ABŞ Prezidenti Donald Tramp, İranla müharibəyə son qoymaq üçün danışıqlar uğursuzluğa düçar olacağı təqdirdə, Xarq adası da daxil olmaqla, İranın əsas enerji və neft infrastrukturuna zərbə endirməklə hədələyib.
TruthSocial sosial media platformasında o yazıb: "Əgər hər hansı bir səbəbdən tezliklə razılaşma əldə olunmazsa, bu, çox güman ki, mümkündür və əgər Hörmüz boğazı dərhal "iş üçün açıq" olmazsa, müharibəyə İrandakı bütün elektrik stansiyalarını, neft quyularını və Xarq adasını (və ehtimal ki, bütün duzsuzlaşdırma zavodlarını!) partlatmaqla və tamamilə məhv etməklə son qoyacağıq”.
O iddia edib ki, ABŞ Tehranda "yeni və daha ağlabatan rejimlə ciddi danışıqlar aparır" və artıq "əhəmiyyətli irəliləyiş" əldə edilib. Daha öncə isə Tramp jurnalistlərə bildirib ki, İran münaqişəyə son qoymaq üçün Vaşinqtonun vasitəçilik etdiyi tələblərin əksəriyyətinə razılıq verib.
SAMİRƏ
