İranlı məhkumun Azərbaycanda saxlanmasını zəruri edən ciddi mətləb var

Tarix: 22.12.2014 / 06:41
Bölmə: Gündəm

Sabir Rüstəmxanlı: «Azərbaycan hökuməti edam edilmə ehtimalı olan bir azərbaycanlını bilərəkdən təhlükəyə atmaz»

«Mən şəxsən özüm həmin şəxsin taleyi ilə maraqlanacağam»

Noyabrın 25-də Müsavat başqanının hazırda həbsdə olan müavini Yadigar Sadıqovun dərc olunmuş «Məhbəs yoldaşımın hekayəti» yazısında Azərbaycandan siyasi sığınacaq almağa gəlmiş İran vətəndaşı, milliyyətcə azərbaycanlı Mahmud Əzizulla oğlu Naci adlı şəxsin başına gələn müdhiş olaylardan bəhs olunub.

Yadigar Sadıqov yazısında qeyd edir ki, Mahmud Azərbaycana siyasi sığınacaq almaq məqsədilə gəlibmiş, amma ölkəyə qeyri-leqal keçdiyi üçün həbs olunub: «Dediklərinin nə qədər həqiqi olduğunu araşdırmaq imkanım yoxdur. Mən, sadəcə, ictimaiyyətin diqqətini bu əhvalata yönəltmək, edam astanasında olduğunu iddia edən şəxsi bu müdhiş aqibətdən xilas etmək istəyirəm. Mahmud Əzizulla oğlu Naci 1982-ci ildə İran İslam Respublikasının Ərdəbil ostanında anadan olub, milliyyətcə azərbaycanlıdır. Zəncan Universitetində təhsil alıb. Lakin əmək fəaliyyəti jurnalistikadan ibarət olub. «Keyhan», «İran», «Həmşəhri», «Asiman» qəzetlərində yazıları çap olunub. İslahatlar tərəfdarı, İran azərbaycanlılarının hüquqlarının carçısı kimi tanınıb.

Mahmud Naci edam və qisas («gözə göz» prinsipi ilə edam) hallarının əleyhdarı olub, bu yöndə fəaliyyət göstərən və əsasən edam olunanların ailə üzvlərinin birləşdiyi təşkilatla sıx əməkdaşlıq edib. 2008-ci ilin prezident seçkiləri zamanı müxalif namizəd Mirhüseyn Musəvinin fəal tərəfdarı kimi etirazlarda iştirak edib, məqalələr yazıb. Buna görə də iğtişaşlara təhrik, milli təhlükəsizliyə hədə ittihamı ilə 10 il müddətinə azadlıqdan məhrum edilib. Məhbəs həyatının 3 ilini Tehranın məşhur Evin, qalanını isə Kərəc şəhərinin Gohərdaş həbsxanalarında keçirib. Zindanda da edam cəzası ilə mübarizəsini davam etdirib. Xüsusən Gohərdaşda həyata keçirilən edamların şəklini çəkərək əməkdaşlıq etdiyi təşkilata ötürə bilib. 2014-cü ilin Novruz bayramında siyasi məhbuslara və yüngül cinayət törətmiş məhbuslara verilən 15 günlük məzuniyyət zamanı edam şəkillərini onun çəkdiyinin aydınlaşması, bu səbəbdən də haqqında «dövlət sirrini yayma» ittihamı ilə yeni cinayət işinin açıldığından xəbər tutub. Bu maddə isə edama qədər cəza nəzərdə tutur. Mahmud Naci qeyri-leqal yolla İranı tərk etmək qərarına gəlir. Aprelin 2-də Cəlilabad rayonunun ərazisinə daxil olur və burada saat 9:40-da sərhədçilər tərəfindən saxlanır. Beləcə, Mahmud Naci ölüm təhlükəsindən qurtulur».

Məqalə müəllifinin sözlərinə görə, hadisələrin sonrakı inkişafı heç də onun ümid etdiyi istiqamətdə getməyib:

«Nə istintaq, nə də məhkəmə zamanı onun siyasi sığınacaq istəməsi nəzərə alınmır. Sərhədçilərin onu polisə təhvil verməsindən sonra heç bir başqa təşkilatın nümayəndəsi Mahmudla görüşmür, istəyinin nə qədər səmimi olduğunu araşdırmır. Cəlilabad Rayon Məhkəməsinin 11 iyul 2014-cü il tarixli hökmü ilə Mahmud Əzizulla oğlu Naci 1 il müddətinə azadlıqdan məhrum edilir. Hakim Əliəjdər Ələkbərovun çıxardığı hökmdə oxuyuruq: «İş materiallarında olan 13 may 2014-cü il tarixli sübutların qiymətləndirilməsi haqqında qərardan görünür ki, Naci Mahmud Əzizulla oğlu İran İslam Respublikasının xüsusi xidmət orqanları tərəfindən təqib olunduğu üçün dövlət sərhədini qanunsuz yolla keçdiyini bildirsə də, onun bu ifadəsi cinayət işinin materialları ilə təsdiq olunmur, bu halın mövcud olması belə dövlət sərhədini qanunsuz keçməsinə əsas vermir...»

Hazırkı vəziyyətdə Azərbaycan hakimiyyəti hansı addımı atmalıdır?

Millət vəkili, DAK sədri Sabir Rüstəmxanlı açıqlamasında bildirdi ki, milliyyətcə azərbaycanlı olan bir şəxsin göz görə-görə edam edilməsi üçün İrana deportasiyasına heç bir halda imkan verilməməlidir. O qeyd etdi ki, Mahmud Əzizulla oğlu Nacinin cəzasını çəkdikdən sonra İrana göndərilməsi heç bir halda düzgün deyil:

«Təəssüflə qeyd etməliyəm ki, İranla dinc qonşuluq siyasətində bir çox hallarda soydaşlarımızın maraqları qurban verilir. Burada onların vətəndaşlıq almaq, yaşamaq imkanları çox məhduddur. Ölkəmizə İrandan gələn miqrantlar da təcili xarici ölkələrə ötürülür. Xaricə ötürülən miqrantlara isə BMT-nin qaçqınlar komissiyası, təəssüf ki, doğma münasibət bəsləmir. Bizimkilərin miqrant kimi xaricdə yerləşdirilməsi problemli hala çevrilib. Bu səbəbdən həmin şəxsin başqa ölkəyə göndərilməsi də onun üçün müəyyən narahatlıq yaradacaq. Ancaq, istənilən halda, bu onu İrana ölümə göndərməkdən daha yaxşıdır».

S.Rüstəmxanlının sözlərinə görə, Azərbaycan hökuməti edam edilmə ehtimalı olan bir azərbaycanlını bilərəkdən təhlükəyə atmaz: «İstənilən halda, həbsdən sonra onu İrana deportasiya etmək olmaz, üstəlik, əgər bu şəxsin orada edam edilmə ehtimalı varsa. Ümid edirəm ki, Azərbaycan hökuməti də həmin şəxsi buradan İrana deyil, üçüncü bir ölkəyə deportasiya edəcək. Mən şəxsən özüm həmin şəxsin taleyi ilə maraqlanacağam. Ya burada qalması, ya da üçüncü bir ölkəyə göndərilməsi üçün çalışacağam».

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...