Azərbaycan 25 ildən sonra Con Kerridən yeni məktub gözləyir

Tarix: 22.01.2015 / 01:37
Bölmə: Gündəm

Akif Nağı: "Qorbaçova yazılan məktubla bağlı bir daha bəyan edirəm ki, bizdən üzr istənməlidir"

"Normal ölkələr analoji situasiyada belə davranır"

Hazırda ABŞ dövlət katibi olan Con Kerri və digər 20 senatorun 1990-cı ildə SSRİ-nin rəhbəri Mixail Qorbaçova ünvanladığı inanılmaz müraciət ortaya çıxıb. Müraciət 1990-cı il yanvarın 18-də ABŞ Konqresinin bir üzvü tərəfindən Qorbaçova edilib.
Müraciətin mətnində amerikalı senatorların son 6 gün ərzində azərbaycanlılardan ibarət qruplar tərəfindən Azərbaycanda erməni əhalinin qətlə yetirilməsi, Bakının erməni əhalisinin əmlakının qarət edilməsindən ciddi narahatlıq ifadə olunur. Bildirilir ki, öldürülən 60 nəfər və yaralanan 156 nəfərin əksəriyyəti ermənidir. Habelə, son hadisələr nəticəsində 4000-dək erməninin qaçqın vəziyyətinə düşdüyü iddia edilir. Müraciətdə Qorbaçovdan bütün zəruri tədbirlərin görülməsi istənilir: "Biz erməni azlıqların qətlinin, o cümlədən bu regionda digər zorakılıq hallarının qarşısının alınması üçün Sizdən bütün zəruri tədbirlərin görülməsini xahiş edirik. Vətəndaş sülhünün bərpa olunması ilə yanaşı, ümid edirik ki, öz vətəninə getmək istəyi olan ermənilərin bu regiondan təhlükəsiz köçməsini təmin etmək də sovet rəhbərliyinin məqsədi olacaq. Ümid edirik ki, Siz, həmçinin, bir çox amerikalı və digər əcnəbilərin işləməyə davam etdikləri zəlzələ zonasında Qarabağ və Ermənistanın iqtisadi blokadasını aradan qaldıracaqsınız. Azərbaycan əhalisinin dəhşətli dərəcədə hiddətlənməsi 160 min Dağlıq Qarabağ ermənisinin Ermənistanla birləşməsinin zəruriliyini bir daha önə çəkir. 70 il ərzində Azərbaycan hökuməti yalnız region əhalisinin mədəni hüquqlarını məhdudlaşdırmağa, habelə region əhalisinin 60%-nı təşkil edən Dağlıq Qarabağ ermənilərinin iqtisadi diskriminasiyasına nail olub. Biz Sizdən təkidlə xahiş edirik ki, baş verən faciəni Qarabağ xalqının Sovet dövləti çərçivəsində gələcək siyasi və mədəni mənsubiyyətini seçmək hüququnu tanımaqla həll edəsiniz".
Müraciəti imzalayan senatorlar arasında ABŞ-ın indiki dövlət katibi Con Kerri də var.
Yanvarın 19-da isə Moskvada ABŞ Senatının xarici işlər üzrə alt komissiyasının sədri, senator Kleyborn Pellin SSRİ-nin xarici işlər naziri Eduard Şevardnadze ilə görüşüb. Söhbət əsnasında K.Pell deyib ki, Sovet rəhbərliyi Azərbaycana "erməni Qarabağı" üzərində gələcək nəzarəti həyata keçirməyə imkan verməməlidir.
"Mən azərbaycanlıların qəddarlığından və SSRİ-də erməni talanlarından son dərəcə sarsılmışam. Sovet hökuməti erməni əhalinin təhlükəsizliyini təmin etmək üçün bütün tədbirləri görməlidir. Sovet hökuməti, həmçinin, Dağlıq Qarabağı Azərbaycanın tərkibindən çıxarmalıdır. Dağlıq Qarabağ üzərində gələcək nəzarəti Azərbaycanın əlində saxlamasına icazə vermək vəziyyəti daha da gərginləşdirmək deməkdir", - K.Pell vurğulayıb.
Göründüyü kimi, söhbət iftiralarla dolu, Azərbaycan xalqının heysiyyətinə toxunan müraciətdən gedir. Ola bilər ki, həmin vaxt müraciətə imza atan senatorlara yanlış informasiyalar verilib. Hər halda, sonrakı proseslərdə Kerrinin və başqa senatorların səhvlərini düzəltmək üçün kifayət qədər şansları olub. Ancaq bunu etmək əvəzinə, onlar ölkəmizə qarşı qərəzli mövqelərini davam etdirirlər. Qorbaçova göndərilən məktuba görə, Kerri başda olmaqla, həmin senatorlar Azərbaycan xalqından üzr istəməlidir?
Qarabağ Azadlıq Təşkilatının sədri Akif Nağı qəzetimizə açıqlamasında bildirdi ki, həmin sənədə imza atan bütün senatorlar Azərbaycandan üzr istəməlidir: "Məktubda az qalırlar ki, bizi vəhşi bir xalq obrazında təqdim etsinlər. Bununla hər şey bitmir. Dağlıq Qarabağ probleminin bizim başımıza dərd olmasında ABŞ-ın rolu həddən artıq çoxdu. Həmin vaxt sənədə imza atanların içərisində, bəlkə də, ən zəifi Kerri olub. Dağlıq Qarabağ problemi aktuallaşanda ermənipərəst konqresmenlər və senatorlardan ibarət bir qrup vardı. Onların yürütdüyü siyasətə fikir verirəm, yənə də həmin mövqedədirlər. Bizə qarşı yumuşalmaq əvəzinə daha da sərtləşiblər. 90-cı ilin əvvəlində "907-ci Düzəliş"in qəbulunda da bu senatorların əvəzsiz rolu olub. 2005-ci ildə 2 nəfər senator ABŞ-ın qanunverici orqanlarına ermənilərin hüquqlarının qorunması ilə bağlı daha sərt məzmunlu məktubla müraciət etmişdi. Con Kerri indi olub dövlət katibi. Bilirsiniz ki, o, prezident seçkilərində namizəd kimi iştirak edib. Mövqeyini, bizə münasibətini bilmək üçün seçkiqabağı platformasında açıqladığı fikirlərə diqqət etmək lazımdır. Kerri, prezident seçiləcəyi təqdirdə, qondarma "soyqırımın" tanınacağına söz verirdi. Bütün bu faktlar ABŞ-dakı ermənipərəst mövqenin hansı səviyəyə gedib çıxmasına bir sübutdur. Qorbaçova yazılan məktubla bağlı bir daha bəyan edirəm ki, bizdən üzr istənməlidir. Normal ölkələr analoji situasiyada belə davranır".

DİGƏR XƏBƏRLƏR

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...