Ermənistanda mənəvi böhran o qədər dərinləşib ki, bu ölkədə diriyə hörmət olmadığı kimi, ölüyə də hörmət yoxdur. Bəzən dirisinə hörmət edə bilməyəni ölüsünə hörmət edən görürük, amma bu, Ermənistanda belə deyil.
Ermənistanda daha ölülər torpağa basdırılmayacaq, onların cəsədləri yandırılacaq. Düşmən ölkənin mətbuatının verdiyi məlumat görə, burada hökumət 2020-ci ildə İrəvanda iki krematoriya tikilməsinə dair qərar qəbul edib. Bu barədə əhaliyə xüsusi xidmət qurumunun rəhbəri Arman İsgəndəryan məlumat verib. O deyib ki, ölülərin yandırılması dəfnindən daha ucuz başa gəldiyinə görə krematoriyalara ehtiyac getdikcə artır və o üzdən, İrəvanda üzümüzə gələn ildə eyni vaxtda iki krematoriyanın tikilməsinə qərar verilib.
İsgəndəryan deyib ki, sözügedən layihəyə sərmayə qoymağa hazır iş adamları da var, üstəlik, qanunvericilik də belə müəssisələrin tikilməsinə qarşı deyil. “İnsanların seçim imkanı olmalıdır. İndiyə kimi bir çoxunun ölüsünü Moskvaya apararaq onun külü ilə qayıtdığını görmüşük, çünki İrəvanda buna şərait yox idi. Üstəlik, buna tələbat da artıb, çünki bu, ənənəvi dəfn mərasimlərindən daha ucuz başa gəlir”- o deyib.
“Çox maraqlıdır ki, bu ölkələrdə də belə məsələlərdə ermənilər xüsusilə fərqlənirlər, onlar ölülərin krematoriyalarda yandırılmasını təbliğ edirlər”
Ermənistanda krematoriyaların tikintisinin təəccüblü olmadığını deyən professor, tanınmış sosioloq Əhməd Qəşəmoğlu “Bakı-Xəbər”ə bildirdi ki, ümumiyyətlə, dünyada ilk krematoriyaları elə ermənilər özləri tikiblər. Onun sözlərinə görə, ermənilər bu addımı atmaqla faşizm ideyalarını dəstəklədiklərini ifadə edirlər.
Ə.Qəşəmoğlu, həmçinin, qeyd etdi ki, evtanaziya ilə də məşğul olan erməni olub. O bildirdi ki, sağalmaz xəstəlikdən əziyyət çəkən insanları “Doktor ölüm” ləqəbli erməni əsilli amerikalı Con Gevorkyan öz razılıqları ilə ölümə yollayırdı. Müsahibimizin sözlərinə görə, “Doktor ölüm” ömürlük həbsə məhkum edilmişdi. “Ölülərin yandırılması ənənəsi xristian inanclı ölkələrdə geniş yayılıb. Çox maraqlıdır ki, bu ölkələrdə də belə məsələlərdə ermənilər xüsusilə fərqlənirlər, onlar ölülərin krematoriyalarda yandırılmasını təbliğ edirlər. Ermənilər xarici ölkələrdə də təbliğat aparırlar ki, ölüləri basdırmayın, yandırın, ölülər torpağa basdırıldıqda yer tuturlar və s. Onu da deyim ki, bəzi ağır xəstəliklərdən əziyyət çəkən insanlar “asan ölüm” istəyirlər. Evtanaziya ideyasını da əsas dəstəkləyənlər və bunu həyata keçirənlərdən biri Amerikada yaşayan erməni əsilli həkim idi. Ona görə də Ermənistanda krematoriya tikilməsinə təəccüblənmək lazım deyil, çünki onlar bu işin əsasını qoyan millətlərdəndir. Deyim ki, ölmüş insanların cəsədinin yandırılması faşizm və ermənizmlə bağlıdır, bu, insanlığa qarşı ən böyük cinayətdir. Ölülərin dəfn edilməməsi, onların krematoriyalarda yandırılmasını heç bir din qəbul etmir, bu, Allahsızlıqdır. Xristian dini də, islam dini də, qeyri-ənənəvi dinlər də meyitlərin yandırılmasının tərəfdarı deyil. Bu, ölüyə işgəncədir. Ermənilər azərbaycanlıları boruların içinə yığıb o baş-bu başını qaynaqlayırdılar, camaatımızı diri-diri yandırırdılar. Ermənilərdə qəddarlıq o qədər güclüdür ki, onlar nəinki qeyri-erməniləri yandırırdılar, hətta öz soydaşlarını yandırmağa hazırlaşırlar”.
Ə.Qəşəmoğlu bildirdi ki, Moskvada hələ illər əvvəl krematoriyalar yaradılıb və fəaliyyət göstərir. Onun sözlərinə görə, krematoriyada daha çox xüsusi xidmət orqanlarında işləmiş insanları öz vəsiyyətlərinə uyğun olaraq yandırırlar. Məxfi fəaliyyət göstərən insanların bir çoxunun izini itirmək üçün belə vəsiyyət etdiklərini nəzərə çatdıran Ə.Qəşəmoğlunun dediyinə görə, ermənilərdən nə desən gözləmək olar, bu da onların dinsizliyindən, Allahsızlıqlarından və qeyri-insani xarakterlərindən irəli gəlir.
İradə SARIYEVA
