ABŞ-da ermənipərəst demokrat senator Robert Menendezin qondarma "soyqırım" haqda qanun layihəsini Senatda səsverməyə çıxarmaq cəhdi növbəti dəfə uğursuzluqla nəticələnib.
Baki-xeber.com xarici mediaya istinadən xəbər verir ki, Menendez tərəfindən Senata təqdim edilən 1915-ci il hadisələrinin "soyqırım" kimi tanınmasını nəzərdə tutan qanun layihəsi ikinci dəfə bloklanıb.
Ötən həftə respublikaçı senator Lindsi Qrem tərəfindən bloklanan sözügedən qanun layihəsi, bu dəfə respublikaçı senator Devid Perdyu tərəfindən bloklanıb. Perdyu, qanun layihəsinin müzakirəsi üçün doğru zaman olmadığını deyib.
Qeyd edək ki, respublikaçı senator Lindsi Qrem bir neçə gün əvvəl Senatın 1915-ci il hadisələrini "soyqırım" kimi tanıyan qətnaməni qəbul etməsinin əleyhinə olduğunu bildirib.
Qətnaməni bloklayan senator Qrem deyib: “Mən Ərdoğan və Trampla görüşdüm və Türkiyə ilə Suriyada qarşılaşdığımız problemlərdən danışdıq. Ümid edirəm ki, Türkiyə ilə Ermənistan aralarındakı sözügedən problemi birlikdə həll edər".
Qrem senatorlara xitabən "tarixi yenidən yazmağın lazımsız olduğunu" bildirib.
Oktyabrın 30-da Nümayəndələr Palatası “erməni soyqırımı”nın tanınması barədə qətnamə qəbul edib. Ancaq qətnamənin Senatda səsverməyə qoyulması cəhdi ikinci dəfədir uğursuzluqla nəticələnir.
