24/07/2019 01:20
728 x 90

ABŞ – Türkiyə münasibətlərini çökdürən S-400-lərin Türkiyəyə gətirilməsinə başlandı - FOTO / YENİLƏNDİ

img

S-400 raketdən müdafiə sistemlərinin ilk partiyası Türkiyəyə gətirilib. Baki-xeber.com xəbər verir ki, bu barədə Türkiyənin Müdafiə Nazirliyi məlumat yayıb.

Uzaqmənzilli raketdən müdafiə komplekslərini gətirən üç Rusiya təyyarəsi Ankara vilayətində yerləşən Mürtəd aviabazasına enib.

Xarici işlər naziri Mövlud Çavuşoğlu məsələ ilə bağlı açıqlama verərək, heç bir problemin olmadığını deyib: “Biz S-400-lər (Rusiyanın raket əleyhinə müdafiə sistemləri) barədə hərtərəfli razılığa gəldiyimizi, bu razılaşmanın yekunlaşdığını və prosesin davam etdiyini həmişə deyirdik. Biz uçuşlara icazə, uçuşların kimlər tərəfindən icra ediləcəyi kimi məsələləri koordinasiya edirik və proseslər davam edir”.

Rusiya da S-400 sistemlərinin göndərilməsinə başlandığını təsdiqləyib.

Türkiyə bu gün S-400 sistemlərini öz ərazisində qəbul edən sayca üçüncü, bu sistemə sahib olan dördüncü ölkə oldu. Suriyada da S-400 sistemləri var, ancaq bunlar bu ölkədəki rus bazasında saxlanır, yəni birbaşa Rusiyanın öz nəzarətindədir.

Türkiyə NATO tarixində də bir ilkə imza atdı. Qardaş ölkə ABŞ-ın havadan müdafiə sistemi “Patriot” və Rusiyanın S-400 sistemlərini öz ərazisində yerləşdirən yeganə ölkə kimi tarixə düşdü.

Qeyd edək ki, hazırda “İncirlik” hərbi hava bazasında NATO çərçivəsində İspaniyaya aid “Patriot” sistemləri yerləşdirilib.

NATO üzvü olmayan, ancaq ABŞ-la müttəfiq olan Hindistan və Səudiyyə Ərəbistanı da Moskva ilə S-400 razılaşması əldə edib və sistemlərin təslim edilməsini gözləyir.

Rusiya ilə silahla bağlı razılıq Türkiyənin üzvü olduğu və Moskva ilə yaxınlaşmasından ehtiyat edən NATO-nun narahatlığına səbəb olub və təslimatla bağlı ilk reaksiya da alyansdan gəlib.

Qeyd edək ki, Türkiyə Birləşmiş Ştatların 2 milyarddan baha başa gələn bir razılaşmanı geri çəkmək tələbini rədd edib. Birləşmiş Ştatlar Türkiyəni mümkün sanksiyalarla üzləşəcəyi və F-35 qırıcı təyyarələrinın istehsal konsorsumundan çıxarılacağı, itirilmiş müqavilələrə görə bunun Türkiyəyə milyardlarla dollara başa gələcəyi barədə xəbərdarlıq edib.

Son xəbərlər