ABŞ-ın 45-i prezident Donald Trampın paytaxt Vaşinqtonda andiçmə mərasimi keçirildi. Tramp bütün dünyanın izlədiyi, 200 milyon dollara başa gələn mərasimdə and içib. Beləliklə Donald Tramp rəsmən ABŞ-ın yeni prezidenti oldu.
Baki-xeber.com xəbər verir ki, Prezident Donald Tramp çıxışına mərasimə qatılan keçmiş prezidentlərə və Amerika xalqına təşəkkürlə başlayıb. O Barak və Mişel Obamalara xüsusi minnətdarlıq edib: “Bu sadəcə prezidentlərin, partiyaların dəyişməsi yox, hakimiyyətin Vaşinqtondan xalqa verilməsidir”.
Trampın bütün çıxışı boyunca keçmiş prezidentin və keçmiş administrasiyaların adları çəkilmədən kəskin tənqidi hiss olunub. O deyib ki, bu gün hakimiyyət sadəcə olaraq bir prezidentdən başqa prezidentə, bir partiyadan başqa partiyaya yox, Vaşinqtondan Amerika xalqına keçir.
Tramp bildirib ki, çox uzun müddətdə hakimiyyətdəki kiçik qrup idarəetmədən mənfəətlənib, bunun bədəlini isə adamlar ödəməli olublar: “Vaşinqton çiçəklənib – amma adamlar bu sərvətin xeyrini görməyiblər, siyasətçilərin həyatı firəvanlaşıb, adamlar işsiz, fabrik-zavodlar bağlı qalıb, hakimiyyət özünü mühafizə edib, amma bu ölkənin vətəndaşlarını yox.
Bütün bunlar buradaca, bu andaca bitir. Mənim bu gün vəzifəm üçün içdiyim and Amerika xalqına sədaqət andımdır”
Donald Trump deyib ki, çox onilliklər ərzində Amerikanın sənayesi hesabına xarici sənayelər varlanıb. Başqa ölkələrin ordularına subsidiyalar verilib, lakin Amerika hərbiyyəsinin kədərli tənəzzülü baş verib: “Biz öz sərhədlərimizi qorumaqdansa, başqa ölkələrin sərhədlərini qorumuşuq”.
Yeni prezident deyib ki, orta sinfin sərvəti qarət olunaraq bütün dünya boyunca paylanıb.
Tramp bəyan edib ki, Amerika bundan sonra öz həyat tərzini başqalarına təlqin etməyəcək, əksinə bu həyat tərzini parladaraq başqaları üçün nümunə edəcək.
O, vurğulayıb ki, Amerika köhnə ittifaqlarını möhkəmləndirəcək və radikal İslama qarşı yeni ittifaqlar yaradacaq.
Mərasimdə ABŞ-ın keçmiş prezidentləri Bill Klinton və Corc Buşla yanaşı onun seçkilərdəki rəqibi Hillari Klinton da iştirak edib.
ABŞ-ın paytaxtı Vaşinqton yeni seçilmiş prezident Donald Trampın andiçmə mərasimində gözlənilməz hadisələrə də səhnə olub.
Belə ki, Tramp əleyhdarları da aksiyalara başlayıb. Mərasimə girişə maneə törətmək istəyən Tramp əleyhdarları ilə polis arasında toqquşma olub. “Reuters” xəbər agentliyi, Vaşinqtonda bir-birlərinə zəncirləyən etirazçılar ın şəkillərini də yayıb.
Qara geyinmiş və maska taxan etirazçılarla polis arasında qarşıdurmalar olub. “Mənim prezidentinin deyil”, 'Mənim adımdan danışa bilməz” kimi şüarlar səsləndirən nümayişçilər yol kənarındakı obyektərin şüşələrini qırıb. Polisin bibər qazından istifadə edib.
Şəhərin bəzi küçələrində Tramp tərəfdarları ilə əleyhdarları arasında qarşıduma da olub.
Qeyd edək ki, yeni birinci xanımın yaşamaq üçün Ağ Evi yox, Nyu-Yorkda seçməsi və onun təhlükəsizliyinə ayrılacaq maliyyə də narazılığa səbəb olub. Melania Trampın təhlükəsizlik xərcləri gündəlik 1 milyon dollara başa gələ bilər. Nyu-York sakinləri isə vergilərinin ona xərclənməməsi üçün imza kampaniyasına başlayıb.
