Rusiya Odessa bölgəsindəki İzmail Limanında lövbər salan Türkiyənin ORINDA gəmisini vurub.
Təxminən 4 min ton mayeləşdirilmiş təbii qaz (LPG) daşıyan Türkiyə bayrağı altında üzən gəmi dron hücumuna məruz qalıb və gəmidə yanğın başlayıb.
Rumıniyanın Plauru kəndinin sakinləri Rusiyanın hücumundan sonra alov alan gəminin partlaması təhlükəsi səbəbindən təxliyə ediliblər. Ruminiyanın fövqəladə hallar xidmətinin məlumatına görə, yükün mümkün partlayışı həm Rumıniya, həm də Ukrayna tərəfi üçün təhlükə yaratdığı üçün təxliyə davam etdirilir.
Türkiyə Dənizçilik Baş İdarəsi məsələ ilə bağlı sosial mediada açıqlama yayaraq gəmidə 16 türk personalın olduğunu açıqlayıb: "16 türk personalın olduğu Türkiyə bayrağı altında üzən ORINDA maye qaz gəmisi Ukraynanın İzmail limanında təxliyə zamanı zərbə alıb və yanğın başlayıb. Heyət gəmini təhlükəsiz şəkildə tərk edib. Xəsarət alan olmayıb. Yanğınsöndürənlər gəmidəki yanğına müdaxilə edirlər".
Bu arada, Rusiya ordusunun Ukraynanın ən böyük enerji şirkəti olan DTEK-ə məxsus Odessadakı elektrik stansiyasına da hücum edib. Hücum nəticəsində 36.500 ev təsərrüfatını elektriksiz qalıb.
TAHİR
