UEFA Çempionlar Liqasında 1/8 final mərhələsinin cavab oyunlarına start verilib. İlk oyun günündə 4 matç keçirilib. Bununla da 1/4 finalın ilk iştirakçıları müəyyənləşib. "Barselona" "Benfika"ya öz meydanında 3:1 hesabı ilə qalib gəlib. "Liverpul" PSJ ilə "Enfild"də qarşılaşıb. İlk görüşdə 1:0 hesablı qələbə qazanan "mersisaydlılar" bu dəfə eyni hesabla uduzublar. Əlavə vaxtda da qalib müəyyənləşməyib. Penaltilər seriyasında isə PSJ üstün olub - 4:1.
"İnter" "Feyenoord"u 2:1 hesabı ilə məğlub edib. Günün maraqla gözlənilən matçlarından biri də Almaniyada keçirilib. "Bavariya" ilk oyunda 3:0 hesabı ilə qalib gəldiyi "Bayer"i yenə üstələyib. Beləliklə, ilk oyunların və cavab matçlarının nəticələrinə əsasən, "Barselona", "İnter", PSJ və Bavariya" 1/4 finala adlayıb.
Mətləb
