Təl-Əviv administrasiyası ABŞ-a Yaxın Şərqdəki hərbi bazalarını İsrailə köçürməyi və yeni bazalar qurmağı təklif edib. Bununla bağlı iki ölkə arasında danışıqların başladığı bildirilir.
İsrailin Kanal-12 televiziyasının təhlükəsizlik mənbələrinə istinadən verdiyi məlumata görə, İsrail hazırkı hücumlar dayandırıldıqdan sonra ABŞ-ı Qətər kimi ölkələrdəki bəzi bazalarını İsrailə köçürməyə və ölkədə yeni bazalar qurmağa dəvət edib. ABŞ və İsrail hazırda bu təkliflə bağlı danışıqlar aparır.
İsrail mediasının məlumatına görə, ABŞ Mərkəzi Komandanlığının (CENTCOM) Qətərdən tamamilə çıxması ehtimalı azdır, lakin İsraildə yeni bir ABŞ bazasının yaradılması ehtimalı yüksək görünür.
Kanal-12-in məlumatına görə, "İsrail təhlükəsizlik qurumları, ABŞ qüvvələrinin hazırda bölgədə olması və möcud təhlükəsizlik problemləri fonunda, ABŞ-ın Yaxın Şərqdəki hərbi mövcudluğunun xəritəsini yenidən formalaşdırmaq üçün fürsət görür.
İsrailli mənbə bildirib ki, İsraildəki Amerika bazaları hər iki tərəf üçün strateji üstünlük yaradacaq.
Tahir TAĞIYEV
