Cənubi Koreyanın Milli Kəşfiyyat Xidməti (NIS) Şimali Koreya lideri Kim Çen Inın həqiqətən böyük oğlunun olub olmadığını araşdırır.
Associated Press (AP) agentliyinin yaydığı məlumata görə, bu informasiya öz təsdiqini taparsa belə, bu uşaq atasının ölkə lideri vəzifəsini icra edə bilməyəcək. Onun hansı səbəbdən Kim Çen Inın vəzifəsini tuta bilməyəcəyi isə açıqlamır.
Bundan əlavə, kəşfiyyat Kim Çen Inın daha kiçik bir uşağının olduğunu ehtimal edir. Cənubi Koreyanın paytaxtı Seulda yerləşən Milli Kəşfiyyat Xidməti Kim Çen Inın böyük qızı Kim Cu Enin varislik statusunun gücləndiyini bildirsə də, liderin digər azyaşlı övladının cinsi və dəqiq yaşı barədə hələlik rəsmi və dəqiq məlumatın olmadığını açıqlayıb.
Şimali Koreya hakimiyyəti 42 yaşlı liderin şəxsi həyatı ilə bağlı yalnız çox məhdud məlumat yayır. O, bəzən qızı Kim Cu-e ilə birlikdə ictimaiyyət qarşısına çıxır.
Media əvvəllər Şimali Koreya liderinin üç övladı olduğunu ehtimal edirdi. Daha əvvəl Yonhap Xəbər Agentliyi Cənubi Koreya kəşfiyyat orqanlarına istinadən məlumat vermişdi ki, təxminən 13 yaşlı Kim Cu-e atasının varisi ola bilər. 2022-ci ildən bəri o, vaxtaşırı Şimali Koreya liderini işgüzar səfərlərdə, hərbi paradlarda və dövlət bayramlarında müşayiət edir.
AP qeyd edir ki, Kim Cu-enin böyük qardaşının olub-olmaması məsələsi KXDR-də hakimiyyət varisliyinin müzakirəsi üçün vacibdir, çünki ölkənin 1948-ci ildə qurulmasından bəri hər üç liderin kişi olduğu bildirilir.
Kim Çen In Şimali Koreyanın keçmiş lideri Kim Çen İrin oğlu və ölkənin qurucusu Kim İr Senin nəvəsidir.
İRADƏ
