Almaniya Kansleri Angela Merkel növbəti dəfə rəsmi tədbir zamanı titrəməyə başlayıb. Baki-xeber.com xəbər verir ki, bu dəfə Finlandiya Baş naziri Antti Rinne ilə Berlində görüşü zamanı yaşanıb.
Sosial şəbəkələrdə yayılan görüntülərdə Merkel və Rinnenin ayaq üstə nitqə qulaq asdıqları görünür. Gözlənilmədən kansler titrəməyə başlayır. Finlandiya hökumət başçısı isə baş verənlərə reaksiya vermir.
Olaydan sonra Almaniya hökuməti kanslerin səhhətində heç bir problem olmadığını deyib. Merkel özü dıə “əsməcə” insidentindən sonra özünü yaxşı hiss etdiyində təkid edir. O, özünü yaxşı hiss etdiyini və narahatlığa əsas olmadığını deyib.
Merkelin bildirdiyinə görə, iyunun 18-də Ukrayna prezidenti Vladimir Zelenski ilə görüş zamanı baş vermis ilk insidentin yaratdığı psixoloji təsir bundan sonrakı insidentlərə səbəb olub.
“Mən indi bir müddət bununla yaşamalıyam” – deyə, o bildirib. İkinci insident Merkelin Almaniya prezident sarayında yeni ədliyyə nazirinin andiçmə mərasimi zamanı baş verib.
Almaniyada ictimai fiqurların sağlıq durumu özəl həyata dair ciddi qanunlara görə məxfi saxlanılır.
Merkelin sağlamlığında ciddi problemlərin olduğu məlum deyil, lakin Avropanın iqtisadi baxımdan ən inkişaf etmiş ölkəsi olan Almaniyanın uzun illərdir liderinin sağlıq durumu yaxşı səviyyədədir.
Gələn həftə 65 yaşı tamam olacaq Angela Merkel dünyanın ən nüfuzlu qadınlarından biri hesab edilir. O, 2021-ci ildə vəzifə müddətinin bitməsindən sonra siyasətdən gedəcəyini elan edib.
