Abutalıb Səmədov: “Putinin “möhkəm ol” tövsiyəsini də daha çox çarəsizlik kimi qiymətləndirərdim”
Rusiya prezidenti Vladimir Putin Ermənistanın hazırda həbsdə olan sabiq prezidenti Robert Köçəryana 72-ci doğum günü münasibətilə göndərdiyi təbrik teleqramı və orada səsləndirdiyi fikirlər geniş müzakirə predmetinə çevrilib.
MGIMO Beynəlxalq Araşdırmalar İnstitutunun aparıcı tədqiqatçısı Sergey Markedonov bildirib ki, Rusiya prezidenti Vladimir Putinin Ermənistanın ikinci prezidenti Robert Köçəryana 72-ci doğum günü münasibətilə təbrik teleqramı İrəvana siyasi siqnal kimi qəbul edilə bilər.
Qeyd edək ki, teleqramda Putin Köçəryanın Rusiya-Ermənistan münasibətlərinin inkişafına verdiyi töhfəni qeyd edib və ona, xüsusən də, “çətinliklər qarşısında dözümlülük” arzulayıb.
Amma Putin Köçəryanın həbsi barədə bir kəlmə də olsun şərh verməyib. Bu məsələyə toxunmayıb.
Putin bu teleqramla nə mesaj verir?
“Alyans” SAM-ın sədri Abutalıb Səmədov baki-xeber.com-a bildirdi ki, Putin birinci dəfə deyil haqqında cinayət işi açılan Köçəryanı ad günü münasibəti ilə təbrik edir. “Paşinan hakimiyyətə gəldikdən dərhal sonra Köçəryana cinayət işi açılmışdı və nədənsə bu hadisələr həmişə onun ad günü ərəfəsindən düşür. O dövrdə həbsdən
azad olunan, ancaq haqqında cinayət işi davam etdirilən Köçəryana Putin zəng edib onu ad günü münasibəti ilə təbrik etmişdi. Onda da şərh verməmişdi. İndi də şərh verməyib, yalnız ad günü münasibəti ilə təbrik edib. Əslinə qalsa, heç şərhə ehtiyac da yoxdur. Köçəryanla Putinin yaxın münasibətləri hamıya məlumdur və bunu hamıdan yaxşı Paşinyan bilir.
Yeri gəlmişkən, seçkilər ərəfəsində Putin digər Rusiyaya yaxın siyasətçilərin barəsində açılan cinayət işinə münasibət bildirmişdi. Ancaq heç bir nəticəsi olmadı, hələ də onun haqqında cinayət işi davam edir. Şöhbət Samvel Karapetyandan gedir. Yəni, Putinin açıq şəkildə mövqə ifadə etməsi heç nəyi dəyişməyəcək.
Paşinyan bu münasibətləri yaxşı bilir və bilərəkdən bu addım atıb. Çünki yaxşı dərk edir ki, Ermənistan hakimiyyəti üçün ən böyük təhlükə Rusiyadan gəlir və Rusiyanın da Ermənistan daxilindəki əsas təmsilçiləri Köçəryan, Sarkisyan və Karapetiyandır. Birinin haqqında artıq cinayət işi var, ikisinin də barəsində cinayət işi başlanıb, çünki Ermənistanın var-dövlətini talayan insanlardır”.
A.Səmədov qeyd etdi ki, Köçəryan və Sarkisyan, eləcə də bütün cinayətkar cavab verməlidirlər. “Törətdikləri cinayətlərə baxmayaraq özlərini son dərəcə həyasız aparırlar. Uzun müddət Paşinyan onlara səbr etdi, ancaq səbrin də bir sonu var. Köçəryan
və s. onun bu davranışından nəticə çıxarmadılar. Hesab edirəm ki, Putin şərh versə də, verməsə də, Paşinyan axıra qədər gedəcək və bu iki şəxsin həbs edilməsinə, taladıqlarının müsadirə edilməsinə nail olacaq. Əks halda, özünün ən təhlükəli əleyhdarlarını, üstəlik, çox böyük maliyyə imkanlarına malik olan və bu maliyyə imkanlarını Ermənistan dövlətini talamaqla əldə edən əleyhtarlarını azadlıqda saxlamaqla təhlükəni də saxlamış olacaq. Yəni, təhlükə də qalacaq. aşinən dərk edir ki, buna uzun müddət, buna uzun müddət dözmək mümkün deyil. Bu, Putinin xoşuna gəldi, gəlmədi, şərh etdi, etmədi. O, əslində qalsa, Putinin düşüncələrinin təkcə Paşinyan yox, bu prosesləri izləyən hər kəs bilir. Bu səbəbdən onun şərhinə təbii ki, heç bir ehtiyac yoxdur. Paşinyan qətiyyətli adımlar atmaqda bundan sonra da davam edəcək.
Hesab edirəm ki, ən düzgün yolda budur”-deyə A.Səmədov vurğuladı.
Putinin mesajına gəlincə, A.Səmədov vurğuladığına görə, Putin də yaxşı başa düşür ki, Köçəryana kömək etmək şansı yoxdur. “Çünki Paşinyan onun bütün hədələrinə əhəmiyyət vermədi. İndi də elə bir şey qalmayıb ki, Putin onu desin və Paşinyan çəkinsin. Qırğızıstanda görüşləri olmalıdır. Görünür görüş zamanı yenə o məsələni qaldırmağı düşünür. Amma 2018-ci ildə Köçəryana Putin kömək edə bildisə indi demək olar ki, vəziyyəti dəyişmək şansı yoxdur. Güman edirəm ki, nə deməyindən aslı olmayaraq Paşinyan mövqeyini dəyişməyəcək və Putinin “möhkəm ol” tövsiyəsini də daha çox çarəsizlik kimi qiymətləndirərdim. Yəni sənin möhkəm olmaqdan başqa çarən yoxdur, çalış dözəsən”-deyə A.Səmədov vurğuladı.
İradə SARIYEVA
