Mətbuat konfransları yeni seçilmiş gələcək ABŞ prezidenti Donald Tramp üçün nadir haldır. Hillari Klintonu məğlub etdikdən sonra onun media çıxışları adətən televiziya və arabir “New York Times” kimi əhəmiyyətli mətbuat qurumları ilə musahibələrlə məhdudlaşıb.
İndi isə o keçmiş peşəsi və yeni vəzifəsi arasında maraqların toqquşmasını aradan qaldırmaq üçün cümə axşamı gününə təşkil etdiyi mətbuat konfransını təxirə salıb. Trampın sözçüsü bəyanatın gələn ilin yanvar ayında olacağını bildirib.
Onun prezidentliyə keçid komandasının sozçüsü Sean Spiker deyib ki, Tramp "çox sayda ikonik əmlaka və uğurlu qurumlara sahib olduğu üçün, bəyanatın yanvar ayına təxir salınması, onun diqqətini tamamilə ölkəyə və dünya səviyyəli kabinetinin köməyi ilə ambisiyalı hədəflərini yerinə yetirməyə yönəlib. Bu onun hüquqi komandasına düzgün protokolları yerinə yerləşdirməyə kifayət gədər vaxt verir".
Tramp prezident olduğu müddətdə biznesinin uşaqları tərəfindən idarə ediləcəyinə işarə edib. Əlavə olaraq, uşaqlarının onun biznesinə sahiblik etdiyi dövrdə onların sahibliyinin Trestə qoyulacağı ehtimal olunur. Bu üsulla Trampın biznes gəlirlərindən faydalanmağa imkanı olmayacaq. Tramp bunu özünün maraqların toqquşmasından uzaqlaşdıracağı kimi göstərmək istəyir. Lakin bu hərəkəti 40 ildən çoxdur ki, ABŞ prezidentləri üçün "qızıl standart" sayılan səylərdən fərqlənir.
Keçmişdə bəzi prezidentlər mülklərini tamamilə satmağa qərar veriblər, digərləri gəlirlərini onlardan asılı olmayan fondlara yönəldib. Bu sistemlə prezidentin vəzifələrinə uyğun olmayan şəkildə davranmasına imkan yaranmır.
Obama administrasiyasının keçmiş etika üzrə hüquqi məsələlərdə məsləhətçisi və hazırda Brookings Institution beyin mərkəzində işləyən Norman Eisen, Trampın planının gözlənilən tələblərə cavab vermədiyini deyir: "Məncə cənab Trampın - o gün tvitində dediyi kimi, biznesinin idarəçiliyindən uzaqlaşması kifayət deyil. Bunu edərək o hələ də maddi maraqlardan imtina etməyəcək. Nə gədər ki, o biznesindən maddi baxımdan faydalanırsa onun hərəkətlərinin ən azı maddi maraqları tərəfindən yönəldiyi təəssüratı yaranacaq... Məncə bu əslində təəssüratlardan da artıq, əsl maraqların toqquşmasını yaradacaq".
Hazırki vəziyyət Tramp administrasiyasının maraqların toqquşmasının ehtimalını artırır. Onun biznes imperiyası artıq Tramp adının dünya ətrafında istifadəsi üçün lisenziyalı satışı üstündə qurulub. Bir çox halda o yerli ortaqlardan istifadə edir, bu zaman otel və ofislərində onun şöhrətli adından istifadə edənlər ona pul ödəyirlər. Donald Trampın, “Trump Nation” (Trump Dövləti) adlı bioqrafiyasının müəllifi və kitabın nəşri nəticəsində məhkəməyə cəlb edilən, lakin bu iddialara qarşı qələbə qazanan “Bloomberg” jurnalisti Tim O'Brien, Trampın lisenziya imkanlarından nadir halda imtina etdiyini deyib: "O əlverişli müqavilələri sevir. O qısa müddətli uğurları sevir. Demək olar ki, o, iş masasının üstündən keçən hər müqaviləyə imzalamağa can atır. O, bu barədə çox intizamsızdır... Məncə onun orda oturarkən, Oval Ofisə (ABŞ prezidentinin rəsmi iş otağı) gələcək saysız imkanlardan imtina etmək fikri yoxdur".
Ağ Evdə məsləhətçi kimi işləyən və indi təhlil ilə məşğul olan Pippa Malgrem, lisenziya modelinin mübahisə yaratdığını düşünür. O deyir ki, Tramp adının dəyərini nə artırırsa - məsələn prezidentliklə əlaqələndirilmə - bu, Trampın idarəsi altında olmayan təşkilata təsir edəcək. Amma o deyir ki, Demokratlar Trampa dərs verməyə çox can atmamalıdır: "Clinton Foundation-a qarşı eynilə bu iddialar edilmişdi - dövlət katibi vəzifədə olduğu dövrdə dövlətlər və şirkətlər bilirdilər ki, Clinton Foundation-a sərmayə yatırsalar, bu bir cür təsir qazancı ilə nəticələnəcək".
