Əsədin taleyinin həlli üçün gizli ABŞ-Rusiya-İran-Suriya danışıqları planı...

Tarix: 18.12.2014 / 02:56
Bölmə: Gündəm

Rusiyada İŞİD-çi ovu başlayıb

Dünya ölkələrinin əsas diqqətinin Ukraynaya yönəldiyi bir vaxtda Suriyada yaranan təhlükənin miqyası getdikcə böyüyür. Söhbət artıq bir nömrəli terror təşkilatına çevrilən İŞİD-in sıralarının sürətlə genişlənməsindən gedir. Qeyd edək ki, İŞİD sıralarında MDB ölkələrindən, o cümlədən də Azərbaycandan olan insanlar var.

Rusiya Milli Antiterror Komitəsi rəhbərinin müavini Yevgeni İlyin isə belə bir açıqlama ilə çıxış edib ki, İŞİD sıralarında və dünyanın digər savaş gedən zonalarında MDB ölkələrindən 1500 nəfər döyüşür ki, bunlardan 850 nəfəri Rusiya vətəndaşıdır. O, Rusiyanın qaynar nöqtələrdən geri qayıtmış döyüşçüləri müəyyənləşdirməyə çalışdığını bildirib: "Bununla bağlı çoxlu sayda məhkəmə qərarı var. Demək olar ki, biz hər həftə qaynar nöqtələrdən qayıtmış şəxslərlə bağlı cinayət işi əldə edirik. İŞİD bu gün özünün dəhşətli hərəkətləri ilə "əl-Qaidə"ni kölgədə qoyub. Bunun hesabına da ətrafına xeyli miqdarda döyüşçü yığıb. İŞİD ,Şimali Qafqaza qayıdanlar da daxil olmaqla, terror aktivliyini digər regionlara yaymağa çalışır".

Proseslərin gedişi göstərir ki, Suriyada indiki qeyri-sabit vəziyyət düzəlməsə, İŞİD təhdidi böyüməkdə davam edəcək. Suriyada isə vəziyyət hələ də çox acınacaqlıdır. BMT Təhlükəsizlik Şurasının toplantısında təşkilatın baş katibinin müavini Valeri Amos bildirib ki, Suriyada hökumət ordusu və silahlı müxalifət arasında baş verən hərbi əməliyyatlar nəticəsində ölənlərin sayı ilin əvvəlindən etibarən iki dəfə artaraq 200 minə yaxınlaşıb, təxminən bir milyon nəfər xəsarət alıb: "Fevralda bu münaqişədə 100 min nəfərin öldüyü açıqlanıb. Bu gün BMT bu rəqəmin 200 minə yaxınlaşdığını bildirir. Təxminən bir milyon insan yaralanıb. Bu rəqəmlər hər gün artır".

Yaranmış xaotik durum isə İŞİD-in bölgədə fəaliyyətini daha asan hala gətirir. Suriyada çoxsaylı İŞİD düşərgələri fəaliyyət göstərir. Valeri Amos bildirib ki, İŞİD üzvləri terror təşkilatının düşərgələrində hətta beş yaşına təzəcə çatmış uşaqlara döyüş hazırlığı keçirlər: "Bəzilərinin beş yaşı hələ təzəcə tamam olmuş 350 uşağın İŞİD-in Suriyanın Rəqqa şəhərindəki düşərgəsində döyüş hazırlığı keçdiyi barədə məlumat daxil olub". Onun sözlərinə əsasən, hazırda yetkinlik yaşına çatmamış 5.6 milyon suriyalının təcili humanitar yardıma ehtiyacı var: "Münaqişənin bütün tərəfləri uşaqları öldürür, işgəncə və zorakılığa məruz qoyur. Son aylar tez-tez əsasən İŞİD silahlıları tərəfindən həyata keçirilən "uşaqların ictimai edamı" barədə məlumat daxil olur".

Hazırda İŞİD-ə qarşı aparılan mübarizə isə istənilən nəticəni vermir. Suriyanın milli barışıq məsələləri üzrə naziri Əli Heydərin fikrincə, Qərb, o cümlədən ABŞ regionda böhranın siyasi nizamlanması ilə deyil, hərbi əməliyyatlarla məşğuldur. Nazir Moskvada planlaşdırılmış danışıqlar zamanı Suriya və ABŞ nümayəndələrinin görüşü barədə suala cavab verərkən bildirib ki, Amerika tərəfi siyasi nizamlama ilə məşğul deyil. O, regionda aparılan hərbi əməliyyatlarla, dünyanın digər regionlarında da tamam başqa məsələlərlə məşğuldur və bu işlər bu gün hətta siyasi nizamlanma əhval-ruhiyyəsindən belə çox uzaqdır. Maraqlıdır ki, bundan əvvəl Rusiya Silahlı Qüvvələrinin Baş qərargah rəisi Valeri Gerasimov ABŞ və müttəfiqlərinin Suriyada Bəşər Əsəd rejimini devirmək üçün çalışdıqlarını deyib. General Əsədə qarşı təzyiqlərin günbəgün artdığını deyib: "Suriyada müxalif qruplara hərbi dəstək getdikcə artır. Suriya rəhbərliyinə qarşı beynəlxalq təzyiq güclənməkdədir. Təzyiqin güclənməsi üçün hər gün addımlar atılır". Suriya və İraqda fəaliyyət göstərən İŞİD ordusunun 70 mini ötdüyünü deyən Gerasimov ABŞ-ın quru əməliyyatlarına hazırlaşdığını iddia edib: "Bölgədə radikal qruplaşmalar fəallaşmaqdadır. İraq və Suriyada İŞİD-i məhv etmək üçün koalisiya yaradan ABŞ quru əməliyyatlarına başlayaraq Suriyaya girmək istəyir".

Qeyd edək ki, Rusiya Suriya böhranını Moskvada həll etmək istəyir. Dəməşqdə Bəşər Əsədlə görüşən Rusiya prezidenti Vladimir Putinin xüsusi nümayəndəsi Mixail Boqdanov ABŞ-la birgə Suriya rejimini Moskvada masaya oturtmaq istədiklərini açıqlayıb. Rusiyanın hədəfi isə Suriya böhranının həllində mərkəz ölkə olmaqdır. Məsələ ilə bağlı təklifi Suriya rejiminə təqdim etdiklərini bildirən Boqdanov deyib: "Dəməşq Moskvada görüşmək istəyərsə, ABŞ rəhbərliyi və digər tərəflərlə bu məsələ ilə bağlı görüşəcəyik".

Livanın "Əs-Səfir" qəzeti isə Suriya böhranının həlli ilə bağlı İranla Rusiya arasında razılığın əldə edildiyini iddia edir. Rusiya və İranın Əsədin bəzi səlahiyyətlərindən istifadə edərək güzəştə getməyə hazır olması, müxalifətçilərlə dialoqu qəbul etmələri bu iddiaların doğru olmasına imkan yaradır.

Bütün bunların müzakirəsi üçün Bəşər Əsəd yeni ildən sonra Rusiyaya gedəcək.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...