4-cü nəsil bələdiyyə seçkilərinin "inqilabi təzahürləri"...

Tarix: 24.12.2014 / 02:22
Bölmə: Gündəm

Dünən Azərbaycanın 1999-cu ildən bəri sayca 4-cü olan bələdiyyələrinə seçki keçirildi. 4-cü nəsil bələdiyyələrin əvvəlki üç bələdiyyə nəslindən bir neçə məqamla fərqlənəcəyinin ilk əlamətləri indidən göz qabağındadır. Həm də xarakterinə görə bu fərqlər elə bir səciyyə daşıyır ki, bunlar son seçkidə müqayisəli xeyli irəliləyişlər olduğu qənaətinə gələnlər üçün əhəmiyyətli rol oynaya bilər.
Təbii ki, dünənki seçkinin nəticələrinin daha legitim tanınmasında da öz rolunu oynayacağı şübhəsizdir. Həqiqətdir ki, bundan əvvəlki üç seçkinin hər birinə dair müəyyən beynəlxalq təşkilatların sərt, ya yumşaq münasibət və rəylərinin şahidi olmuşuq. Bu rəylərin, bəzi hallarda siyasi xarakterli və qərəzli olduğu halda, müəyyən məqamlarda həm də əsaslı olduğunu danmaq olmaz. Ancaq dünənki seçkinin haqqında danışdığımız özəllikləri hətta ən odioz və qərəzli beynəlxalq dairələri belə mümkün qədər ehtiyatlı münasibətlər bildirməyə sövq edəcək.
Beləliklə, əvvəlki seçkilərlə müqayisədə "inqilabi" sayıla biləcək özəl və ya fərqli təzahürləri nəzərdən keçirək.

Bələdiyyələrin sayı...

1999-cu ildə indiki ilə müqayisədə az qala iki dəfə çox idi. Haradasa 2500-dən çox bələdiyyəyə seçki keçirilmişdi. Həm ölkə və seçicilər üçün ilk təcrübə olduğuna görə, həm də sayca hədsiz çox olduğuna görə obyektiv və subyektiv səbəblərdən üzə çıxmış nöqsan və əyintilər beynəlxalq müşahidəçilərə o qədər nəhəng görünmüşdü ki, az qala "total saxtakarlıq" qənaətinə gələnlər olmuşdu. Dünənki seçkidə isə bələdiyyələrin sayı da 1999-cu ildəki deyildi, seçicilər də kifayət qədər təcrübəli idilər. Demək, əyintilərin kütləviliyi barədə danışmaq istəyən beynəlxalq dairələrin qabağını kəsən ciddi əks arqument var.

Namizədlərin sayı...

Adi statistik hesablamaların sayəsində üzə çıxır. 2009-cu il seçkilərində bir bələdiyyə yerinə yalnız 2 nəfər düşürdüsə, bu dəfə həmin göstərici 2,5 nəfər idi. Söhbət minlərlə bələdiyyə üzvündən getdiyi üçün buradakı 0,5 faizlik artımın əslində çox ciddi rəqəm olduğunu demək çox vacibdir.

Saat 12-yə qədərki fəallıq...

Dünən saat 12-nin tamamına olan və MSK-nın açıqladığı rəqəmə görə, bütün ölkə üzrə seçki fəallığı 21,44, üç saatdan sonra isə əhəmiyyətli dərəcədə artaraq 34 faizə yaxın oldu. Xatırladaq ki, 2009-cu ildə seçki gününün həmin saatına qədər seçki fəallığı yalnız 11 faiz olmuşdu. Razılaşaq ki, bu, fəallığın artımını göstərən ciddi rəqəmdir.

Hər məntəqədə azı 31 müşahidəçi...

Təsəvvür edirsinizmi ki, dünən Azərbaycanın bütün seçki dairələri üzrə 50 mindən çox qeydiyyatdan keçmiş müşahidəçi fəaliyyətdə olub. Bu o deməkdir ki, hər məntəqəni azı 31 müşahidəçi nəzarətdə saxlayır, həm də ən müxtəlif siyasi və qeyri-siyasi dairələri təmsil edən müşahidəçilər. Bu sayda seçicinin gözü qarşısında kütləvi əyintilərin ola biləcəyini düşünmək sadəcə mümkünsüzdür.

Prezident, həmişəki kimi, yenə ən təsirli addımı atdı...

Xatırlayırsınızsa, seçkilərdən az öncə Prezident İlham Əliyev xüsusi fərmanla bələdiyyələrin bir neçə istiqamətdə səlahiyyətlərinin artırılması prosesinə start verdi. İctimaiyyətdən bu addıma hələ o zaman-seçkidən çox qabaq dərhal reaksiya gəlmişdi. Deyirdilər ki, bu bələdiyyələr əvvəlkilər kimi yox, daha nüfuzlu, daha fəal olacaq. Vergi toplanması və əmlak sahibliyində əlavə səlahiyyətlər almış yeni bələdiyyələrə başqa hansı münasibət ola bilərdi ki... Prezidentin addımı bələdiyyələrə münasibətdə həm seçici, həm də namizəd fəallığını öncədən şərtləndirən ən təsirli vasitə kimi özünü göstərdi. Dünən hər bir namizəd, hər bir seçici bilirdi ki, nisbətən nüfuzlu bələdiyyənin üzvü və ya seçicisi olacaq. Halbuki, illər öncə məhz bu arqumentin həqiqət olduğunu iddia etmək olmazdı. Dünyanın çox zəngin seçki təcrübəsinin dönə-dönə təsdiqlədiyi həqiqətlərdən biri isə budur ki, seçici və namizəd fəallığının artan dinamikaya malik olduğu yerlərdə əyinti və pozuntuların sayının minimum üz tutması, necə deyərlər, "hökm-zərdir".
Xatırladaq ki, bu məlumat və mülahizələr dünən günorta saatlarına qədər olan vəziyyətin təhlili ilə ortaya çıxıb. Ancaq bütün səsvermə prosesini tam xarakterizə etmək üçün az əhəmiyyətli deyil.

DİGƏR XƏBƏRLƏR

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

Tarix: 23.06.2026 / 18:53

Klıcdaroğlunun 250 min dollar paket iddiası tam yalan çıxdı...

Tarix: 23.06.2026 / 06:17

Bu 4 adam savcı Zəkəriya Öz kimi sifariş icra edəndir.... Mansur Yavaş ifşa edir...

Tarix: 22.06.2026 / 19:27

Özəlin quracağı yeni partiyanın adı bəlli oldu - Yürüyüş…

Tarix: 21.06.2026 / 22:58

Kılıçdaroğlunun məlum müsahibəsinə daha bir baxış - “…sualların ağırlığı altında əzilən bir siyasətçi gördüm”…

Tarix: 20.06.2026 / 08:02

Kılıçdaroğlu canlı yayımda təqdimatına etiraz etdi, studiyada gərginlik yaşandı

Tarix: 19.06.2026 / 18:01

Kılıçdaroğlu Dəniz Baykala qarşı intim video komplosu ilə necə CHP başqanı oldu? – Vikiliks açır...

Tarix: 19.06.2026 / 11:24

Özəl yeni partiya yaratmaq istəmədiyini dedi - amma qurultay tələbi keçməzsə...

Tarix: 19.06.2026 / 08:45

Sənətçi etiraz etdi - “Xəbərim yoxdu…”

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...