12/12/2019 17:50
728 x 90

Yarıçılpaq qızların erotik fotoları altında məşhur kəlağayının reklamı - necədi...

Ənvər Çingizoğlu: “Kəlağayını erotik reklam rolikində istifadə edənlər, onu üzərinə sərənlər, çiyinlərinə atanlar, özlərini kəlağayı altında gizlədənlər böyük mənəvi cinayətə imza atıblar”

img

Azərbaycan qadınının həya, abır-ismət rəmzi olan kəlağayı milli baş örtüyü kimi böyük bir statusa sahibdir. Milli-mənəvi dəyərlər sistemində xüsusi yeri olan kəlağayıdan elə istifadə edilməlidir ki, ona hər hansı bir hörmətsizlik gəlməsin. Son zamanlar ölkə qadınları nəinki milli bayramlarda, eləcə də gündəlik həyatda kəlağayı bağlayırlar. Öz gözəlliyi, milli koloriti ilə seçilən kəlayağılar Azərbaycan qadınının gözəlliyini tamamlayır.

Bununla yanaşı, təəssüf ki, kəlağayıya hörmət gətirməyən qadınlar da var. Bu günlərdə sosial şəbəkələrdə kəlağayı ilə bağlı yayılan bir foto hər kəsin diqqətini cəlb etdi və geniş müzakirəyə səbəb oldu. İki qız çəkdirdikləri erotik fotoda Azərbaycan kəlağayısını da öz aləmlərində reklam ediblər. Milli baş örtüyümüz kəlağayı erotik reklamda istifadə edilib. Heç şübhəsiz ki, kəlağayıdan erotik fotoların çəkilməsində bir aksesuar kimi istifadə edilməsi yolverilməzdir və bu, tarixi keçmişimizə vurulan zərbədir. Erotik reklam çəkənlərin burada kəlağayıdan istifadə etməsi qıcıq doğurur.

Bir çox sosial şəbəkə istifadəçisi bunu keçmişimizə sayğısızlıq kimi dəyərləndirib. O fotolarda əks olunan qızların kimliyi hələ məlum deyil, onların model, yaxud erotik aktrisa, ya da sadə vətəndaşlar olduğunu kimsə bilmir.

  • “...bu, milli-mənəvi dəyərlərimizə vurulan zərbədir”

Tanınmış etnoqraf-alim, tədqiqatçı Ənvər Çingizoğlu bizimlə söhbətində bildirdi ki, ana-nənələrimizin göz bəbəyi kimi qoruyub bu günümüzə ötürdüyü, Azərbaycan qadınının həya simvolu olan kəlağayıya bu cür münasibət böyük mənəvi cinayətdir. “Sözün açığı, erototik reklamda kəlağayının hallandırılması məni çox narahat etdi. Kəlağayı Azərbaycan xalqının mənəvi dəyəridir. Mənəvi dəyərlərimizi bu şəkildə tapdamaq olmaz. Kəlağayını erotik reklam rolikində istifadə edənlər, onu üzərinə sərənlər, çiyinlərinə atanlar, özlərini kəlağayı altında gizlədənlər böyük mənəvi cinayətə imza atıblar. Azərbaycan qadınına yaraşmayan hərəkətə yol verən bu insanların kəlağayıdan erotik videoda bir milli element kimi istifadə etməsi heç cür yaxşı qarşılana bilməz. Ümumiyyətlə, bəzi reklam şirkətləri milli dəyərlərə, milli elementlərə çox zaman bu cür hörmətsiz yanaşırlar. Kəlağayının erotik reklam vasitəsilə təbliğ edilməsi bizə başucalığı gətirmir, bu, milli-mənəvi dəyərlərimizə vurulan zərbədir. Bəzən adama elə gəlir ki, bəlkə də heç bu fotolar Azərbaycanda çəkilməyib, bu da növbəti bir erməni təxribatıdır. Azərbaycan kəlağayısı UNESCO-ya salınıb. Bu çox müsbət bir haldır. Kəlağayını milli Azərbaycan baş örtüyü kimi dünyada tanıyırlar. Sosial şəbəkələrdə yayılan erotik reklamla kəlağayını mənfi istiqamətdə təbliğ edirlər”-deyə bildirən Ə.Çingizoğlunun sözlərinə görə, Azərbaycan kəlağayısına qarşı hər cür təxribatın qarşısı alınmalıdır. “Bir adamın nəyisə itəndə, nəyisə oğurlananda onunla bağlı cinayət işi başlanır. Bəs milli-mənəvi dəyərlərimizi təhqir edənlərə, aşağılayanlara qarşı nə üçün hüquq müstəvisində addımlar atılmır? Əslində, belələrinə qarşı tədbirlər görülməlidir” - deyə Ə.Çingizoğlu bildirdi.

İradə SARIYEVA 

Son xəbərlər