Gürcüstanlı soydaşlarımızla görüşlərdən video-material təqdim olunub

Tarix: 20.11.2025 / 17:21
Bölmə: Sosial

"Borçalı" İctimai Birliyi İdarə Heyətinin təşəbbüsü ilə Birliyin sədr müavini və həmtəsisçisi yazıçı-jurnalist Şərif Kərimli bu ilin oktyabrında Gürcüstanın bəzi kəndlərində tanınmış ziyalıların, ağsaqqaların, veteran müəllimlərin və keçmiş təsərrüfat işçilərinin diplomlarla təltif olunması ilə bağlı görüşlər keçirmişdir. Bu münasibətlə noyabrın 19-da Mətbuat Şurasında Ş.Kərimlinin hazırladığı "Bağlı qapılar" adlı video-materialın təqdimatı olmuşdur. "Borçalı İctimai Birliyinin sədri, şair-publisist Dəyanət Osmanlının moderatorluğu ilə keçən tədbirdə Gürcüstanda yaşayan soydaşlarımızla əlaqələlərin gücləndirilməsinə, onların yaşam və sosial qayğılarının öyrənilməsinə, həllinə mənəvi, ictimai dəstək göstərlməsi baxımından bu cür görüşlərin təşkil olunmasının əhəmiyyəti vurğulanmışdır. Çıxış edənlərdən Rəşid Faxralı, Paşa Babakərli, Nəsib Qaramanlı, Müşfiq Çobanlı, İsrafil Qurbanov və başqaları Gürcüstandakı tarixi yurd yerlərində yaşayan soydaşlarımızın vətənə, milli-mənəvi dəyərlərimizə bağlılığı, dil, təhsil hüquqlarının vəziyyəti, eləcə də ölkələrimiz və xalqlarımız arasındakı dostluq, əməkdaşlıq münasibətlərinin məziyyətlərindən danışmış, Gürcüstanla quru yolların müəyyən səbəblərdən bağlı olmasına rəğmən soydaşlarımızla əlaqələrin daha da artırılmasının mənəvi borc olduğunu bildirmişlər. Tədbir iştirakçılarının çıxışlarından sonra video-materialın müəllifi Şərif Kərimli belə səfərlər üçün Borçalıda gözləri yolda qalan soydaşımızla görüşlərindən və onlardan aldığı kədərli təəssüratlardan söz açaraq demişdir: -Ötən əsrdə bir neçə dəfə deportasiyaya məruz qalan Qərbi azərbaycanlılar, Ahısqa türkləri, Dağ Borçalısı, Qarabağ camaatı təkcə torpaq itirməyiblər, bu insanlar qədim bir tarixi itiriblər, zəngin ədəbiyyatı, folklor nümunələrini, mədəniyyət incilərini itiriblər, müqəddəs ənənələri, dəyərləri itiriblər, dağları, dərələri, onlara verdiyimiz adları itiriblər. Torpaq bizim üçün heç vaxt ərazi vahidi, iqtisadi termin olmayıb, torpaq bizim üçün Vətən olub, yurd yeri olub. Babalarımız bu torpaqları qan bahasına əldə ediblər, ona görə də deyiblər: "Torpaq uğrunda ölən varsa – Vətəndir!" Elə-obaya möhkəm bağlanmaq üçün gərək bir ayağın Vətəndə olsun. Dədələrimiz söylərdi ki, "Ayağımızı basdığımız yer Vətəndir!". Bu amalla, bu əqidə ilə Altaydan, Sibiriyadan tutmuş üç qitəyə yayılan babalarımız bomboz çöllərə can vermiş, onlara ruhunu hopdurmuş, torpağı Vətən eləmişlər. Bugün Borçalı dərdi Təbriz dərdini üstələyib. Getməyə-getməyə yadlaşırıq. Yadlaşdıqca o torpaqlardan uzaqlaşırıq. Dili həzin laylalı, sinəsi söz boxçalı yaşlılarımız "ay sağolmuşlar, Bəkidən Boşşalıya nə yoldu ki... niyə tez-tez gəlib bizi yoluxmursuz?" tənələri ilə özləri də bilmədən bağrımıza dağ çəkirlər. Yəni bu o deməkdir ki, Cabir Novruzun təbirincə desək: Sağlığında qiymət verin insanlara, Yaxşılara sağlığında yaxşı deyin, Sağlığında yaman deyin yamanlara. Bəli, Bakıdan Borçalıya nə yoldu ki... Təyyarə ilə uzağı 1 saat. Lakin elə bir adam tapılmaz ki, vaxt baxımından quru yolla getdiyi 8-10 saatı 1 saatlıq quş uçuşuna dəyişsin. Bakıdan Borçalıyadək müxtəlif iqlim qurşaqlarına rəğmən dəyişə-dəyişə gözəlləşən hər bir kəndin, rayonun havasını uda-uda keçdiyin məkan insanın ruhuna, fikrinə bir təravət gətirir. Borçalılar yaxşı bilir, vaxtilə öz kəndinə gedən hər bir kəs oradan müsbət enerji ilə, qeyri-adi mənəvi yüklə zənginləşib qayıdırdı. Eyni zamanda Bakıdan Borçalıya gedən hər bir Borçalı balası özlüyündə canlı bir informasiya daşıyıcısına çevrilir, həmyerliləri tərəfindən fəxarətlə, ilhamla, arxa-dayaq kimi qarşılanırdı. İndi sadə insanların gediş-gəliş imkanları tükəndiyindən bu mənəvi körpülər dağılmaq üzrədir. Biz dövlətimizin sərhəd və təhlükəsizlik siyasətinə müdaxilə etmək fikrindən uzaq olaraq arzu edirik ki, soydaşlarımızla əsrlər boyu yaranmış müqəddəs əlaqələrin bərpası və inkişafı naminə Borçalılar üçün müəyyən güzəştli qaydalar tətbiq edilsin. Məqsədimiz odur ki, biz yenidən o qədim-qayım torpaqlarımızın tam hüquqlu mənəvi varislərinə çevrilək, qocalarımıza yiyə duraq, unudulmuşların qapılarını döyək, Azərbaycan və Gürcüstan dövlətləri ilə birgə ictimai birlik olaraq biz də Borçalıların rəsmi təşkilatı kimi millət qarşısında, xalq yolunda danılmaz xidmətləri olan insanlara arxa-dayaq olaq, sağlığında hər bir kəsin qiymətini verək.

DİGƏR XƏBƏRLƏR

Tarix: 06.11.2026 / 10:37

Sosial şəbəkələrdə böhtan və təhqirə məruz qalanlar nə etməlidir? – Hakimdən açıqlama...

Tarix: 06.11.2026 / 09:41

Efirin görünməyən qəhrəmanları, xalqın eşidilən və görünən yaddaşı

Tarix: 06.11.2026 / 09:35

Fatmayıda evdə partlayış - 2 nəfər xəsarət aldı

Tarix: 05.11.2026 / 23:15

Azıx mağarası: Erməni saxtakarlıqları və tarixi həqiqətlər

Tarix: 05.11.2026 / 22:41

Vətən eşqi, Sadiq Hüseynov üçün vəslinə yetə bildiyi bir “təlatüm” idi

Tarix: 05.11.2026 / 22:23

Tarixçi - alim və pedaqoq Naibə Əhmədovanın elmi-pedaqoji fəaliyyətinin 60 illik zirvəsi

Tarix: 05.11.2026 / 21:21

Mətbuat Şurasının yeni tərkibdə ilk iclası keçirilib - FOTO

Tarix: 05.11.2026 / 18:56

Azərbaycanlı professorun Türkiyədə rektor seçilməsinə imkan verməzlər... Həm də indi...

Tarix: 05.11.2026 / 18:22

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...

Tarix: 05.11.2026 / 17:50

Nazir Vilayət Eyvazov xidmətə qəbulla bağlı sıra baxışı keçirdi - FOTO/VİDEO

Tarix: 05.11.2026 / 17:29

“Yaxşı yazmaq yazıçının inqilabi borcudur.”

Tarix: 05.11.2026 / 15:20

Media və Yayım Şurasında Vətən müharibəsinin mediada işıqlandırılması müzakirə olunub - FOTO

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...