ABŞ prezidenti Barak Obama Rusiyanın dezinformasiya kampaniyası və demokratiyaya yönəlmiş haker hücumlarının təsirini kifayət qədər qiymətləndirmədiyini etiraf edib.
Baki-xeber.com xəbər verir ki, ABŞ lideri bu açıqlamaları ABC News kanalına müsahibəsində ABŞ-ın kəşfiyyat orqanlarının Rusiyanın Birləşmiş Ştatlarda prezident seçkilərinə müdaxilə etdiyi ilə bağlı nəticə çıxarmasından sonra verib.
Obama deyib ki, o, Rusiya prezidenti Vladimir Putinə kifayət qiymət vermədiyini düşünmür. ABŞ kəşfiyyatı Putinin Amerikada demokratik seçki sisteminə müdaxilə və prezident seçilmiş Donald Trampa məğlub olan demokrat namizəd Hillari Klintonu ləkələmək səylərinə göstəriş verdiyi haqda nəticə çıxarıb: "Mənim fikrimcə, mən bu yeni informasiya dövründə dezinformasiya, kompyuter hücumları və başqa əməllərin bizim açıq cəmiyyətlərimizə, sistemlərimizə, bizim demokratik proseslərimizə müdaxiləsinin nə dərəcədə təsir göstərə biləcəyini kifayət qədər qiymətləndirməmişəm."
Prezident Obama Moskva ilə çox yaxın əlaqələrlə bağlı da xəbərdarlıq edib: "Məni ən çox narahat edən şeylərdən biri odur ki, son zamanlar respublikaçılar, ekspertlər, ya da şərhçilər arasında Vladimir Putinə demokrat olduqları üçün amerikalılardan daha az etibar etdikləri deyilən bir çox şərhlər görürük. Belə ola bilməz...
Biz bir-birimizə xatırlatmalıyıq ki, biz hamımız bir komandadayıq. Vladimir Putin bizim komandamızda deyil. Əgər biz bu ölkədə insanların əleyhdar olan və Birləşmiş Ştatları və bizim həyat tərzimizi özünə hədə sayan bir liderlə daha çox yaxınlıq hiss etdiyi bir məqama gəlib çatsaq, o zaman biz kiber hücumdan daha böyük problemlərlə qarşılaşacağıq".
Seçkilərdən sonrada Trampla Ağ Evdə görüşən Obama, müsahibəsində Trampa tövsiyələri ilə əlaqədar bəzi detallar da açıqlayıb: "Mən çatdırmaq istəmişəm ki, idarəçilik və kampaniya aparmaq arasında fərq var. Ona görə də and içdikdən sonra bu ofisə daxil olan vaxt o, Yer kürəsində ən böyük bir quruma rəhbərlik etdiyinə çox yüksək qiymət verməlidir".
Obama deyib ki, Trampla söhbətində onu ölkənin kəşfiyyat xidmətlərinə etimad göstərməyə çağırıb. Obama qeyd edib ki, o, öz xələfi Trampa Ağ Evi öz ailə biznesi kimi idarə etməyə cəhd göstərməməyi tövsiyə edib. O, deyib ki, cənab Trump ABŞ-ın təsisatlarına hörmət göstərməlidir:
“Elə ki, and içmə mərasimindən keçdin, sən artıq Yer kürəsində ən böyük təşkilatın başçısı olacaqsan”.
Obama əlavə edib ki, Trampın bir sözü ilə dünya paytaxtları, maliyyə bazarları və insanlar təsirlənə bilər.
