq" karyeram qısa, lakin çox gözəl idi. İndi başa çatması üzücüdür. Amma bu şəkildə vidalaşa bildiyim üçün şadam". Emreli gələcək planları barədə də danışıb: "Agentimə dedim ki, məni mövsümün sonunadək tək buraxsın. Hələ heç nə qərarlaşdırılmayıb. Son günədək bütün diqqətimi "Nürnberq"ə yönəltmək mənim üçün vacib idi".
Mətləb
